Fréttablaðið - 09.05.2009, Page 72

44 9. maí 2009 LAUGARDAGUR
menning@frettabladid.is
Sunnudag kl. 20.
Elektra-hópurinn spilar á Kjarvals-
stöðum í annað sinn: Á tónleikunum
á sunnudag verður haldið til Þýska-
lands og Austurríkis þar sem verk
gömlu meistaranna, Mozarts, Beet-
hovens og Brahms, verða í hávegum
höfð. Þegar hefur Elektra Ensemble
haldið eina tónleika á Kjarvalsstöð-
um þar sem viðkomustaðurinn var
Rússland.
> Ekki missa af …
Vortónleikum Kammerkórs
Mosfellsbæjar sem verða í
Kjarnanum í Mosfellsbæ á
sunnudag kl. 17.00. Á efnis-
skránni eru fjölbreytt verk frá
ýmsum tímabilum allt frá end-
urreisn fram til dagsins í dag.
Stjórnandi kórsins er Símon
H. Ívarsson. Ásamt kórnum
kemur fram kammersveit frá
Tónskóla Sigursveins D. Krist-
inssonar og slagverksleikarar
úr Listaskóla Mosfellsbæjar.
Meistarauppeldi
Það styttist í umsóknarfresti fyrir
þá sem vilja sækja um nám til meist-
araprófs í tónsmíðum við Listahá-
skóla Íslands en boðið er upp á það
í annað sinn á komandi vetri. Þegar
eru fyrir þrír nemendur sem eru
að ljúka sérhæfðum leiðum gegn-
um námið en Listaháskólinn hefur
kosið að sníða námið alfarið kring-
um séráhuga og sérfræðisvið nem-
enda. Nám og kennsla eru einstakl-
ingsmiðuð.
Kjartan Ólafsson, tónskáld og
tónsmiður, segir að ólíkt stöðunni
hér á landi finni menn fyrir sam-
drætti í aðsókn að tónlistarskólum
á æðri námsstigum. Hér sé aðsókn
enn að aukast.
Líklega er ekki kominn í gegn að
fullu sá stóri stabbi sem tónlistar-
skólakerfið gat af sér og þótt tón-
menntunarkerfið sé ekki altækt
um grunnskólann eru þar enn fjöl-
margir nemendur sem stunda tón-
list sér til þroska. Verði ekki lát á
tónmenntun í landinu af fjárhags-
legum ástæðum getur Kjartan litið
björtum augum til framtíðarinnar:
því skyldu menn ekki læra hér til
tónsmíða af ýmsu tagi?
Hann segir líka að fyrirkomulag-
ið við kennsluna með sérhæfingu
veki athygli á Norðurlöndum þar
sem hefð og vani ríki í æðri tónlist-
arstofnunum.
Þá hafi einnig borist fyrirspurn-
ir víðar að. Enda ekki fráleitt að við
getum selt nám víða um lönd rétt
eins og margar aðrar þjóðir hafa
selt okkur um langt árabil. - pbb
TÓNLIST Kjartan Ólafsson, tónskáld og prófessor.
Þeir kalla hana Fræði og framkvæmd,
eina af yngri námsbrautunum í LHÍ
sem hóf göngu sína haustið 2005 við
leiklistardeild Listaháskóla Íslands.
Nú í vor lýkur annar árgangur braut-
arinnar námi og frá og með deginum í
dag byrja nemendur að sýna lokaverk-
efni sín á dreifðum sýningarstöðum
víða um höfuðborgina. Lýkur sýning-
artörninni ekki fyrr en 17. maí.
Í þessum útskriftarhópi brautarinnar eru
átta nemendur og endurspegla útskriftar-
verkefni þeirra áherslu námsins á frumsköp-
un og eru því fjölbreytt; allt frá útvarps-
verkum til innsetninga. Lögð er áhersla á að
nemendur móti sér einstaklingsbundna sýn
á form leiklistarinnar og er spennandi að sjá
hvernig kennurum og nemendum hefur tekist
til í náminu, og ekki síður hvernig þetta leik-
listarfólk framtíðarinnar tekst á við lifandi
miðil leiklistarinnar sem er svo háð bæði vel-
þóknun áhorfenda og forvitni og opinberum
styrkjum til frekari framkvæmda.
Fræði og framkvæmd átti að skapa grund-
völl til nýsköpunar og auka fjölbreytni í
íslensku sviðslistaumhverfi, segja þeir hjá
Listaháskólanum og tóku sumir á þann veg
að þar með væri hin svokallaða akademía
að setja sig skör hærra annarri leiklistar-
starfsemi í landinu. Í náminu, sem er jöfn-
um höndum fræðilegt og verklegt, var lögð
áhersla á leiklist í sem víðustum skilningi og
er námið hugsað sem vettvangur fyrir bæði
fræðilegar og listrænar rannsóknir á leik-
list. Með rannsókn er ekki átt við akademíska
rannsóknarvinnu í hefðbundnum skilningi.
