Andvari - 01.01.2006, Side 140

138
SVEINN EINARSSON
ANDVARI
myndir sem kallast á við frásögnina af drukknun Ófelíu. Frásögn drottningar
er hins vegar þurr og köld; hún gengur ekki í neinni blekkingu framar.
16. atriði
er leikið framsviðs og gröfin opnuð í fjalagólfið. Hamlet og Hóras fela sig í
veggjum hliðarsviða (paraskenae); Laertes stekkur niður í gröfina til Ófelíu
og lyftir henni upp, en Hamlet stekkur niður úr veggnum og ætlar í hann. Þeir
eru skildir að og Hamlet æðir út. Samúð drottningar er öll með Hamlet.
17. atriði
er í fyrstu leikið baksviðs með hliðarlýsingu; þar sitja Hamlet og Hóras. Síðan
berst leikurinn framsviðs eftir að Ósrik er kominn í spilið. Þeir hrekja Ósrik
út. Atriðinu lýkur á feigðarspá Hamlets í sérljósi.
18. atriði
hefst með lúðraþyt og bumbuslætti. Allir koma. Ljóst er tvennt: Hve sárt
Hamlet og Laertes er að þurfa að skylmast, en kapp hleypur þó í báða; síðan
tekur aftur yfirhöndina gamall trúnaður. Hitt er jafnljóst, að drottning vill
deyja; hún veit hvað í bikarnum býr. Kóngur reynir að hindra það að hún
drekki af bikarnum, en kemur ekki vörnum við öðruvísi en að koma upp
um samsærið. Eftir að Laertes hefur lýst allri sök á konung, snúa öll spjót
að honum. Áður en Laertes deyr, reynir hann að teygja fram sáttahönd til
Hamlets. Hamlet deyr í fangi Hórasar. Þegar Fortinbras kemur inn, lítur hann
yfir valinn og hugnast illa. Tekur af sér hjálm og herklæði; í ljós kemur að
hann er kona, sem hefur þurft að klæðast hermennskutáknum karlmanna.
Fortinbras fleygir frá sér herklæðunum; lítur sorgmæddur yfir valinn: Þessi
bráð veit á vígöld. Og það fæðir einungis af sér nýjan dauða. Mannkynið
þarfnast annarra og mildari lífsgilda.
Frumsýningin á Hamlet var í Samkomuhúsinu á Akureyri 27. september
2002 og urðu sýningar 11, flestar fyrir troðfullu húsi.