Andvari - 01.01.1991, Qupperneq 71

ANDVARI
Á ALDARÁRTÍÐ KONRÁÐS GfSLASONAR
69
gerðarmenn sína. Engu að síður tók hann fljótlega þátt í félagslífi íslenskra
stúdenta í Kaupmannahöfn. T. a. m. gekk hann í Hafnardeild Bókmenntafé-
lagsins árið eftir að hann kom til Hafnar á almennum fundi sem haldinn var
1. maí.
Þegar Konráð Gíslason kom til Kaupmannahafnar haustið 1831 var hinni
svonefndu Raskdeilu að ljúka. Ekki er að sjá að Konráð hafi skipað sér í
sveit með öðrum málsaðila fremur en hinum. Hann mun'ekki heldur hafa
gerst félagi í Bræðralagi, en svo hét félag sem Baldvin Einarsson stofnaði í
upphafi árs 1831 og Konráð kallar íslenska klúbbinn. Þar voru íslensk þjóð-
mál mjög til umræðu. Þegar hæst bar voru félagsmenn nær 30 að tölu.
Islenskir stúdentar blönduðu löngum lítt geði við danska stúdenta. Þegar
„Studenterforeningen“ var stofnuð 16. júlí 1820 var Þorleifur Repp eini ís-
lendingurinn meðal stúdenta. Sama haust og Konráð kom til Hafnar var
stofnað lestrarfélag á Garði - „Læseforeningen“. í þetta skipti brá svo við að
nokkrir íslendingar komu við sögu félagsins þegar í upphafi, en ekki var
Konráð í þeirri sveit.
Fullvíst má telja að lögfræðin hafi aldrei verið Konráði sérlega hugleikin.
Síðar á ævinni sagði hann svo frá að hann hefði innritast í hana vegna þess
hann vildi kynnast fornu lagamáli. Fyrsta veturinn sem hann var í Kaup-
mannahöfn sótti hann tíma hjá Rask í serknesku.22 Einnig vann hann fyrir
Hallgrím Scheving að fyrirhugaðri orðabók og hefir e. t. v. haft eitthvað
fleira fyrir stafni sem tengdist íslenskum og norrænum fræðum. í Bessa-
staðaskóla kynntist Konráð lítillega þýskri tungu.23 Eftir að til Hafnar kom
hóf hann að læra þýsku að öðru lærdómsprófi loknu, las mikið þýskar bækur
og hafði náð svo mikilli færni í að tala og lesa málið að þegar hann fór til
Þýskalands sumarið 1844 var hann altalandi.24 Af því sem Konráð segir í um-
sókn sinni um kennarastöðu við Lærða skólann 6. desember 1843 má ætla að
hann hafi sökkt sér niður í þýska tungu jafnt forna sem nýja.25 Því virðist
augljóst að hann hafi haft fleiri járn í eldi en lögfræðina eina.
III
Haustið 1835 var vist Konráðs á Garði á enda runnin. Hann skrifaði skóla-
stjórnarráðinu 17. október þ. á. og gerði því grein fyrir efnahag sínum. Hann
væri eignalaus og ætti sér hvergi stuðnings von. Lögfræðinni hafi hann ekki
getað lokið vegna þess að hann hafi orðið að sinna kennslu og skrifa upp
fornrit til að afla sér fjár til bókakaupa, fatnaðar og annarra nauðsynja. í lok
bréfsins sótti hann um að fá garðvist framlengda í hálft ár eða fá styrk sem
henni næmi.26 Það fer engum sögum af því hverjar undirtektir umsóknin
fékk. Af dagbók garðprófasts má sjá að Konráð bjó úti í Kristjánshöfn vorið