Sjómannablaðið Víkingur - 01.12.1979, Page 69

Fiskideildir á
Vestfjörðum þinga
39. Fjórðungsþing fiskideildanna á
Vestfjörðum var haldið á Patreksfirði
20. október s.l. Voru þar rædd hin
ýmsu hagsmunamál sjávarútvegsins
og m.a. samþykktar eftirfarandi
ályktanir:
Stjórnun fiskveiða
Fjórðungsþing fiskideildanna á
Vestfjörðum haldið á Patreksfirði 20.
október 1979 samþykkir eftirfarandi:
1. Við stjórnun fiskveiða verði áfram
beitt beinum takmörkunum, til að
draga úr eða takmarka sókn í
ákveðna fiskstofna. Telur þingið,
að svo margir augljósir ókostir og
annmarkar fylgi svo nefndri verð-
lagsaðferð, þ.e. að selja aðgang að
fiskimiðunum, hvort sem það yrði
gert í formi auðlindaskatts eða
með sölu veiðileyfa, að hún komi
alls ekki til greina við stjórnun
veiða.
2. Allar veiðitakmarkanir séu kunn-
gerðar með góðum fyrirvara, svo
að útgerð og fiskvinnsla geti
skipulagt rekstur sinn þannig, að
takmarkanirnar valdi sem
minnstum truflunum á rekstri
fyrirtækjanna og leiði ekki til at-
vinnuleysis á ákveðnum árstím-
um.
3. Kvótaskiptingu á þorskafla telur
þingið óframkvæmanlega, auk
þess sem hún myndi lama það
framtak, sem fylgt hefir fiskveið-
um alla tíð, og er grundvöllur
heilbrigðrar útgerðar.
4. Meðan nauðsynlegt er talið að
draga úr sókninni í þorskstofninn
verði aflamark fyrir þorsk ákveðið
fyrir tímabilið frá 1. maí til 30.
apríl ár hvert og sóknartakmark-
anir ákveðnar með hliðsjón af því.
5. Frá 1. maí 1980 til 30. apríl 1981
verði þorskveiðar takmarkaðar
þannig:
VÍKINGUR
Togarar:
1. maí til 30. sept. 1980 70 dagar
1. okt. til 31. des. 1980 10 dagar
1. jan. til 30. apríl 1981 10 dagar
alls 90 dagar
Bátar:
1. maí til 30. sept. 1980 10 dagar
1. okt. til 31. des. 1980 10 dagar
1. jan. til 30. apríl 1981 10 dagar
alls 30 dagar
6. Á þeim tíma, sem fiskiskip stundar
ekki þorskveiðar, megi hlutdeild
þorsks í heildarafla ekki nerna
meiru en 15%.
Efnahagsmál
39. Fjórðungsþing fiskideildanna á
Vestfjörðum telur sýnilegt, að efna-
hagsmál þjóðarinnar verði innan
skamms tíma komin í þann hnúl, sem
lítt verði leysanlegur og leiða muni til
kjaraskerðingar og atvinnuleysis, ef
fram heldur sem nú horfir. Verði því
lögð þung áherzla á það við stjórn-
völd og væntanlegan meirihluta á
Alþingi, að taka upp breytta efna-
hagsstefnu, sem þjóðin má við una, að
öðrum kosti er sú vá fyrir dyrum, sem
enginn getur séð fyrir endann á.
Mestan hluta líðandi áratugs hefir
geysað hér óðaverðbólga, sem hefir
verið að jafnaði 40—50% á ári. Út-
flutningsatvinnuvegunum hefur verið
haldið gangandi með stöðugu gengis-
sigi og verulegum gengisfellingum, en
ríkisbúskapnum með stórfelldum er-
lendum lántökum og aukinni skuld
við Seðlabankann. Ekkert aðhald
hefir verið í peninga- og fjárfesting-
armálum hins opinbera.
Reynslan sýnir, að óðaverðbólga
heftir eðlilegar framfarir og dregur úr
framleiðni. Laust fjármagn leitar til
þeirra verðmæta, sem ætla mælti að
skiluðu til baka fé í líkum verðmæt-
um og lagt var til þeirra, án tillits til
þess hvort um sé að ræða þjóðhags-
lega hagkvæma verðmætasköpun eða
fjárfestingu.
Óðaverðbólgan leiðir til þess, að
atvinnuvegirnir eru í stöðugu fjár-
svelti. þar sem fjármagnsþörf þeirra
eykst stöðugt. en stóraukin fjár-
magnsþörf leiðir aftur til aukins fjár-
magnskostnaðar og óhagkvæmari
reksturs.
Endurnýjun fiskiskipaflotans
39. Fjórðungsþing fiskideildanna á
Vestfjörðum bendir á, að nauðsyn er
á endurnýjun fiskiskipaflotans.
Stöðnun endurnýjunar kallar á stór-
stökk í nýbyggingum, svo sem reynsl-
an hefir sýnt. Slík stórstökk eru
óhagkvæm þjóðhagslega, þegar til
lengri tíma er litið.
Þingið telur, að stöðvun á nýbygg-
ingum erlendis sé óeðlileg, þegar um
er að ræða sölu á eldra skipi í staðinn,
enda verði skily rðislaust staðið við slík
fyrirheit.
Þingið lítur svo á, að nreð eðlilegri
endurnýjun flotans beri ekki aðstefna
að aukningu hans frá því sem nú er.
Frú Anna kemur inn í svefn-
herbergi sonar síns hálfátta að
morgni: — Farðu nú á fætur svo
þú komir í skólann á réttum tíma.
— En ég vil ekki fara í skólann,
mamma.
— Engin heimskulæti, vinur.
— En ég hata skólann. Krökk-
unum er illa við mig, kennurunum
er í nöp við mig, og jafnvel hús-
vörðurinn forðast mig.
— Láttu ekki svona. Þú verður
að fara. Þú ert nú einu sinni
skólastjórinn.
69