Tímarit íslenzkra samvinnufélaga - 01.03.1919, Qupperneq 42

36
kvöldið var verið að uppskipun í 5 tima. Á pálma-
sunnudag var norðaustan-stórhríð með miklu frosti. Var
þá unnið í 9 tíma, en Jakob kól á fingrum þann dag,.
er hann stóð við verkstjórn niður á bryggju. Á mánu-
daginn var uppskipun lokið og skipið lagt af stað heim-
leiðis. NæBtu daga þyrptust félagsmenn til Húsavíkur
með fjölda sleða og eigi hirt um helgidagshvíldina.
Fóru 19 æki í einu upp yfir Mývatnssand. Með þess-
ari vetrarför Wathne’s var isinn brotinn. Síðan hefir
engum til hugar komið, að ófært væri gufuskipum norð-
an við land, þótt vetur væri kominn. •
Herbragð Þórðar Gudjohnsen varð þannig að engu-
Honum mistókst með »umsát* sinni, að láta hungrið'
beygja hinn harðsnúna uppreistarlýð til að binda sigr
samningslega, að viðlögum sektum, á kúgunarklafa
dönsku selstöðuverzlunarinnar. Gagnstætt tilætlun hans
varð þetta ofsafengna verzlunarstríð kaupfélaginu til
góðs. Það þjappaði samvinnumönnum saman. Það
sýndi þeim áþreifanlega. insta eðli kaupmenskunnar.
Það sannfærði þá til fulls um, að sú ánauð, sem þeir
voru að reyna að hrista af herðum sér, væri grimmi-
legt ok, sem ókarlmannlegt og óhyggilegt væri að
beygja sig fyrir. Gudjohnsen varð á Húsavík mörg ár
eftir þetta vottur að árlegum vexti kaupfélagsins og
hnignun sinnar eigin verzlunar. Hú á miðjum stríðs-
tímanum var verzlun Dana á Húsavík loks seld fyrir
lítið verð. Mikið af stórum og sterkum byggingum, þar
sem viðskiftastraumurinn er að mestu leyti hættur að
koma við. Hins vegar hefir kaupfélagið ekki einungis
fært út kvíarnar þar í sýslu, heldur orðið fyrirmyna
fjölmargra annara samskonar stofnana víða um land.
Ennfremur eru í hinu elzta samvinnufélagi spunnir
margir þeir þræðir, sem síðar mynduðu Sambandið og
lieildsöluna í Reykjavík, sem er önnur hæðin í sam-
vinnubyggingunni hér á landi.