Fréttablaðið - 27.06.2009, Blaðsíða 28

HEIMILISHALD
HREFNA SIGURJÓNSDÓTTIR
● Forsíðumynd: Stefán Karlsson Útgáfufélag: 365
miðlar ehf., Skaftahlíð 24, 105 Reykjavík, s. 512 5000
Ritstjóri: Roald Eyvindsson roald@frettabladid.is Auglýs-
ingar: Hlynur Þór Steingrímsson s. 512 5439 og Sigríður
Dagný Sigurbjörnsdóttir s. 512 5462 Útlitshönnuður:
Kristín Agnarsdóttir kristina@frettabladid.is.
inni&úti
LAUGARDAGUR 27. JÚNÍ 2009
● MATUR
Lostæti í lautarferð
● LIST
Gallerí í gömlu fjósi
● STEINAR ÞÓR BACHMANN
Á brimbretti við Íslandsstrendur
Sumarblað Fréttablaðsins
SÆLUREITUR Í
SVEITINNI Tíu einföld
og ódýr ráð til að betrum-
bæta sumarbústaðinn.
SÍÐA 8
LÍKAR LAUGAR-
VATN Snorri Helgason
er mikið borgarbarn en
á sér uppáhaldsstaði í
sveitinni.
SÍÐA 11
● inni&úti
„Mér fannst þetta alltaf hljóma
mjög spennandi,“ segir Steinar
Þór Bachmann brimbrettakappi en
hann hefur farið á brimbretti á Ís-
landi frá því síðastliðið haust. „Ég
lærði á brimbretti í Suður-Afríku
þegar ég var þar veturinn 2008. Ég
fór þangað í þrjá mánuði í skipu-
lagða ferð þar sem við fórum bæði
á brimbretti og vorum í sjálfboða-
liðastarfi á vegum Ticket to ride.“
Steinar segist hafa staldrað
stutt við á Íslandi þegar hann kom
heim frá Suður-Afríku því hann
fór til Englands í heilt sumar þar
sem hann hélt áfram á brimbrett-
inu. „Ég var að kenna á brimbretti
í Englandi og hef aðeins haldið því
áfram á Íslandi.“
Aðspurður segir Steinar
skemmtilegra að vera á brim-
bretti í Suður-Afríku heldur en
á Íslandi. „Það er hlýrra í Suður-
Afríku en það er reyndar minna af
fólki hérna svo það eru færri fyrir
mér. Á veturna getur verið mjög
kalt að vera í þessu hér á landi en
sjórinn er samt þokkalega hlýr og
við erum vel útbúnir,“ segir Stein-
ar og heldur áfram: „Hægt er að
vera á brimbretti á Íslandi allt árið
ef maður er hörkutól.“
Þegar Steinar er inntur eftir því
hvort hann hafi prófað að standa á
brimbretti á Íslandi áður en hann
fór til Suður-Afríku segir hann svo
ekki vera. „Ég var ekki viss um
hvort hægt væri að stunda þetta
á Íslandi en ég hafði nokkra hug-
mynd um það.“ Nú segist Steinar
fara á brimbretti á Íslandi þegar
tækifæri gefst til. „Stundum fer ég
þrisvar til fjórum sinnum í viku en
svo kemur tími þegar ég fer ekk-
ert í mánuð.“
En er almennt erfitt að stunda
brimbrettaíþróttina? „Já, þetta
er líkamlega erfitt og sérstaklega
hérna heima. Það borgar sig því
að vera í ágætu formi,“ upplýsir
Steinar og bætir því þó við að þetta
sé æðisleg íþrótt.
„Við erum oftast tveir, þrír og
fjórir sem förum saman niður á
stönd,“ útskýrir Steinar og segist
hafa reynt sjóinn við þrjár strend-
ur á Íslandi, við Grindavík, Sand-
vík og Þorlákshöfn. „Svo er ég
búinn að draga nokkra vini mína út
á brimbrettin á Íslandi. Einn hefur
meira að segja farið til Perú til að
stunda þetta en aðrir eru áhuga-
menn hér heima.“
Steinar langar að fara á brim-
bretti um allan heim. „Mig lang-
ar til dæmis að fara til Marokkó,
Indónesíu og Tahítí. Ég er alltaf
að safna mér pening til að komast
út.“ - mmf
Spennandi í sjónum
við strendur Íslands
● Steinari Þór Bachmann finnst æðislegt að fara á brimbretti við Íslandsstrendur þótt á
stundum geti það verið heldur kalt. Hann segir að gott sé að vera í formi því íþróttin sé erfið.
S
umarið er sú árstíð er einkennist af litum, von, leikjum, gleði
og ferðalögum, í það minnsta í meiri mæli en oft áður. Gras-
ið grænkar og dýralífið blómstrar, fólk fer í frí og leggur rækt
við fjölskyldu og vini. Merkilegt er þó hve fljótt helgarnar líða
og fyrr en varir er tekið að hausta.
