Fréttablaðið - 30.04.2009, Side 42

26 30. apríl 2009 FIMMTUDAGUR
timamot@frettabladid.is
Fyrir skömmu fékk Náttúran.is styrk
frá menntamálaráðuneytinu til að
standa straum af kostnaði við að dreifa
Náttúruspilum í grunnskóla landsins.
„Náttúruspilin eru 52 talsins og á þeim
má finna góð ráð fyrir þig og umhverf-
ið,“ útskýrir Guðrún Tryggvadóttir,
stofnandi vefjarins, og heldur áfram:
„Náttúruspilin voru fyrst hugsuð sem
kynningarefni fyrir innihald vefjarins.
Okkur langaði að setja fram eitthvað
skemmtilegt sem væri ekki bók eða
bæklingur en gæfi þó til kynna hversu
fjölbreytt efnið á vefnum er í raun.“
Umhverfismál eru eitt
helsta hitamálið þessa dag-
ana og áhrif mengunar og
loftlagsbreytinga knýja
fólk til að hugsa hlutina upp
á nýtt. „Spilin voru unnin í
samvinnu hjá okkur í þró-
unarteymi. Í upphafi voru
gefin út 48 spil vegna opn-
unar vefjarins fyrir tveimur
árum, en við urðum tveggja
ára 25. apríl síðastliðinn.
Síðan þá hafa spilin
verið uppfærð og end-
urprentuð og eru nú
orðin að 52 spila setti,“
útskýrir Guðrún og nefnir að fljótlega
hafi borið á því að kennarar hafi sóst
eftir að fá spilin í kennslu. „Til að byrja
með voru spilin ekki hugsuð þannig,
heldur frekar til að kynna innihald vefj-
arins. Textarnir eru ekkert sérstaklega
stílaðir inn á börn frekar en fullorðna
en tilgangurinn með stuttum og lag-
góðum textum er sá að allir skilji hlut-
ina og að efnið sé skemmtilegt,“ segir
hún ákveðin. „Spilin eru eins og minn-
iskort að forminu til en hver og einn
getur látið sér detta eitthvað skemmti-
legt í hug með þau. Vefurinn getur síðan
nýst sem viðbót til enn frekari
umhverfisfræðslu eða þema-
vinnu í skólastarfi.“
Þar sem spilin eru nú 52
talsins duga þau fyrir hverja
viku ársins. Á hinni hlið-
inni er síðan árstíð en spil-
in skiptast í vetur, sumar, vor
og haust. „Fyrir hverja árstíð
eru 13 ráð sem nota má mark-
visst í kennslu, en skort hefur
á efni tengt umhverfismál-
um í skólana,“ segir
Guðrún og bætir við:
„Áhugavert er að æ
fleiri kennarar hafa
samband og biðja um að fá spilin send
og því sóttum við um styrk til mennta-
málaráðuneytisins til að senda spilin í
alla skóla,“ segir Guðrún, sem hannaði
útlit spilanna í samvinnu við Signýju
Kolbeinsdóttur. „Allir sem hafa unnið
við vefinn eiga hins vegar þátt í þessum
spilum. Textarnir eru unnir í hópavinnu
hjá okkur en hugmyndin kom upphaf-
lega frá Völu Smáradóttur, sem starfaði
hjá okkur í hálft ár.“
Á Náttúran.is má finna hvaðeina er
tengist umhverfismálum. Eitt af meg-
inmarkmiðunum er að benda á vörur
og þjónustu þar sem sjálfbærni, sann-
gjörn viðskipti og virðing fyrir náttúr-
unni og fólki eru höfð að leiðarljósi. „Þar
er yfirsýn yfir hver er að gera hvað í
umhverfismálum og má þar til dæmis
nefna Græna kortið þar sem yfir þúsund
íslenskir aðilar eru skráðir og flokkaðir
eftir alþjóðlegu kerfi, en Ísland er fyrsta
landið sem kortlagt er í heild sinni. Þar
má finna allt er við kemur grænu hag-
kerfi sem gerir neytendum kleift að
vera meðvitaðir um umhverfisvernd.
