Fréttablaðið - 27.06.2009, Blaðsíða 58

30 27. júní 2009 LAUGARDAGUR
timamot@frettabladid.is
Tove Jansson rithöfund-
ur andaðist þennan dag árið
2001.
„Fólk getur aldrei verið raun-
verulega frjálst ef það lítur of
mikið upp til einhvers.“
Tove var Finnlandssænskur
rithöfundur. Starfsævi hennar
náði yfir meira en sjötíu ár og
þekktust var hún fyrir bækur
sínar um Múmínálfana.
MERKISATBURÐIR
1835 Vísur Íslendinga, Hvað er
svo glatt sem góðra vina
fundur eftir Jónas Hall-
grímsson, eru fyrst sungn-
ar opinberlega.
1855 Danska gufuskipið Thor
kemur til Reykjavíkur. Er
það fyrsta gufuskipið sem
kemur til Íslands.
1921 Rafstöðin við Elliðaár er
vígð.
1930 Skógræktarfélag Íslands
er stofnað á Þingvöllum.
1990 Bob Dylan heldur tónleika
í Laugardalshöll á vegum
Listahátíðar.
2006 Samkynhneigðir á Íslandi
fá jafna réttarstöðu á við
gagnkynhneigða varðandi
skráningu í sambúð.
2007 Gordon Brown tekur við
embætti forsætisráðherra
Bretlands.
Fyrsta kvikmyndasýn-
ingin á Íslandi fór fram
í Góðtemplarahús-
inu á Akureyri þenn-
an dag árið 1903. Það
voru herramenn að
nafni Fernander og
Hallseth sem sýndu
og meðal myndanna
var franska mynd-
in Le Voyage dans la
lune frá árinu 1902,
eða Ferðin til tungls-
ins, sem var fyrsta vís-
indamyndin sem gerð
var. Í tölublaði Norð-
urlands 4. júlí segir að sýningarnar hafi síður
en svo valdið vonbrigðum heldur hafi orðið
að sýna sjö sinnum til að fullnægja eftirspurn-
inni „þrátt fyrir loft-
leysi og feikihita - þar
sem loka varð glugg-
um og dyrum til þess
að gera aldimmt inni
- sat þar húsfyllir og
skemmti sér hið besta.
Ýmsir tóku það jafn-
vel fram að betur hefðu
þeir ekki skemmt sér á
ævi sinni.“
Vitnað var í norsk,
sænsk og finnsk blöð
sem luku lofsorði á
sýningar Fernanders
og Hallseths enda yrðu
myndir afbragðsfallegar með vél Edisons sem
notuð væri. Hreyfingarnar sæjust alveg eins og
þær væru í lífinu.
ÞETTA GERÐIST: 27. JÚNÍ 1903
Fyrsta kvikmyndasýningin á Íslandi
„Ég treysti flugvélum alveg hund rað
prósent því ég veit hversu öruggar þær
eru,“ segir Sigrún Bender, sem nýlega
hóf feril sinn sem atvinnu flugmaður
hjá Iceland Express, fyrst íslenskra
kvenna. Spurð hvað heilli hana við
starfið segir hún það frelsið við að
vera í háloftunum. „Allir eiga sinn
eftirlætis stað og mér líður langbest í
flugvél. Það er bara þannig.“
Sigrún er 23 ára og þjóðinni kunn
sem fegurðardrottning. Hún tók þátt í
fegurðarsamkeppnum á árunum 2004
og 2005 bæði hér heima og erlendis en
kveðst ekki hafa látið þær slá sig út
af laginu í flugnáminu. „Ég var þá á
fullu í atvinnuflugmannsprófinu. Svo
eignaðist ég barn á síðasta ári og það
truflaði heldur ekki áform mín um
að verða flugmaður. Það hefur allt-
af verið stefnan.“ Hvernig skyldi hún
hafa fengið bakteríuna? Eru flugmenn
í fjölskyldunni? „Nei, enginn í minni
ætt svo ég viti. Ég ákvað þetta upp á
mitt eindæmi. Fór með foreldrunum til
London þegar ég var níu ára og fékk
að fara inn í flugstjórnarklefann því
þetta var fyrir 11. september. Ég heill-
aðist algerlega og eftir það varð eigin-
lega ekki aftur snúið. Ég fór fimmtán
ára í fyrsta flugtímann minn og fékk
flugskírteini sextán ára, áður en ég
fékk bílpróf. Í það heila tók námið um
fimm ár. Flugnám er dýrt og verklegi
þáttur þess ekki lánshæfur hjá LÍN
en ég vann fyrir stórum hluta af flug-
inu jafnóðum og því tók það þennan
tíma.“
Sigrún er í flugklúbbi og því með að-
gang að litlum vélum sem hún hefur
getað flogið að vild. Þannig kveðst hún
hafa viðhaldið kunnáttunni. „Ég kenndi
líka hjá Flugskóla Íslands svolítinn
tíma. Þá var öll starfsemin á Reykja-
víkurflugvelli þannig að ófáar stund-
irnar hafa farið í flug yfir Reykjavík
og Suðurlandið.“
Nú eru það vélar á borð við Boe-
ing 757 sem Sigrún stjórnar á hinum
ýmsu flugleiðum Iceland Express, svo
sem til Alicante, Kaupmannahafnar,
London og Varsjár. Í fyrsta fluginu
lenti hún í brjáluðu veðri en kveðst
ekki hafa fundið fyrir ótta. „Það er
meðal annars það sem verið er að
leita að í flugmönnum, að vera rólegir
við slíkar aðstæður. Ég var líka með
mjög reyndum flugstjóra,“ segir hún
en kveðst algerlega meðvituð um þá
miklu ábyrgð sem starfinu fylgi. Spurð
hvort hún stefni að því sjálf að verða
flugstjóri brosir hún og svarar: „Já, í
eðlilegri framvindu verður flugmað-
ur flugstjóri á endanum en það tekur
sinn tíma. Svo er allt háð framboði og
eftirspurn.“ gun@frettabladid.is
SIGRÚN BENDER: ER FYRSTI KVENFLUGMAÐURINN HJÁ ICELAND EXPRESS
Mér líður langbest í flugvél
FLUGMAÐURINN „Ófáar stundirnar hafa farið í flug yfir Reykjavík og Suðurlandið,“ segir Sigrún
Bender. FRÉTTABLAÐIÐ/VILHELM
Ástkær eiginkona mín, móðir okkar,
tengdamóðir, amma og langamma,
Halldóra Jónsdóttir
Melagötu 15, Neskaupstað,
andaðist á Landspítalanum miðvikudaginn 24. júní.
