Andvari - 01.10.1967, Side 129

ANDVARI
FYRSTI ÍSLENZKI STJÓRNMÁLAFLOKKURINN
231
21. Vestmannaeyjar .......................... — —
Erlendís urðu tillögin .................. 44 — 4 —
Leigur eða vextir þessi ár............... 77 — 24 —
Utgjöld félagsins urðu lítil þessi ár,
helzt styrkur til útgáfu Nýrra Félagsrita,
og í árslok átti félagið 1982 rd. 60 sk. „í
eftirstöðvum" og „útistandandi 144 rd.
64 sk.“ Um þennan árangur segir Páll E.
Ólason svo (op. cit.): „Þetta má kallast
allmikið fé eftir verðgildi þeirra tíma,
einkum þegar þess er gætt, að hér er um
alfrjáls samskot að ræða og að félagsmenn
fengu ekkert fyrir tillög sín.“
Nafngreindir fulltrúar félagsins, sem
ötulastir reyndust þessi árin (samkvæmt
skýrslu félagsins), voru sem hér segir:
I ísafjarðarsýslu Ásgeir Ásgeirsson
kaupmaður á Isafirði, sem 1872 skilaði
509 rd. 24 sk. Kom stærstur hlutur úr
Ögursveit eða 129 rd. 88 sk., úr Súða-
víkursveit 127 rd. 8 sk., af Snæfjallaströnd
91 rd., en annars staðar minna.
I Suður-Þingeyjarsýslu skilaði Jón á
Gautlöndum 10 rd. 1869 og samtals 68 rd.
64 sk. 1872. Einar Ásmundsson skilaði 69
rd. 16 sk. 1871 og 29 rd. 48 sk. 1872.
Fryggvi Gunnarsson skilaði 37 rd. 88 sk.
1872, en hann var þá á förum úr hér-
aðinu.
Sem dæmi um þátttöku almennings í
Suður-Þingeyjarsýslu í Þjóðvinafélaginu
má geta þess, að af um það bil 210 íbúum
Laufásssóknar voru 44 félagsmenn árið
1872.
1 Eyjafjarðarsýslu var Snorri Pálsson
verzlunarstjóri Thaaes kaupmanns á
Siglufirði stórtækastur með 84 rd., og
vafalaust má þakka honum, að Thaae
kaupmaður gaf félaginu 50 rd. á ári nokk-
ur fyrstu árin. Snorri var síðar verzlunar-
stjóri hjá Gránufélaginu, er það keypti
verzlun Thaaes, og þingmaður Eyfirðinga
1875—1879. Var hann harðduglegur at-
hafnamaður, en því miður dó hann langt
um aldur fram.
I Dalasýslu er ekki annar umboðsmað-
ur félagsins nafngreindur en sr. Guð-
mundur Einarsson með 10 rd. árið 1869,
21 rd. árið 1870, 150 rd. árið 1872 og 10
rd. árið 1873.
I Árnessýslu var einn ötulasti stuðn-
ingsmaður félagsins fyrstu árin sr. Jón
Jónsson á Mosfelli í Grímsnesi. Sendi
hann Benedikt Sveinssyni 144 rd. 64 sk.
árið 1872 og fylgir „listi yfir félagsmenn
...og tillög þeirra árið 1872.“ Flestir eru
þeir í Ulfljótsvatnssókn, eða 50 af 137
íbúum, og þaðan komu 20 rd. 72 sk.
Úr Skagafjarðarsýslu skilaði þingmað-
urinn, sr. Davíð, 92 rd. 8 sk. og Ólafur
Sigurðsson umboðsmaður í Ási, fyrrv.
þingmaður, 61 rd. 56 sk. úr vesturhluta
sýslunnar. Þar voru flestir félagsmenn í
Flolts- og Knappsstaða sóknum, eða 42.
1 Norður-Múlasýslu kvað mest að hin-
um aldna þingskörungi, sr. Halldóri Jóns-
syni prófasti á Hofi í Vopnafirði, en auk
hans eru nafngreindir í skýrslunni vara-
þingmaðurinn, Páll skáld Ólafsson, og
sr. Vigfús Guttormsson í Ási.
Ur Húnavatnssýslu eru nafngreindir
umboðsmenn héraðshöfðingjarnir Páll
Vídalín alþingismaður og Jósef Skafta-
son læknir.
Fjörugustu athafnaár Þjóðvinafélags-
ins voru án efa 1873 og 1874. Hófst
sprettur sá með undirbúningi Norðlend-
inga, einkurn Þingeyinga og Húnvetn-
inga, undir Þingvallafundinn fyrir þing
1873, og honum lauk með Þingvallafund-
inum 1874, þegar svo veglega var tekið
á rnóti kónginum, að félagið kollsigldi sig
gersamlega fjárhagslega,