Þar má einnig finna Endurvinnslukort-
ið, grænar síður, veðurspá og verslun,
ýmsar fréttir og fleira,“ segir Guðrún
áhugasöm. hrefna@frettabladid.is
NÁTTÚRAN.IS: FÆR STYRK FRÁ MENNTAMÁLARÁÐUNEYTINU FYRIR NÁTTÚRUSPIL
VONUMST TIL AÐ SPILIN NÝTIST
SKYNSEMI OG VIRÐING VIÐ NÁTTÚRUNA Guðrún Tryggvadóttir stofnaði vefinn Náttúran.is fyrir tveimur árum og hefur hann blómstrað jafnt og
þétt síðan þá. Vefurinn er rekinn með styrkjum og auglýsingatekjum en þar má finna hvaðeina er viðkemur umhverfisvernd. FRÉTTABLAÐIÐ/ARNÞÓR
Innilegar þakkir til allra þeirra sem sýndu
okkur samúð og vinarhug við andlát og
útför móður okkar, tengdamóður, ömmu
og langömmu,
Valgerðar Einarsdóttur
Vestmann,
Dvalarheimilinu Höfða, Akranesi,
áður Bekansstöðum.
Sérstakar þakkir til starfsfólks Dvalarheimilisins Höfða
og Sjúkrahúss Akraness fyrir góða umönnun.
Anna Margrét V. Þóroddsdóttir Finnur S. Guðmundsson
Valur Þór. V. Þóroddsson Guðlaug Magnúsdóttir
Jóhann V. Þóroddsson Guðríður Hannesdóttir
Bjarni O. V. Þóroddsson Kristín J. Dýrmundsdóttir
Katrín V. Þóroddsdóttir
Ólafur V. Þóroddsson María Björk Reynisdóttir
og ömmubörn.
Ástkær faðir, afi og langafi,
Sigurður Lárusson Knudsen
Tunguvegi 44, Reykjavík,
er lést á Landspítalanum sunnudaginn 26. apríl
síðastliðinn verður jarðsunginn frá Bústaðakirkju
5. maí kl. 13.00.
Guðbjartur Sigurðsson Snjólaug Jóna Sveinsdóttir
Kristín Eva J. Sigurðardóttir Karl O. Jansson
Matthías Daði Sigurðsson Anna Guðmundsdóttir
Sigurður Pétur Sigurðsson Ingibjörg Bjarnarsdóttir
Gunnar Smári Sigurðsson Súsanna Þórisdóttir
Lárus Fjéldsted Sigurðsson Doris Marleen Omdal
Elínborg Sigurðardóttir
Hulda Dögg Sigurðardóttir Erlendur Valdimarsson
Ellen Elsa Sigurðardóttir Steingrímur Gunnarsson
Alúðarþakkir til allra þeirra sem sýndu
okkur samúð og vinarhug, við andlát og
útför ástkærs eiginmanns míns, föður
okkar, tengdaföður, bróður, mágs og afa,
Erlendar Sigurðssonar
Stöðulsholti 4, Borgarnesi.
Guð blessi ykkur öll.
Gunnfríður Sigurharðardóttir
Sólveig R. Erlendsdóttir Ólafur Júlíusson
Þórir Erlendsson Berglind Ólafsdóttir
Steingerður Örnólfsdóttir
Jóna Sigurðardóttir Kjartan Magnússon
Guðrún Sigurðardóttir Sigurbjörn Jóhann Garðarsson
og afabörn.
BJARNI BENEDIKTSSON, FYRRUM
FORSÆTISRÁÐHERRA, FÆDDIST Á
ÞESSUM DEGI ÁRIÐ 1908.
„Við erum svo fáir og við
erum svo smáir.“
Bjarni var kjörinn formaður
Sjálfstæðisflokksins á lands-
fundi árið 1961. Árið 1963
varð hann forsætisráðherra
og gegndi þeirri stöðu þar til
hann féll frá ásamt konu sinni
og dóttursyni í eldsvoða á
Þingvöllum 10. júlí árið 1970.