Námið átti að snúast um sögu, eðli, hlutverk
og mörk leiklistarinnar, tungumál hennar
og snertifleti við aðrar listgreinar. Velt er
upp grundvallarspurningum um form, hefð
og aðferðir leiklistar og nemendum kynntar
helstu kenningar og stefnur, bæði sem snerta
leiklist og list leikarans, sem og aðrar teg-
undir af sviðslistum. Skorin segist búa nem-
endur undir störf eða framhaldsnám í leiklist
með því að auka sérþekkingu þeirra og hvetja
til frumsköpunar, auk þess sem námsbraut-
inni er ætlað að renna stoðum undir gagn-
rýna sýn nemandans á listgreinina, umhverfi
sitt og eigin verk.
Lokaverkefnin verða víða sýnd næstu
daga og er skilmerkilega greint frá sýninga-
stöðum og tímum á vefslóðinni: http://lhi.
is/2009/05/06/utskriftarverkefni-nemenda-i-
fraedi-og-framkvaemd-8-17-mai/.
pbb@frettabladid.is
FURÐA, FRÆÐI, FRAMKVÆMD
LEIKLIST Útskriftarhópurinn sem frumsýnir verk sín víða nú um helgina. MYND/LHÍ
Þess er víða minnst um þessar
mundir að helsti skáldjöfur Norð-
manna, Knut Hamsun, fæddist
fyrir 150 árum. Hluti dagskrár
af þessu tilefni hér er sýning
á kvikmynd Henning Carlsen,
Sulti, sem gerð
er eftir sam-
nefndri skáld-
sögu Hamsun
sem kunn er í
íslenskri þýð-
ingu Jóns Sig-
urðssonar frá
Kaldaðarnesi.
Verður
myndin sýnd
í dag kl. 16 í
Bæjarbíói, Strandgötu 6, Hafn-
arfirði. Kvikmyndin Sultur hlaut
dönsku Bodil-verðlaunin sem
besta danska bíómyndin árið
1967 og Per Oscarsson var val-
inn besti leikarinn í Cannes árið
1966. Jafnframt fékk hann Bodil-
verðlaunin og Gullbjölluna í Sví-
þjóð árið 1967 sem besti leikar-
inn. Myndin er talin höfuðverk
Henning Carlsen og varðveitir
einstakar myndir af gömlu hverf-
unum í Kristjaníu (Osló) sem
voru rifin skömmu eftir tökur
myndarinnar.
Sultur gerist árið 1890 og fjall-
ar um rithöfundinn Pontus sem
ráfar vannærður og matarlaus
um stræti Kristjaníu og þráir að
finna ástina og útgefanda fyrir
ritverk sín. En hann verður ein-
göngu fyrir áföllum og þján-
ingu og raunveruleikaskyn hans
brenglast. - pbb
Sultur
KNUT HAMSUN
Í dag verður opnuð í Náttúru-
fræðistofu Kópavogs sýningin
MINJAR, náttúra í myndlist og
myndlist í náttúru. Þar gefur að
líta verk sem flest eru unnin
sérstaklega fyrir húsakynni
Náttúrufræðistofu Kópavogs.
Tengsl náttúru og myndlist-
ar eru hér í brennipunkti í
breiðum skilningi, en einnig
flettast inn vangaveltur um
söfn almennt og hvaða hlut-
verki þau hafa að gegna. Hvað
leitast þau við að varðveita
og passa upp á að komandi
kynslóðir fái að sjá og hvaða
sögu inniheldur það sem gest-
um er sýnt? Eftir hvaða kerfi
eru munirnir flokkaðir og á
hvaða hátt eru þeir settir fram
til sýnis?
Náttúran hefur lengi verið
listamönnum hugleikin. Á
þessari sýningu eiga mynd-
listarverkin samtal við þá gripi
sem fyrir eru. Þeir listamenn
sem eiga verk á sýningunni
eru: Anna Líndal, Bjarki Braga-
son, Eygló Harðardóttir, Harpa
Árnadóttir, Harpa Dögg Kjart-
ansdóttir, Hekla Dögg Jónsdótt-
ir, Helga Arnalds, Hildigunnur
Birgisdóttir, Hugsteypan, Hildur
Bjarnadóttir, Ingibjörg Jónsdótt-
ir, Jeannette Castioni, Magnea
Ásmundsdóttir, Pétur Thomsen,
Rósa Sigrún Jónsdóttir, Sigurrós
Svava Ólafsdóttir og Unnar
Örn.
Sýningarstjórar eru Ingunn
Fjóla Ingþórsdóttir og Þórdís
Jóhannesdóttir. - pbb
Náttúra og myndlist í safni
MYNDLIST Án titils fyrir Carl Von
Linné eftir Hildigunni Birgis-
dóttur. MYND/NÁTTÚRUFRÆÐISTOFA