Sjómannablaðið Víkingur - 01.12.1979, Síða 64

Aðalfundur Félags
ísl. loftskeytamanna
Aðalfundur Félags íslenskra
loftskeytamanna var haldinn 26.
október sl. í Borgartúni 18. Á
fundinum var 31 félagi, og verður
það að teljast góð fundarsókn, þar
sem margir félagsmanna eru
bundnir við störf sín á sjó. í félag-
inu eru 87 manns.
í stjórn félagsins sitja nú:
Ólafu; K. Björnsson formaður,
Reynir Björnsson gjaldkeri, Lárus
Jóhannsson ritari, Lárus Helgason
varaformaður, Bogi Þórðarson
varagjaldkeri, Jón Steindórsson
og Ögmundur Guðmundsson
Ólafur K. Björnsson
64
meðstjórnendur. Á aðalfundinum
voru fjórir menn kosnir í trúnað-
arráð og fjórir til vara.
Nýja reglugerðin er áfangi
í öryggismálum
Á fundinum var mjög til um-
ræðu ný reglugerð um fjarskipta-
tæki og loftskeytamenn um borð í
íslenskum skipum. Reglugerð
þessi hefur verið í smíðum í tvö ár,
en er nú frágengin af hálfu Sam-
gönguráðuneytisins. Reglugerð
þessi kveður meðal annars á um
að loftskeytamenn skuli vera um
borð i fiskiskipum sem eru 55
metrar að skrásetningarlengd eða
lengri, og á farskipum á alþjóða
siglingaleiðum ef þau eru 1500
brúttó rúmlestir eða stærri; enn-
fremur á öllum íslenskum skipum
í Ameríkusiglingum án tillits til
stærðar. Reglugerð þessa rná
skoða sem mikilsverðan áfanga í
öryggismálum sjómanna, vegna
þess m.a. að þar er kveðið á um
aukningu á fjarskiptabúnaði
skipa.
Loftskeytamenn þurfa betri
skólun og starfsþjálfun
Á aðalfundi sínum ræddu loft-
skeytamennirnir einnig mikið um
málefni Loftskeytaskólans og
voru sammála um að starfsemi
hans þyrfti að taka til gagngerrar
endurskoðunar. Skólinn er rekinn
af Póst- og símamálastjórninni og
fyrir hennar rekstrarfé. Um lang-
an aldur hefur hann ekki fengið
neina fjárveitingu á fjárlögum. Er
það álit loftskeytamanna að því
fari fjarri að hann fylgi kröfum
tímans, t.a.m. þyrfti að leggja
mjög aukna áherslu á menntun í
viðhaldi og viðgerðum á raf-
eindabúnaði. Námskrá fyrir skól-
ann finnst ekki, þó að eftir henni
hafi verið leitað.
Þá þótti fundarmönnum einnig
nauðsyn til bera að nýútskrifaðir
loftskeytamenn fengju nokkra
þjálfun í samstarfi við vana menn
áður en þeir tækju að sér sjálfstæð
störf. Slík þjálfun tíðkast með
flestum þjóðum og stendur frá 6
vikum upp í eitt ár.
Að lokum skal þess getið að
skrifstofa FÍL í Borgartúni 18 er
opin frá klukkan 4 til 6 síðdegis
alla mánudaga. Stjórnarmenn eru
til viðtals á þeim tíma.
FTH.
Jón Jónsson var orðinn mjög
miður sín af magaverkjum, svo
hann fór til mikilsmetins sérfræð-
ings og kvartaði sáran yfir líðan
sinni.
„Hvað borðaðir þú um hádeg-
ið?“ spurði læknirinn.
Jón hugsaði sig ofurlítið um og
svaraði:
„Soðinn humar, uxahalasúpu,
kjúklingasteik, hnetusalat, rjóma-
ís, kex og ost, kaffi og koníak.“
Læknirinn leit hvasst og rann-
sakandi á hann.
„Þú hefur ekkert með magasér-
fræðing að gera. Það, sem þig
vantar, er heilasérfræðingur.“
VÍKINGUR