Náttúrufræðingurinn - 1940, Side 42

34
NÁTTÚRUFRÆÐINGURINN
þar sem við höfum nú eignazt ágætar bækur um fuglana á ís-
lenzku.
Að lokum vil ég benda á það, að flækingar þeir, sem náðst
hafa eða veitt hefir verið athygli hér á landi tvö síðastliðin ár,
geta ekki hafa verið nema lítill hluti af flækingum þeim, sem
raunverulega hafa heimsótt landið á þessu tímabili. Sjálfsagt
hafa fleiri tegundir komið hingað, og margar tegundirnar hefðu
áreiðanlega sézt miklu oftar og miklu víðar á landinu, ef at-
hugunarmennirnir hefðu verið nógu margir. Enda þótt ýmsir
athugulir menn víðsvegar á landinu hafi gert mikilsverðar at-
huganir, þá vantar samt athuganir frá stórum svæðum. Á Aust-
urlandi hefir mér t. d. ekki tekizt að ná í einn einasta mann,
sem gæti eða vildi sinna slíkum athugunum, og yfirleitt má
segja að fuglalíf á Austurlandi sé enn lítt rannsakað, og væri
því sérstaklega þýðingarmikið að fá slíkar upplýsingar þaðan.
Einnig væri mikils virði, að fá sem mestar og nákvæmastar upp-
lýsingar um þetta efni frá Suðausturlandi. Það er þegar fengin
reynsla fyrir því, að þar verður einna mest vart við sjaldgæfa
fugla og flækinga, enda liggur sá hluti landsins beinast við
fuglum, sem koma frá nágrannalöndum okkar í Evrópu. Auk
þess liggur í augum uppi, að Vatnajökulshálendið með hæsta
tindi landsins, Öræfajökli, hlýtur, sem fyrsta landsýn, að draga
að sér langt að fugla, sem eru á ferð yfir hafinu. Það er því eng-
in tilviljun, að svo mikið ber á flækingum í Öræfunum og víða
annars staðar í Skaftafellssýslum.
Ég vildi loks mega vænta þess, að þeir, sem hingað til hafa
sinnt slíkum athugunum, og aðrir þeir, sem tök hefðu á því,
sendu mér framvegis upplýsingar um alla flækinga og hrakn-
ingsfugla, sem þeir kynnu að verða varir við, það er að segja
upplýsingar um það, hvar og hvenær þeir hafi sézt, hvenær þeir
hafi horfið aftur, hve margir á að gizka hafi sézt af hverri teg-
und o. s. frv. Ef um óþekkta fugla eða vafafugla er að ræða,
þá ætti að skjóta þá, ef nokkur tök eru á því, því að annars er
hætt við, að ekki verði skorið úr því með vissu, hvaða tegund
það hafi verið. Auk þess mundi ég þiggja fegins hendi allar aðr-
ar upplýsingar um fugla og fuglalíf, t. d. komudaga farfugla
á vorin, brottfarartíma þeirra á haustin, vetrardvöl fugla, sem
almennt eru taldir farfuglar, sjaldgæfa varpfugla og varphætti
fugla yfirleitt o. s. frv.
Finnur Guömundsson.