Fréttablaðið - 15.08.2009, Page 51

LAUGARDAGUR 15. ÁGÚST 2009
Djasshátíð Reykjavíkur stendur
fyrir Djasssmiðju í samvinnu
við Tónlistarskóla FÍH, Gerðu-
berg og Kjarvalsstaði og styrk-
ir Tónlistarsjóðurinn Kraumur
verkefnið. Smiðjan er hins veg-
ar hugarfóstur Leifs Gunnars-
sonar kontrabassaleikara.
„Smiðjan er hugsuð fyrir unga
fólkið og vildi ég skapa því vett-
vang á hátíðinni og útbúa eitt-
hvert verkefni fyrir allt þetta
unga og efnilega fólk sem sprett-
ur upp eins og gorkúlur í kring-
um okkur,“ segir Leifur, sem út-
skrifaðist frá Tónlistarskóla FÍH
síðastliðið vor.
„Ég geri mér ekki alveg grein
fyrir því hvað kemur út úr þess-
ari djasssmiðju, þar sem við
gefum leiðbeinendunum nokkuð
frjálsar hendur, en það verður
eflaust eitthvað magnað,“ segir
hann spenntur. Þátttakendur eru
ungt fólk sem hefur starfrækt
hljómsveitir eða tekið þátt í vísi
að slíku. „Við viljum gefa þeim
tækifæri á að forma eitthvað sem
þau hafa unnið að. Þátttakendur
eru til að mynda Kvartett Leifs,
Transkvintett og Reginfirra.“
Leiðbeinendurnir eru ekki
af verri endanum en þeir koma
allir fram á djasshátíðinni og eru
meðal þeirra fremstu í sinni röð.
„Þetta eru fimm leiðbeinendur.
Jim Black er trommuleikari frá
Bandaríkjunum, Hilmar Jensson
gítarleikari verður til taks og Oli-
vier Manoury bandóníumleikari
leiðbeinir líka, en bandóníum er
svona argentínsk harmonikka
eða dragspil. Benjamin Kopp-
el sem leikur á altsaxófón verð-
ur á staðnum auk bandaríska
bassaleikarans Johns Estes sem
kemur að spila með Þorvaldi Þór
Þorvaldssyni. Hann ætlar að vera
einn morgun með okkur,“ útskýr-
ir Leifur áhugasamur og nefn-
ir að verið sé að nýta mannskap-
inn sem komi fram á hátíðinni.
„Við ætlum að reyna að kreista
eitthvað út úr þeim,“ segir hann
kíminn og bætir við að tækifæri
sem þetta sé ómetanlegt. „Þetta
er á tilraunaplani núna en í fram-
tíðinni sé ég smiðjuna fyrir mér
á alþjóðlegum vettvangi, jafnvel
samnorrænum, þar sem erlend-
um þátttakendum er boðið að vera
með á sömu forsendum. Það gæti
verið vísir að tengslaneti og kynn-
ing á Íslandi sem áfangastað fyrir
unga djassleikara. Þetta passar
mjög vel við hátíðina.“
Djasssmiðjan stendur yfir frá
17. til 19. ágúst og er dagskrá
hennar auglýst á www.reykjavi-
kjazz.is. „Smiðjunni lýkur með
tónleikum á Rosenberg en ann-
ars eru líka í boði hádegistón-
leikar alla dagana í Gerðubergi
sem eru ókeypis,“ segir Leifur
og hvetur alla til að mæta.
- hs
Djasssmiðja unga fólksins
Leifur Gunnarsson kontrabassaleikari með hljóðfæri sínu. FRÉTTABLAÐIÐ/ VALLI
„Myndlistarsýningin Djassóður
er í tilefni af tuttugu ára afmæli
Djasshátíðar Reykjavíkur og er
einungis í boði þessar vikur sem
djasshátíðin stendur yfir,“ segir
Hafþór Yngvason, safnstjóri
Listasafns Reykjavíkur, en sýn-
ingin verður opnuð á Kjarvals-
stöðum sunnudaginn 16. ágúst
klukkan 16 með tónleikum.
„Þar má finna verk eftir
Tryggva Ólafsson, Erró, Sig-
urð Örlygsson, Sigurbjörn Jóns-
son og Grétar Reynisson en verk-
in eiga það öll sameiginlegt að
tengjast djasstónlistinni á einn
eða annan hátt,“ segir Hafþór og
nefnir dæmi: „Ein myndin eftir
Erró er til dæmis af Miles Davis
og finna má abstraktverk eftir
Sigurbjörn sem sýna djasstríó
og hljómsveitir, eitt verk Grétars
sýnir píanóleikara, Tryggvi hefur
málað Louis Armstrong og svo
framvegis.“
Hafþór fékk hugmyndina að
sýningunni í tengslum við heim-
sóknir á vinnustofur myndlistar-
manna. „Oft er það svo þegar ég
hef heimsótt vinnustofur mynd-
listarmanna, sérstaklega málara,
að þeir eru með djass á fóninum.
Þetta er þannig vinna að þeir eru
mikið einir og hlusta stöðugt á
tónlist á meðan þeir eru að mála.
Oftar en ekki hlusta þeir á Miles
Davis eða einhvern djassara. Þetta
veitir þeim innblástur og fannst
mér tilvalið að vinna eitthvað úr
þessu,“ segir hann og bætir við:
„Ég talaði við nokkra málara sem
höfðu allir gert einhvers konar
virðingarvott til djassmeistar-
anna en þess vegna kallast sýn-
ingin nú Djassóður þar sem þetta
er óður listamanna til þeirra. Svo
er orðið djassgeggjarar mikið
notað um þá sem sökkva sér í
djass og þetta eru líka óðir djass-
geggjarar,“ segir hann og brosir.
- hs
Djassóður á Kjarvalsstöðum
Mynd Errós af Miles Davis.