Fréttablaðið - 09.05.2009, Side 89

LAUGARDAGUR 9. maí 2009
sumarferdir.is
Fanabe Costa Sur
ALLT INNIFALIÐ
Verð frá: 99.999kr.
á mann m.v. 2 fullorðna og 1 barn í viku. Brottför 1. júlí.
Gran Costa Adeje
½ FÆÐI
Verð frá: 96.485kr.
á mann m.v. 2 fullorðna og 1 barn í viku. Brottför 1. júlí.
Tenerife
Kíktu á júlíverðin!
– besta verðið bókast fyrst
Þórhallur Guðjónsson, lögg. fast.sali
HANDBOLTI Kristján Andrésson
getur gert Guif að sænskum meist-
ara í handbolta karla í dag þegar
liðið mætir Alingsås í úrslitaleik í
Globen. Kristján, sem er aðeins 28
ára gamall, er á sínu öðru ári með
liðið en hefur bæði árin náð miklu
lengra en menn bjuggust við. Nú
er hann einum leik frá því að gera
GUIF að sænskum meisturum í
fyrsta sinn í sögu félagsins.
„Þetta er mjög stór stund fyrir
okkur og þetta verður mjög
skemmtilegur leikur. Við erum
allir mjög spenntir,“ sagði Kristj-
án Andrésson, þjálfari Guif, í rútu
á leiðinni til Stokkhólms.
Aldrei orðið meistarar
„Það eru margir mjög ánægðir
með að við erum komnir alla leið
í úrslit og allir eru stoltir af Guif-
liðinu. Liðið hefur aldrei orðið
meistari en það hefur komist tvisv-
ar áður í úrslitaleikinn og síðast
fyrir átta árum,“ sagði Kristján
en hann lék þá með liðinu.
„Það bjuggust ekki margir við
að við myndum komast í úrslita-
keppnina því að við misstum tvo
markahæstu mennina okkar í
fyrra. Hinir leikmennirnir hafa
bætt sig mikið og við erum með
marga leikmenn í dag sem geta
gert góða hluti fyrir liðið,“ segir
Kristján.
Stuðningsmenn Guif styðja vel
við liðið og klæðast allaf rauðu.
Þeir kalla sig Rauða hafið en ekk-
ert lið í sænsku deildinni fékk
fleiri áhorfendur á sína leiki í
vetur.
Allir að óska manni til hamingju
„Við erum búnir að vera með
mjög sterka stuðningsmenn á
þessu tímabili. Maður sér það líka
að það eru margir að labba um í
Guif-peysum í bænum og það eru
allir að óska manni til hamingju
og segjast vona að við vinnum leik-
inn,“ sagði Kristján.
Guif-liðið sló deildarmeistar-
ann Sävehof út úr undanúrslitun-
um eftir sigur í oddaleik. Í sænsku
úrslitakeppninni fá deildarmeist-
arnir að velja sér mótherja í 8 liða
og undanúrslitum.
„Þeir vildu spila við okkur.
Þeir voru ekki búnir að tapa fyrir
okkur í sautján leikjum í röð og
héldu örugglega að þeir myndu
vinna okkur,“ segir Kristján en
bætir við
Voru hræddir við að tapa
„Þeir voru mjög hræddir við tapa
en við börðumst eins og við gátum
og vorum með góðan markmann.
Við vorum bara sterkari í lokin og
náðum að vinna. Þetta var frábær
leikur,“ sagði Kristján.
Það hefur reynt mikið á Kristján
því hann hefur þurft að byggja upp
nýtt lið með ungum leikmönnum.
„Við erum búnir að missa leik-
menn fyrir bæði tímabilin en við
erum líka búnir að fá nokkra unga
menn til okkar auk þess sem þeir
sem eftir voru hafa nýtt tækifær-
ið ótrúlega vel,“ segir Kristján og
bætir við. „Auðvitað er ég stoltur
af mínu liði og hvernig það hefur
vaxið og dafnað þessi tvö ár. Það
eru ótrúlega margir stákar sem
hafa orðið betri leikmenn og eru
að verða klókari og klókari. Það
er mjög skemmtilegt að fylgjast
með þeim. Þeir hafa komið á allar
æfingar til að verða betri og það er
mjög skemmtilegt að þjálfa þannig
leikmenn,“ segir Kristján.
Mikil umfjöllun um liðið
Hann hefur ekki áhyggjur af
reynsluleysi sinna manna þrátt
fyrir ungan aldur.
„Það hefur verið mikil umfjöll-
un um liðið í fjölmiðlum í Svíþjóð
og margir vilja fylgjast með liðinu.
Við erum að reyna að fá leikmenn-
ina til að einbeita sér að leiknum.
Þetta er mjög góðir strákar sem
léku úrslitaleiki þegar þeir voru
yngri. Þeir eru vanir þessu. Við
höfum fengið mjög marga áhorf-
endur á pallana í vetur og ég
vona að þeir séu vanir þessu. Við
munum gera allt til þess að vinna
leikinn,“ segir íslenski þjálfarinn.
Skeggið sést ekki á öllum
Kristján státar nú af myndarlegu
alskeggi og það er ekki að ástæðu-
lausu.
„Það er bara fyrir þessa úrslita-
keppni. Þeir eru með það sem þeir
kalla „slutspelsskägg“ hér í Sví-
þjóð. Það þýðir að maður byrjar
að safna frá fyrsta leik í úrslita-
keppninni og allt liðið hefur gert
það. Ég er með mjög unga leik-
menn þannig að það sést ekki á
öllum þótt þeir séu búnir að safna
í þrjár vikur,“ segir Kristján í létt-
um tón.
„Ég má raka mig eftir leikinn
og ég geri það hvernig sem fer. Ég
er byrjaður að venjast því að hafa
skegg en það verður mjög gott að
raka sig aftur,“ segir Kristján.
Kristján segir góða umgjörð
hjá Guif skipta miklu máli. „Þetta
er búið að vera stórt ævintýri. Ég
hef haft góðan aðstoðarþjálfara
og gott fólk í kringum liðið,“ segir
Kristján.
„Það væri fyrsta skiptið sem
Guif vinnur titilinn og það væri
mjög skemmtilegt fyrir allar þær
manneskjur sem hafa verið að
vinna fyrir félagið í mörg, mörg
ár. Ég vona það virkilega að við
vinnum,“ sagði hann að lokum.
ooj@frettabladid.is
ÞAÐ VERÐUR GOTT AÐ
FÁ AÐ RAKA SIG AFTUR
Stuðningsmenn Guif kalla sig Rauða hafið og ætla að fjölmenna í Globen í dag
og hjálpa Íslendingnum Kristjáni Andréssyni að gera Guif að sænskum meist-
ara í fyrsta sinn. Kristján hefur byggt upp nýtt lið á tveimur árum.
„SLUTSPELSSKÄGG“ Kristján Andrésson
er kominn með myndarlegt alskegg.
MYND/TOMMY HOLL