Þessir þrír mánuðir ársins, þegar allt á að gerast, eru í raun af-
skaplega mikilvægir fyrir geðheilsu fólks. Vinnandi fólk hleður batt-
eríin í sumarfríum, unglingar læra á vinnumarkaðinn og sumir safna
fyrir námi auk þess að njóta skólafrísins. Börn verja meiri tíma með
foreldrum, sem hafa loks tíma til að slaka á í fríinu, sólarhringurinn
lengist með björtum nóttum og árstíðabundin áhugamál blómstra.
Ekki verður þó litið framhjá því að óveðursský eru yfir okkar ást-
kæru eyju þessa dagana, sem skyggja því miður á mörg heimili og
vekja mönnum ugg í brjósti. Þá er mikilvægt, sem aldrei fyrr, að
reyna þrátt fyrir allt að njóta þessa stutta tíma og fá sem mest út úr
birtunni og gleðinni sem fylgir sumri. Þá er ekki þar með sagt að
nauðsynlegt sé að skipuleggja hverja einustu
mínútu heldur einfaldlega njóta þess sem
við þó höfum.
Aukinn áhugi Íslendinga á Ís-
landi hefur látið á sér kræla
og flykkjast nú ýmsir á fjöll
og kjósa fremur að ferð-
ast innanlands en utan.
Vandræðin sem á okkur dynja hafa orðið
mörgum hvatning til að líta inn á við og
endurmeta þau gildi sem lifað er eftir og
er það ekki slæmt. Jafnvel tímabært.
Í þessu fyrsta sumarblaði Fréttablaðsins,
Inni & úti, eru mýmörg dæmi um einfaldar
leiðir til að njóta sumarsins og alls þess sem
það hefur upp á að bjóða, bæði í borg og sveit.
Rætt er við brimbrettakappa sem stundar ótrauð-
ur íþrótt sína við strendur Íslands, sagt er frá nýju
listagalleríi í gömlu fjósi, farið er í notalega lautar-
ferð og góð ráð og hagstæð gefin til að hressa upp á bú-
staðinn – svo eitthvað sé nefnt. Greina má því ýmis tæki-
færi til að skemmta sér og láta fara vel um sig og sína, þrátt
fyrir allt og allt. Full ástæða er til að leggja ekki einungis
rækt við garðinn sinn heldur sjálfan sig líka. Við þurfum öll á
því að halda.
Rækt í eigin ranni
L eikkonunni Sólveigu Guðmundsdóttur finnst gaman að ferðast um landið og þykir þá tilvalið af hafa meðferðis
góða tónlist og bækur. „Ég las eina um daginn sem mér
fannst rosalega góð, Skuggi vindsins eftir Carlos Ruiz Zafón.
Það er að vísu svolítið langt síðan ég las hana en ef ég ætti
að mæla með einhverju þá er það pottþétt þessi bók. Hún
er mjög ævintýraleg og höfundinum tekst að gera leyndar-
dóma hennar alveg ljóslifandi fyrir lesandanum. Svo er framsetningin svo
skemmtileg. Bókin er mjög spennandi og nær að halda lesandanum allan
tímann; maður þreytist ekki á að lesa, heldur langar til að klára hana.“
Þá mælir Sólveig með disknum Með suð í eyrunum við spil-
um endalaust með hljómsveitinni Sigur Rós. „Hann er alveg
frábær, inniheldur skemmtileg og ekki síður kröftug lög. Ég
fór einmitt í bústað um páskana og spilaði hann alla helgina
með systur minni og sonum hennar. Þau fíluðu þetta alveg í
botn og sungu með, enda kveikja krakkar alveg á svona text-
um eins og „þú syngur alveg eins og vitleysingur“. Svo er bara
svo frábært að hlusta á tónlist með Sigur Rós þegar maður er
að keyra um á þessu landi.“ - rve
Í FERÐALAGIÐ
Sigur Rós og spænskar bókmenntir
Steinar hefur reynt sjóinn við þrjár strendur á Íslandi og í Suður-Afríku og á Englandi en vill prófa fleiri. FRÉTTABLAÐIÐ/ANTON
Ertu ,,alltaf á leiðinni” í jóga?
Vantar þig orku, einbeitingu, gleði og ró?
KUNDALINI JÓGA
Orkugefandi - markvisst - umbreytandi
Sumarnámskeið 30. júní- 20. ágúst
Þriðjud. og fi mmtud. 17.45-19.00
Kennarar: Auður Bjarna og fl eiri
Skráning og nánari upplýsingar: audur@vortex.is
www.lotusjogasetur.is og í síma 846 1970
L ó t u s J ó g a s e t u r - B o r g a r t ú n i 2 0
Sumarið er sú
árstíð er einkenn-
ist af litum, von,
leikjum, gleði og
ferðalögum, [...].
27. JÚNÍ 2009 LAUGARDAGUR2