Fréttablaðið - 15.08.2009, Qupperneq 78

54 15. ágúst 2009 LAUGARDAGUR
sport@frettabladid.is
FÓTBOLTI Í dag klukkan 14 hefst
leikur Íslands og Serbíu í undan-
keppni HM 2011. Knattspyrnu-
samband Íslands fór fram á að
leikurinn færi fram jafnvel þótt
núverandi Evrópumeistaramóti
væri ólokið, en afar fátítt er að
þessi tvö stórmót knattspyrnu-
heimsins skarist með þessum
hætti. Ísland keppir í úrslita-
keppni EM í Finnlandi síðar í
mánuðinum og verður þetta síð-
asti leikur liðsins fyrir Finnlands-
förina.
„Þetta leggst afar vel í mig.
Þetta er leikur í undankeppni HM
og hugsum við um hann fyrst og
fremst sem slíkan,“ sagði Katrín
Jónsdóttir landsliðsfyrirliði.
Tólf lið komust í úrslitakeppni
EM en aðeins 4-5 Evrópulið kom-
ast í úrslitakeppni HM, auk gest-
gjafanna sem í þessu tilviki eru
Þjóðverjar. Það er því mun erfið-
ari undankeppni fyrir höndum en
sú sem lauk fyrir EM nú í haust
og má íslenska liðið alls ekki við
nokkrum feilsporum – síst af öllu
á heimavelli.
„Við vitum vel hversu erfitt
það er að komast á HM. Við þurf-
um að vinna riðilinn og svo að
vinna sigurvegara annars riðils í
umspili til að komast áfram. Við
megum því ekki misstíga okkur
ætlum við að taka þrjú stig í þess-
um leik. Það þarf að ríkja sama
ákefð, barátta og gleði og í síðustu
undankeppni.“
Hún segir mjög góða stemningu
ríkja í landsliðshópnum sem kom
saman á miðvikudaginn var og
verður saman þar til EM lýkur.
„Nú þurfum við að leggja EM
til hliðar og munum við einbeita
okkur að því þegar þessum leik
er lokið.“
Sigurður Ragnar Eyjólfsson
landsliðsþjálfari segir vissulega
erfitt að aðskilja keppnirnar tvær.
„Þetta hefur verið svolítið erfitt
í undirbúningi okkar fyrir leik-
inn enda allir að tala um EM. En
við þurfum að einbeita okkur að
þessum leik enda nýtt mót að hefj-
ast og ætlum við okkur áfram. Til
þess þurfum við að vinna riðilinn
okkar sem Íslandi hefur aldrei
áður tekist. Ég hef hins vegar
fulla trú á að okkur takist það.“
Í undankeppni EM mátti ekki
miklu muna að Ísland næði efsta
sæti riðilsins en 2-1 tap fyrir
Frökkum ytra gerði það að verk-
um að liðið þurfti að fara í umspil
gegn Írum um sæti á EM í Finn-
landi. Í þeirri undankeppni tapaði
Ísland einnig óvænt fyrir Slóveníu
á útivelli.
„Hefðum við unnið þann leik
hefðum við mátt tapa með þessum
mun fyrir Frökkum. Samt hefðum
við unnið riðilinn. Það sýnir hvað
við erum nálægt þessu mark-
miði okkar. En þetta verkefni er
mjög krefjandi og miklu stærra
og erfiðara en að komast í loka-
keppni EM. Það má því ekkert út
af bregða.“ eirikur@frettabladid.is
Þurfum að leggja EM til hliðar í dag
Ísland mætir í dag Serbíu í fyrsta leik undankeppni HM í knattspyrnu sem fer fram í Þýskalandi árið 2011.
Leikurinn er því bæði upphitun fyrir EM í Finnlandi og þýðingarmikill leikur fyrir framhald liðsins.
Á ÆFINGU Edda Garðarsdóttir, Guðrún Sóley Gunnarsdóttir og Sandra Sigurðardóttir á æfingu íslenska landsliðsins.
FRÉTTABLAÐIÐ/ANTON
FÓTBOLTI Ásmundur Arnarsson,
þjálfari Fjölnis, skrifar langa
grein á heimasíðu félagsins í gær.
Þar kemur hann meðal annars
inn á þátt dómara, sem honum
finnst ekki alltaf hafa verið mjög
hliðhollir sínu liði.
Tekur hann sérstaklega út
dæmi sem átti sér stað í leik ÍBV
og Fjölnis í Eyjum á dögunum.
