Samvinnan - 01.04.1930, Blaðsíða 94

88
SAMVINNAN
Ein ófæra getur bannað umferð langan veg. Það sem
„slarkfært“ er talið á bíl getur oft valdið skemmdum á
vélunum, sem kosta eiganda bílsins hundruð króna. Aðal-
kostnaðurinn við bílferðir liggur í olíueyðslu og viðhaidi.
En einmitt brekkurnar, snjórinn og aurarnir, sem allt
fylgir fjallvegunum, margfaldar bæði olíueyðslu og við-
haldskostnað.
Aftur á móti munar bílana 1 í t i ð u m k r ó k a e f t-
i r g ó ð u m v e g i. 40 km. krókur tefur oftast þann, sem
ferðast á hestum, um sólarhring (24 klt.). En góðan
fólksbíl tefur sá krókur aðeins um klukkutíma eða minna,
ef losnað er við vondan veg. Og kostnaðurinn, olíueyðsla
og viðhald, getur orðið minna.
Nú er þess að gæta, að flutningsgjöld geta orðið
lægri, ef þræddar eru sveitir. Bílarnir hafa meira að
flytja að jafnaði, ef þeir fara um fjölbyggð héruð, heldur
en öræfi. Það gilda alveg sömu lög um samgöngutæki og
t. d. verksmiðjur og verzlanir. Eftir því sem meira er selt,
verður varan ódýrari, eftir því sem meira er flutt, verður
flutningui'inn ódýrari.
Eg hygg, að það, sem nú er sagt, eigi alls staðar við,
þar sem svo hagar til, að hægt er að beygja þjóðveg af
fjallgarði og leggja hanri um láglendi, þótt nokkur krók-
ur sé, eða færa veg af löngum fjallvegi og háum á stuttan
og lágan. Og mér sýnist varla efi á, að langferðamönnum
yrði stór hagur að þessari vegabreyting. Því auðvitað
yrði eftir sem áður haldið við ódýrum hestvegi yfir
Holtavörðuheiði, handa þeim, sem ferðast vilja á hestum.
Yrði sá vegur slarkfær bílum yfir hásumarið. En hitt
mun engum dyljast, hvers virði vegur þessi yrði héruð-
unum, sem hann liggur um.
Hann myndi opna nýja leið fyrir afurðasölu Dala-
manna, suður á bóginn til Borgamess og Reykjavíkur.
Millilandaskip fást sjaldan eða nær aldrei til þess að
koma inn á Hvammsfjörð. Vegna strjálla skipaferða og
umhleðslu á vörum, hafa Dalamenn orðið að sætta sig við
að borga erlendar vörur hærra verði en flestir aðrir.