Skinfaxi - 01.11.1954, Page 38
134
SKINFAXI
Frá sambandsráðsfundi UMFl 1954
Sambandsráð Ungmennafélaga Islands hélt fund í
Reykjavík 26. og 27. júní s.l. Sjö fulltrúar héraðssam-
banda sóttu fundinn, stjórn UMFÍ og nokkrir gestir.
Meðal samþykkta fundarins voru þessar:
Uppeldis- og félagsmál.
„Fundurinn bendir á nauðsyn þess, að komið sé
á fót skipulagðri félags- og iþróttastarfsemi á þeim
vinnustöðum, þar sem fjöldi æskumanna dvelur við
vinnu um lengri eða skemmri tíma fjarri heimilum
sínum. Skorar hann á hvern þann ungmennafélaga,
sem vinnur á slíkum stað, að reyna að hafa forgöngu
um slíkt félagsstarf. Jafnframt felur hann sambands-
stjórn UMFÍ að leita samráðs við stjórnarvöldin að
þau aðstoði hana í þessu starfi.“
„Fundurinn beinir þeirri áskorun til ungmenna-
félaganna, einkum þar sem margir æskumenn dvelja
við nám eða starf, að þau beiti sér fyrir stofnun barna-
deilda innan félaganna. Jafnframt verði aukið starf
meðal eldri félagsmanna.“
„Fundurinn harmar það, hve vanrækl hefur verið
félagslegt uppeldi skólaæskunnar. Hann beinir því
þeirri eindregnu áskorun til fræðslumálastjórnarinn-
ar, að nemendum verði veitt tilsögn og æfing í félags-
legu starfi, og séu þau störf metin til jafns við aðra
kennslu.“
„Fundurinn bendir á nauðsyn þess, að vel sé búið
að heimavistarskólunum í hvívetna. Jafnframt sé tek-
ið tillit til þeirrar sérstöðu þeirra, að þar er starf
skólastjóra og kennara ekki aðeins miðað við
kennslustundafjölda, heldur hvílir einnig á þeim leið-
beiningar- og eftirlitsstarf með nemendum utan
kennslustunda. Fundurinn telur heimavistarskóla