„Í Eyjum lendum við í því
að það eru þó nokkrar ljótar
tækl ingar í gangi sem dómar-
inn virðist ekki sjá og setningar
frá dómaranum eins og „það er
ekki mér að kenna hvað þið eruð
lélegir“ hjálpa ekki til við að
halda spennu stiginu niðri,“ segir
Ásmundur í grein sinni. Dóm-
ari leiksins var Eyjólfur Magnús
Kristinsson.
Ásmundur gagnrýnir einnig
sína menn fyrir að láta mótlætið
fara í skapið á sér. Hann kemur
annars víða við í grein sinni og
hvetur stuðningsmenn liðsins
að lokum til þess að styðja við
liðið, sem er í erfiðri fallbaráttu í
Pepsi-deildinni. - hbg
Ásmundur Arnarsson:
Gagnrýnir
dómara
ÁSMUNDUR Ósáttur við orð dómarans í
leik ÍBV og Fjölnis. FRÉTTABLAÐIÐ/DANÍEL
FÓTBOLTI Fernando Torres hefur
undirritað nýjan samning við
Liverpool sem gerir honum kleift
að vera hjá félaginu til loka tíma-
bilsins 2014.
Þegar hann kom til félagsins
árið 2007 skrifaði hann undir sex
ára samning en nýi samningur-
inn inniheldur klásúlu sem gerir
aðilum mögulegt að framlengja
samninginn um eitt ár til viðbót-
ar.
Torres er 25 ára gamall og
var þegar búinn að samþykkja
samninginn í maí síðastliðnum.
Nú hefur hann gengið frá öllum
formsatriðum.
„Öll helstu lið heims vilja helst
fá hann í sínar raðir en hann
hefur sýnt hversu mikinn metnað
hann hefur fyrir hönd Liverpool
með því að skuldbinda sig við
félagið til svo langs tíma,“ sagði
Rafael Benitez, stjóri Liverpool.
„Hann býr yfir sérstökum hæfi-
leikum en vill samt bæta sig.“ - esá
Fernando Torres:
Hjá Liverpool
til ársins 2014
Kristín Ýr Bjarnadóttir, leikmaður Vals, gæti í dag spilað sinn
fyrsta landsleik er Ísland tekur á móti Serbíu á Laugardals-
vellinum klukkan 14. Leikurinn er sá fyrsti í undankeppni
HM en er einnig liður í undirbúningi liðsins fyrir lokakeppni
EM í Finnlandi. Kristín Ýr hefur verið upp á sitt besta
með Val í sumar eftir að hafa verið lengi frá vegna
meiðsla.
„Ég var í þrjú ár frá vegna meiðslanna og
missti af fjórum tímabilum,“ sagði hún í sam-
tali við Fréttablaðið. „Ég var því bæði mjög
hissa og ánægð þegar ég var valin.
Maður stefnir auðvitað alltaf að því
að komast sem lengst í fótboltanum,
annars væri maður ekki í þessu.“
Hún segir að baráttan við meiðslin hafi vissu-
lega verið erfið. „Ég var búin að bíða mjög lengi
þegar ég gat loksins byrjað aftur. Ég var með
bakmeiðsli sem getur oft verið erfitt að glíma
við. Það var því mikill persónulegur sigur að
geta byrjað á ný og því hef ég ef til vill lagt aðeins meira í sölurnar.
Ég óttaðist kannski að vera komin aftur úr öðrum en ég bæti upp
fyrir það með ánægjunni.“
Hún segir afar góða stemningu ríkja í landsliðinu og að sér hafi
verið vel tekið. „Þetta er mjög skemmtilegur hópur og þó svo að ég
þekki þær flestar mjög vel er ég nú með mörgum þeirra sem
samherji í fyrsta sinn. En það er frábær stemning í hópn-
um og ég hef tekið sérstaklega eftir því hversu einbeittir
allir í kringum liðið eru. Það eru ekki bara þjálfarinn og
fyrirliðinn sem ætla sér langt heldur allir leikmenn og
starfsmenn. Það er skemmtilegt að upplifa það.“
Hún veit þó ekki enn hvort hún fær að spila á
morgun. „Ég hef nú ekki komist í neina pappíra
enn. En ef ekki í dag þá bara á EM. Ég hlýt að fá mitt
tækifæri.“
Lokakeppni Evrópumótsins hefst þann 23. ágúst
næstkomandi en fyrsti leikur Íslands verður gegn Frakk-
landi degi síðar. Ísland er þar að auki í riðli með Norðmönnum og
Þjóðverjum.
