Fréttablaðið - 10.12.2009, Síða 85

FIMMTUDAGUR 10. desember 2009 65
Fergie segist vilja eignast barn
á næsta ári. Söngkonan, sem er
34 ára, giftist Transformers-
leikaranum Josh Duhamel í jan-
úar og í viðtali við breska tíma-
ritið Cosmopolitan segir hún
þau hjón ætla að reyna að eign-
ast barn um leið og tónleika-
ferðalagi hljómsveitar hennar,
Black Eyed Peas, lýkur í apríl á
næsta ári.
„Ég vil ljúka þessu tónleika-
ferðalagi áður en ég stofna fjöl-
skyldu. Við munum aldrei upp-
lifa þetta aftur í lífi okkar svo
við þurfum að njóta þess í botn,“
segir Fergie. Hún viðurkennir
þó að hún sakni eiginmannsins
á tónleikaferðalaginu. „Þetta er
búið að vera yndislegt ár, en ég
sakna Josh núna. Það er mán-
uður síðan við sáumst síðast, en
við heyrumst í síma daglega.
Það hjálpar til að hann er líka í
sýningarbransanum,“ segir hún.
Barneignir
á næsta ári
Leikarinn Hugh Grant ótt-
ast mjög að verða fimm-
tugur 9. september á
næsta ári. „50 er ekki
góð tala og við lendum
öll í því að hafa áhyggj-
ur af aldrinum,“ segir
hinn einhleypi Grant.
„Mér líður stundum eins
og ég hafi samið við
djöfulinn um að
ég megi skemmta
mér núna og ráða
fram úr öl lu
öðru síðar. Síðan
kemur hann til
mín og segir:
„Tíminn þinn er
liðinn. Ég fer
með þig til helvítis og þú verð-
ur einmana gamall maður“,“
sagði hann.
Grant er barnlaus en seg-
ist vel geta orðið góður faðir
í framtíðinni. „Ég er ekki í
vafa um að ég yrði frábær
faðir. Kannski ekki þegar
börnin eru pínulítil
heldur þegar þau
eru orðin aðeins
eldri. Samskipti
mín við litlu
frændur mína
og frænkur
eru góð og þess
vegna hef ég
engar áhyggj-
ur af þessu.“
Óttast fimmtíu ár
SAKNAR EIGINMANNSINS Fergie er nú
á tónleikaferðalagi með Black Eyed
Peas og segist sakna eiginmanns síns,
en þau ætla að stofna fjölskyldu þegar
ferðalaginu lýkur.
Fjórða plata Hjálma hefur selst
í yfir fimm þúsund eintökum og
fyrir vikið verður meðlimum
sveitarinnar afhent gullplata
í versluninni Havarí í dag kl.
17. Piltarnir munu einnig taka
lagið til að fagna áfanganum.
Fyrri plötur Hjálma hafa allar
náð gullplötusölu en engin plata
hennar hefur samt selst eins vel
og sú nýjasta. Stefnir allt í að
platan rjúfi tíu þúsund platna
markið á næstunni. Gullplata
Hjálma er jafnframt fyrsta
gullplatan á vegum útgáfunnar
Borgarinnar, sem var stofnuð
fyrr á þessu ári.
Hjálmar
í gullsölu
HJÁLMAR Plata sveitarinnar hefur selst í
yfir fimm þúsund eintökum.
Náttúrulegar snyrtivörur frá MÁDARA - án óæskilegra aukefna
Vönduð vítamín og bætiefni frá hinum virta framleiðanda SOLARAY
AMÉ - Ljúffengur og óáfengur eðaldrykkur
Fjölbreyttar YOGI teblöndur frá öllum heimshornum
Heilsuhúsið býður nú sem áður upp á hinar geysivinsælu ítölsku
PANETTONE kökur sem ómissandi er hjá mörgum á aðventunni
VIVANI gæða sælkerasúkkulaði
– Unnið úr lífrænum kakóbaunum
• Laugavegi 20
• Kringlunni
• Smáratorgi
• Lágmúla 5
• Austurvegi 4, Selfossi
• Glerártorgi, Akureyri
Frá fimmtudegi til sunnudags 10.-13. desember
UDO'S CHOICE 3•6•9 olíublandan
– Blanda af lífsnauðsynlegum fitusýrum (500 ml)
Söngvarinn Alan Jones, sem
hefur að undanförnu tekið þátt
í Michael Jackson-sýningunni á
Broadway, íhugar að fara einn
með sýninguna út á land ásamt
lagahöfundinum Örlygi Smára.
Fyrst ætla þeir að prufukeyra
sýninguna á skemmtistaðnum
Spot í Kópavogi á föstudagskvöld.
„Við ætlum að sjá hvernig geng-
ur. Við ætlum að byrja á Spot og
síðan er planið að fara með sýn-
inguna um Ísland,“ segir Alan,
sem verður á sviðinu í um það bil
hálftíma, syngjandi helstu slag-
ara poppkóngsins. „Þetta verður
mjög gaman. Ég get ekki beðið,“
segir hann.
Stílisti Alans og umboðsmaður,
Selma Ragnarsdóttir, hefur hann-
að fyrir hann nýjan, rauðan latex-
búning sem hann ætlar að klæð-
ast á Spot ásamt reyndar fleiri
búningum. Þannig vill hann kom-
ast sem næst hinu fræga Jackson-
útliti þar sem skrautlegir búning-
ar voru sérlega áberandi.
Alan hefur í nógu að snúast
því fyrir jólin ætlar hann að
senda frá sér nýtt lag sem nefn-
ist So Strange. Honum til halds og
trausts við upptökurnar eru hljóð-
færaleikararnir Börkur og Daði
Birgissynir. Að sjálfsögðu er lagið
undir áhrifum frá Michael Jack-
son en einnig gætir þar áhrifa
sálarkóngsins James Brown.
Síðasta Jackson-sýningin á
Broadway fyrir jól verður síðan
á laugardaginn. - fb
Fer með Jackson út á land
ALAN JONES Söngvarinn Alan Jones
verður í rauðu latexi á Jackson-sýning-
unni.