Fálkinn - 04.01.1965, Blaðsíða 5

manns sem ekki eiga bíla. Þetta
er allt saman mjög ánægjulegt.
En setjum nú svo, að maður
skreppi í hús til kunningja
sinna að kvöldi til og klukkan
sé farin að ganga tólf (en hún
er auðvitað orðin miklu meira)
þegar haldið er heim. Þá vant-
ar kannski benzín á bílinn. Þá
er auðvitað ekki annað hjá
manni að gera en að fara á
næstu benzínstöð, láta benzínið
renna á geyminn, greiða hið
lága verð, þakka fyrir sig og
halda áfram. Eða er það ekki?
Er það kannski svo að benzín-
sölustöðvar séu ekki opnar
lengur en til hálf ellefu? Ef
svo er, þá er auðvitað ekki
hægt að fá benzín á bílinn á
tólfta tímanum. Hvað á þá að
gera? Stöðva alla sem fara
framhjá og spyrja hvort þeir
geti hyglað manni nokkrum
dropum?
Setjum nú svo að það leki
úr dekki hjá manni, þá er auð-
vitað ekki annað en að fara á
næsta benzínsölustað og fá
loft í dekkin. Eða er skrúfað
fyrir loftið sem maður notar
í dekkin um leið og benzín-
salan lokar? Maður verður því
að nota gamla lagið og pumpa
bara sjálfur. En ef pumpan
hefur nú gleymzt heima, eða,
ef maður á enga? Ófyrirgefan-
legt.
Þjónusta við bílaeigendur er
til mikillar fyrirmyndar hér
eins og margt annað.
Stundum virðist manni að
erfitt sé að fá nokkra þjónustu
í þessari borg þegar kvölda
tekur. Kannski er þetta bara
vitleysa.
Bílcigandi.
Svar:
Þjónustu { flestum myndum
mœtti víst aö ósekju bceta hér til
mikilla muna.
Þeir eiga líka að kynna sig.
Háttvirta blað!
Allir, sem koma fram í út-
varpinu, eru kynntir. Þulirnir
sem lesa kynna sig líka. Þetta
er ágætur siður. Ég sagði allir,
en svo er ekki. Þeir sem lesa
veðurfréttirnar kynna sig ekki.
Þetta kann að vera smásmugu-
legt, en mér finnst sjálfsagt að
þeir kynni sig eins og þulirnir
gera. Hvað finnst ykkur?
B.
Svar:
Sjálfsagt aö fieir geri þaö eins
og aörir.
Hvernig á að
búa til kínverja?
Kæri Fálki!
Við erum hér tveir strákar
og okkur langar mikið til að
biðja þig að hjálpa okkur svo-
lítið. Þannig er að okkur lang-
ar til að búa til kínverja til
að eiga á gamlárskvöld. En nú
vitum við ekki hvernig á að
fara að þessu. Getur þú ekki
hjálpað okkur eitthvað?
Viltu svara okkur strax.
Diddi og Kalli.
Svar:
Því miöur höfum viö ekki hug-
mynd um hvernig á aö búa til
Kínverja. Kannski Ipgreglan geti
lijálpaö ykkur eittlwaö. Annars
geta víst engir nema Kinverjar
búiö Kinverja til.
Handrit - bjór - landráð?
„Virðulegi póstur.
Það flokkast kannski undir
landráð að halda þeirri skoðun
á loft, að við höfum ekkert að
gera með að fá handritin heim.
Ef ég væri Dani, myndi ég
berjast gegn afhendingu hand-
ritanna með þeim rökum, að
þjóð sem treystir ekki þegnum
sínum til að drekka áfengan
bjór í stað brennivíns og smygl-
aðs vodka (76% styrkleiki) hafi
ekkert að gera með menningar-
verðmæti á borð við handritin.
Hvað segið þér, póstur góður,
um málið? Hvernig finnst þér
skriftin hjá ritvélinni minni?
í guðs friði. K.K.“
Svar:
Við þorum ekki að láta uppi
neina skoðun á svo viðkvæmu
máli. Þetta er heldur lélegur
brandari í lokin.
DOIMMI
Um daginn skrifaði
sonurinn í skólastíl:
Allir íslendingar eru
fæddir frjálsir en
margir þeirra giftast.
FÁLKINN
á hverjum mánudegi

mim
VEX SÁPAN
VEX HANDSÁPAN VEX HANDSÁPAN
wamm i*-
VEX HANDSÁPAN VEX HANDSÁPAN
Vex handsápurnar hafa
þrennskonar ilm.
Veljid ilmefni viðyðar hœfi.
♦/;
EFNAVERKSMIÐJA N | Cljöfn) I |