KRISTÍN ÝR BJARNADÓTTIR: ÞREYTIR MÖGULEGA FRUMRAUN SÍNA MEÐ LANDSLIÐINU Í DAG
Var frá í þrjú ár en er nú á leiðinni á EM
> Fjölmennum á völlinn
Stelpurnar í A-landsliði kvenna í fótbolta mæta
Serbíu í undankeppni HM 2011 á Laugardalsvellinum
í dag og hefst leikurinn kl. 14. Þetta er fyrsti leikur
íslenska liðsins í undankeppni HM og jafnframt
síðasti leikur liðsins fyrir lokakeppni EM sem hefst
23. ágúst. Fólk er því hvatt til þess að fjölmenna á
völlinn, skapa góða stemningu og kveðja stelpurnar
með stæl. Miðasala á leikinn
hefst kl. 11 í dag.
FÓTBOLTI Það eru 83 dagar frá því
síðasta keppnistímabil í ensku
úrvalsdeildinni rann sitt skeið
og því ekki seinna vænna en að
hefjast handa á nýjan leik. Átta
leikir fara fram í fyrstu umferð
ensku úrvalsdeildarinnar í dag og
umferðin klárast svo með tveimur
leikjum á morgun.
Chelsea og Hull ríða á vaðið í dag
á Stamford Bridge eða Brúnni en
það er áhugaverður leikur þar sem
um er að ræða fyrsta „alvöru“ leik
Carlos Ancelotti við stjórnvölinn
hjá Chelsea. Þó svo að Lundúna-
félagið hafi vitanlega unnið sam-
félagsskjöldinn gegn Manchester
United undir stjórn Ancelottis um
síðustu helgi þá er það eldskírn-
in í deildarkeppninni sem skiptir
máli. Chelsea hefur verið rólegt á
leikmannamarkaðinum í sumar en
engu að síður tippa margir spark-
spekingar á að hinn ítalski Ance-
lotti sé rétti maðurinn til þess að
ná fram stöðugleika á Brúnni og
endurheimta velgengni félagsins
frá tímum Josés Mourinho.
Everton og Arsenal eigast við
á Goodison Park en hvorugt liðið
hefur látið sérstaklega mikið til
sín taka á leikmannamark-
aði. Knattspyrnustjóri Ars-
enal, Arsene Wenger, hefur
verið sérstaklega gagn-
rýndur fyrir lítil kaup
í sumar enda
hefur Arsen-
al misst tvo
byrjunarliðs-
menn í þeim
Kolo Toure
og Emmanuel
Adebayor og
fengið lítið í
staðinn.
Flestra
augu verða
á Manchest-
er City á komandi leiktíð
en forráðamenn félagsins
hafa látið vel til sín taka á
leikmannamarkaðnum í
sumar og eytt nálægt
því 100 milljónum
punda í nýja leik-
menn á borð við
Kolo Toure, Emm-
anuel Adebayor,
Gareth Barry,
Carlos Tevez
og Roque Santa
Cruz. City heim-
sækir Black-
burn á Ewood
Park í dag en
knattspyrnu-
stjórinn Mark
Hughes hjá City
var áður stjóri
Blackburn.
Á morg u n
hefja Englands-
meistarar Manchest-
er United titilvörnina
gegn Birmingham
á Old Trafford en
knattspyrnustjór-
inn Sir Alex Fergu-
son getur ekki
teflt fram Edwin van der Sar og
Nemanja Vidic sem eru frá vegna
meiðsla. Fróðlegt verður að sjá
hvernig United plumar sig án Cristi-
anos Ronaldo, sem fór sem kunnugt
er til Real Madrid í sumar, á kom-
andi leiktíð en nýju liðsmönnunum,
Michael Owen og Antonio Valencia,
er ætlað að fylla skarðið eftir Portú-
galann.
Umferðin klárast svo með leik
Tottenham og Liverpool á White
Hart Lane á morgun þar sem púl-
arar vonast til þess að leggja þar
grunninn að því að enda tuttugu ára
bið félagsins eftir meistaratitli. - óþ
Löng bið áhugamanna um enska boltann er nú loks á enda þar sem enska úrvalsdeildin byrjar í dag:
Áttatíu og þriggja daga bið loks á enda
HVAÐ GERIR CITY? Spennandi verður að
sjá hvernig City-mönnum gengur á kom-
andi leiktíð eftir eyðslu sumarsins.
NORDIC PHOTOS/GETTY
LEIKIR HELGARINNAR
Laugardagur:
Chelsea-Hull kl. 11.45
Aston Villa-Wigan 14
Blackburn-Man. City 14
Bolton-Sunderland 14
Portsmouth-Fulham 14
Stoke-Burnley 14
Wolves-West Ham 14
Everton-Arsenal 16.30
Sunnudagur:
Man. United-Birmingham 12.30
Tottenham-Liverpool 15