Fréttablaðið - 10.12.2009, Side 52

10. DESEMBER 2009 FIMMTUDAGUR4
Þórhallur Jónsson kennir
eigendum Canon-myndavéla
réttu handtökin í bókinni
Stafræn ljósmyndun á Canon
EOS 400D og hefur fylgt
útgáfu hennar eftir með ljós-
myndanámskeiðum sem hafa
mælst vel fyrir.
„Almennt hefur verið mikil
ánægja með bókina. Eiginlega er
óhætt að segja að hún hafi slegið í
gegn þar sem ég hef selt um 3.000
eintök,“ segir Þórhallur Jónsson,
eigandi Pedromynda á Akureyri,
um bókina Stafræn ljósmyndun á
Canon EOS 400D fyrir byrjendur
sem hann gaf út á síðasta ári við
góðan orðstír.
Í bókinni kennir Þórhall-
ur byrjendum hvernig best sé
að meðhöndla Canon EOS 400D
myndavélar og taka enn betri
myndir á þær. „Ég fer yfir allar
helstu stillingar, til dæmis ljós-
mælingu, táknin á skjánum,
myndbyggingu og margt fleira,“
útskýrir hann og segir upplýsing-
arnar skipta sköpum hvað mynd-
gæði varðar. „Fólk fær hreinlega
ekki allt út úr myndavélinni sinni,
búi það ekki yfir nægilega góðri
þekkingu á notkun hennar. Ef fólk
stillir til dæmis ekki hvítjafn-
vægisstillinguna verður alveg
á hreinu að litirnir verða aldrei
réttir.“ Hann tekur fram að margt
af því sem fram komi í bókinni
megi hæglega
heimfæra upp
á aðrar gerð-
ir af myndavél-
um.
Þórhallur
segist hafa feng-
ið mikið lof fyrir
útgáfu bókarinn-
ar og af þeim
sökum hafi hann farið af
stað með námskeið sem
byggja á henni. „Nám-
skeiðin hef ég kennt bæði
fyrir norðan hjá Pedro-
myndum og svo fyrir
sunnan og þá á vegum
Sense, dótturfélags Ný-
herja og dreifingaraðila
Canon-neytendavara,“
segir hann og bætir við
að sökum eftirspurnar
verði hann með fleiri
námskeið fyrir sunn-
an í febrúar á næsta ári.
Að sögn Þórhalls stendur svo
til að gefa aðra kennslubók í notk-
un Canon-myndavéla í mars/apríl
á næsta ári. „Í henni fer ég yfir
þá þróun sem hefur átt sér stað
á Canon-myndavélum frá útgáfu
fyrri bókarinnar, meðal annars
skemmtilegar tækninýjungar
eins og HD Video sem fullnæg-
ir algjörlega þörfum fréttaljós-
myndara. Óhætt er að segja að
með þessari tækni séu að opnast
nýjar víddir fyrir myndavélaeig-
endur, heill heimur af spennandi
möguleikum.“
Opnar nýjar víddir
Þórhallur segir eigendur Canon-myndavéla verða að búa yfir góðri þekkingu á
vélunum sínum vilji þeir fá sem mest út úr þeim. Hér er hann með tíkinni Emmu.
MYND/ÚR EINKASAFNI
Bókin Stafræn ljós-
myndun á Canon EOS
400D hefur hlotið mjög
góðar viðtökur.
● ATHVARF GAMALLA SLIDES-MYNDA Veistu ekkert
hvað þú átt að gera við gömlu slides-myndirnar þínar en tímir ekki
að henda þeim? Á vef Ljósmyndasafns Reykjavíkur er sagt frá þeim
markmiðum safnsins að leitast við að safna ljósmyndum, munum og
heimildum tengdum ljósmyndaiðkun atvinnu- og áhugaljósmyndara.
Tekið er við myndum af öllu tagi, negatívum og pósitívum, glerplöt-
um, filmum, myndaalbúmum og rafrænum ljósmyndum. Einnig er
tekið við ljósmyndum í römmum eða öðrum hlutum sem ljósmynd-
ir eru geymdar í. Myndavélum, linsum, ljósum og öðru úr starfi ljós-
myndara er einnig safnað. Safnið tekur við og varðveitir efni frá fyrir-
tækjum, stofnunum og einkaaðilum sé þess óskað. Nú þegar á Ljós-
myndasafn Reykjavíkur og geymir um 4,5 milljónir ljósmynda, auk
fjölda áhalda, tækja og ýmissa muna. Svo ef þú átt fjöldann allan af
gömlum myndum sem þú ert í vandræðum með væri kannski ráð að
tala við starfsmenn Ljósmyndasafnsins og athuga hvort þú mátt gefa
safninu heimildir um þig og fjölskyldu þína. Svo gæti verið fróðlegt
að kíkja á myndasafnið á vefnum þar sem hægt er að fá allar fimm
milljón myndirnar keyptar. Hver veit nema þar leynist mynd af þér?
● FORSAGA STAFRÆNNA MYNDAVÉLA Uppruna stafrænna myndavéla má
rekja til myndbandstækisins og voru þær þróaðar út frá þeirri tækni. Myndbandstækið
var fundið upp árið 1951 og virkar þannig að lifandi myndum er breytt í stafræn merki
og vistaðar á segulbandi. Bæði sjónvarpsupptökuvélar og stafrænar myndavél-
ar nota CCD (Charged Coupled Device) til að nema litbirtu og styrkleika. NASA
hætti að nota hliðstæð merki og hóf notkun á stafrænum merkjum til að kort-
leggja yfirborð tunglsins og sendi því stafrænar myndir til jarðar. Yfirvöld í Norð-
ur-Ameríku hófu að innleiða stafræna tækni á þeim tíma. Það stuðlaði að fram-
förum í þróun á tækninni á bak við stafræna mynda töku.
Heimild: www.wikipedia.org
KYNNING
TAKTU BETRI MYNDIRTAKTU YNDIR
SÖLUSTAÐIR
Handbók fyrir byrjendur stafrænnar ljósmyndunar.
Bókin er skrifuð fyrir eigendur
Canon EOS 400D. Í henni er
farið yfir allar helstu stillingar
Canon EOS myndavéla og þær
útskýrðar. Einnig er fjallað um
helstu atriði varðandi almenna
ljósmyndun við mismunandi
aðstæður og úrvinnslu mynda.
Bókin nýtist því einnig eigendum
annarra stafrænna myndavéla.
Bókin fæst í Pedromyndum, Nýherja, Beco og verslunum Eymundsson.
Einnig er hægt að panta bókina á heimasíðu okkar www.pedromyndir.is.
VERÐ KR. 3.990,-
TILVAL
IN GJÖ
F
FYRIR
ALLA
ÁHUGA
LJÓSM
YNDAR
A
www.pedromyndir.is