Á þessum degi fyrir átján
árum tók ríkisstjórn Sjálf-
stæðisflokks og Alþýðu-
flokks, undir forsæti Davíðs
Oddssonar, við völdum. Sú
stjórn hefur verið kölluð Við-
eyjarstjórn þar sem hún var
mynduð í Viðey á einungis
fjórum dögum. Formaður Al-
þýðuflokksins, Jón Baldvin
Hannibalsson, varð þá utan-
ríkisráðherra.
Stjórnin kvaðst berjast við
mikinn fortíðarvanda sem fælist í hallarekstri á
ríkissjóði, tómum sjóðum vegna misheppnaðra
fjárfestinga í fiskeldi og loðdýrarækt og hættu
á verðbólgu. Með aðhaldi í fjármálum og pen-
ingamálum tókst að halda verðbólgu í skefjum
en það auðveldaði starf stjórnarinnar að aðilar
vinnumarkaðarins höfðu gert
þjóðarsátt árið 1990 um hóf-
legar launahækkanir. Einn-
ig voru ýmsir opinberir sjóðir
lagðir niður og strangar regl-
ur settar um Byggðasjóð.
Eitt fyrsta verk stjórnar-
innar var að viðurkenna á
ný sjálfstæði Eystrasaltsríkj-
anna þriggja, Eistlands, Lett-
lands og Litháens, eftir hrun
Sovétríkjanna og varð Ísland
fyrst ríkja til að gera slíkt.
Halla í rekstri íslenska ríkisins var á nokkrum
árum snúið í afgang, sem síðan var notaður til
að lækka skuldir. Atvinnulífið opnaðist verulega
þegar Ísland gerðist aðili að Evrópska efnahags-
svæðinu árið 1994 og var kvótakerfið fest í sessi
með margvíslegri löggjöf.
ÞETTA GERÐIST: 30. APRÍL 1991
Viðeyjarstjórnin tekur við völdum
MERKISATBURÐIR
1789 George Washington sver
embættiseið og verður
þar með fyrsti forseti
Bandaríkjanna.
1838 Níkaragúa segir sig úr
Ríkjasambandi Mið-Amer-
íku og lýsir yfir sjálfstæði.
1939 Franklin D. Roosevelt
kemur fyrstur bandarískra
forseta fram í sjónvarpi.
1966 Hótel Loftleiðir er opnað
í Reykjavík aðeins sextán
mánuðum eftir að fram-
kvæmdir hefjast.
1980 Beatrix Hollandsdrottning
tekur við embætti.
1995 Clinton Bandaríkjaforseti
heimsækir Norður-Írland
fyrstur Bandaríkjaforseta.
1999 Kambódía gengur í Sam-
band Suðaustur-Asíuríkja.
AFMÆLI
WILLIE
NELSON
tónlistar-
maður er
76 ára.
KIRSTEN
DUNST
kvikmynda-
leikkona er
27 ára.
Sýningin Landnám Íslands verður
opnuð á Torginu á fyrstu hæð Þjóð-
minjasafnsins í dag, fimmtudaginn
30. apríl, klukkan 17.
Á sýningunni verður sýndur af-
rakstur starfs nemenda í 8. bekk
Öskjuhlíðarskóla sem unnið hafa verk-
efni tengd landnáminu í vetur.
Það er hefð í 8. bekk Öskjuhlíðar-
skóla að læra um landnám Íslands.
Nemendur fræðast um fyrstu land-
námsmennina og líf í nýju landi.
Unnin eru margvísleg verkefni og
vinnubækur.
Liður í náminu er að fara í vett-
vangsferðir. Nemendur heimsækja
Sögusafnið í Perlunni, Landnámssýn-
inguna í Aðalstræti og síðast en ekki
síst er farið í Þjóðminjasafnið.
Á þessari sýningu getur að líta
nokkur myndverk nemenda 8. bekkja
tveggja síðastliðinna vetra og eiga
allir nemendurnir þar einhvern hlut
að máli.
Öskjuhlíðarskóli í Þjóðminjasafni
Í ÞJÓÐMINJASAFNI Krakkarnir í áttunda bekk
halda sýningu í Þjóðminjasafninu.