Náttúrufræðingurinn - 1992, Qupperneq 81

Miillers 1770 og fram til sveppayfirlits
P. Larsens 1932, án þess þó að teg-
undinni sé nokkurs staðar lýst. Hefur
almennt verið talið að nafnið ætti við
tígulgímu (Calvatia utriformis), sem
hefur fundist allvíða á Norður- og
Austurlandi og getur orðið álíka stór
5. mynd. Fýluböllur (Phallus impudicus) í
kirkjugarðinum við Suðurgötu í Reykja-
vík, 28. ágúst 1990. Phallus impudicus in
Reykjavík on 28 August 1990.Mynd photo
Eiríkur Jensson.
og smæstu eintök jötungímunnar, eða
um 15-20 cm í þvermál. Olíklegt er að
ekki væri getið um stærð sveppanna í
heimildunum ef um jötungímu hefði
verið að ræða.
FÝLUBÖLLUR -
Phallus impudicus L.
Aldin þessa belgsvepps (5. mynd)
myndast neðanjarðar og brýst upp á
yfirborðið sem hvít egglaga kúla, sem
fest er með rótlaga streng í moldina. í
þverskurði (6. mynd) sést að „eggið“
er með tvöföldu hýði, innbyrðu og út-
byrðu. A milli þeirra er lag af gul-
brúnu hálfgegnsæju hlaupkenndu
efni. Innst í „egginu" er keilulaga vísir
að staf og hatti þöktum ólífugrænum
grómassa.
Við þroskann rifnar „eggið“ í topp-
inn (7. mynd), og upp úr því vex
6. mynd. Þverskurður af
fýlubelli á „eggstigi“.
Hvíta keilan í miðju er
vísir að staf og hatti sem
síðan stækkar og brýst
upp úr „egginu". A cross
section of Phallus im-
pudicus in its “egg” stage.
Mynd photo Eiríkur Jens-
son.
223