Jarðarförin verður auglýst síðar.
Gunnar Jónsson,
börn, barnabörn og barnabarnabarn.
Ástkær eiginkona, móðir, tengdamóðir,
amma og langamma,
Jóhanna Lárusdóttir
húsfreyja og hannyrðakona á Hlíðarenda
við Akureyri,
andaðist á Sjúkrahúsinu á Akureyri aðfaranótt
25. júní. Útförin verður gerð frá Akureyrarkirkju
fimmtudaginn 2. júlí kl. 13.30.
Baldur Halldórsson
Ingvar Baldursson Jónína Valdimarsdóttir
Ólafur Lárus Baldursson Jóhanna Lára
Árnadóttir
Baldur Örn Baldursson María Arnfinnsdóttir
Halldór Guðmundur Baldursson Anna Katrín Þórsdóttir
Sigurður Hólmgeir Baldursson Hildur Magnúsdóttir
Ingunn Kristín Baldursdóttir Helgi Pálsson
barnabörn, barnabarnabörn og aðrir ástvinir.
Hjartkær móðir mín,
Lýdía Bergmann
Þórhallsdóttir
Ásvallagötu 42, Reykjavík,
verður jarðsungin frá Neskirkju mánudaginn 29. júní
kl. 11.00.
Magnús Bergmann Ásgeirsson.
Elskuleg móðir mín, dóttir, systir og
mágkona,
Hlédís Gunnarsdóttir
Snægili 9, Akureyri,
varð bráðkvödd á heimili sínu þriðjudaginn 23. júni.
Jarðarförin fer fram frá Garðskirkju í Kelduhverfi
fimmtudaginn 2. júlí kl. 14.00.
Fyrir hönd aðstandenda,
Elvar Pálsson
Kristveig Árnadóttir
Ómar Gunnarssson Hrafnhildur Stella
Sigurðardóttir
Árni Grétar Gunnarsson Margrét Sigurðardóttir
MOSAIK
Ástkær móðir mín, tengdamóðir, amma og
langamma,
Helga Guðjónsdóttir
Vesturbergi 8,
lést á hjúkrunarheimilinu Eir 20. júní síðastliðinn.
Útförin fer fram frá Fossvogskapellu þriðjudaginn 30.
júní nk. kl. 13.00.
Málfríður Helga Jónsdóttir
Sigríður Sigurjónsdóttir
Jón Helgi Bragason Margrét Jónsdóttir
Anna Sigurborg Ólafsdóttir
Freyr Bragason Halldóra Brynjarsdóttir
Ingi Rafn Ólafsson Nathalía D. Halldórsdóttir
Sigurjón Ólafsson Sigurveig Þórhallsdóttir
og barnabarnabörn.
70 ára afmæli
Guðbjörg
Ársælsdóttir
fagnar sjötugsafmæli sínu á Sjávar-
barnum, Grandagarði 9, sunnudaginn
28. júní nk. kl. 12.00 á hádegi.
Allir vinir og ætting jar inni-
lega velkomnir. Hefðbundnir pakkar
auðmjúkt afþakkaðir en ferðabaukur
verður á staðnum.
Faðir okkar, tengdafaðir og afi,
Ólafur J. Gunnarsson
lést fimmtudaginn 18. júní.
Útför hefur farið fram í kyrrþey að ósk hins látna.
Arnheiður Anna Ólafsdóttir Jón Páll Baldvinsson
Hafþór Ólafsson Ásthildur Lóa Þórsdóttir
Bjargey Ólafsdóttir
Guðlaug Erla Jónsdóttir
Ólafur Baldvin Jónsson
Þór Símon Hafþórsson
Bjarki Páll Hafþórsson