Vikan - 06.06.1963, Blaðsíða 31
PANHARD PS 17
Þa ðer stutt síðan ég lærði að bera fram nafn-
ið á þessum bíl. íslendingar bera það nefnilega
fram eftir stöfunum, en að réttu á víst að segja
Pannar, með áherzlu á ar. Já, það er skrýtið
mál, sem þessir Frakkar tala.
Panhard er ekki algengur hér. Það eru víst
ekki nema tíu eða tólf bílar á landinu. Þó hefur
Panhardinn ýmsa góða kosti til að bera og er,
þegar á heildina er litið, fremur skemmtilegur
bíll.
Hann er framleiddur hjá Citroen-verksmiðj-
unum í Frakklandi og er það eitt út af fyrir
sig nokkur meðmæli með bílnum. Hann er, eins
og Citroenbílarnir, með vélinni framan í og
framhjóladrifinn, og hefur einstakann hæfileika
til þess að sjúga sig fastan við veginn.
Fjöðrunin á Panhard er frekar hörð án þess
að hann sé hastur, og hann er mjög stöðugur á
vegi, jafnvel þótt krákustígar séu farnir. Sá
sem ég prófaði var ekki nógu lipur í stýri, en
það var tekið fram í upphafi ferðarinnar ásamt
því með, að það væri einstaklingsbundið við
þennan bíl og væri meðfram af því, hve nýr
hann var, ekinn aðeins rúma 1000 km. En jafn-
vel með þeim galla hefði ég verið til 1 að aka
langt á þessum bíl, þvi það er einstaklega þægi-
legt að aka honum úti á vegum. Hann er ekki
næmur fyrir hliðarvindum eða ójöfnum á vegi
-— í einu orði sagt: Prýðilegt að stýra honum.
Hins vegar felldi ég mig ekki við gírskifting-
arnar á honum. Gírstöngin er á stýrinu, og
manni verður fyrst í stað mikil leit að hinum
ýmsu gírum. Til þess að setja í afturábak á að
taka gírinn út, upp og að sér, og þetta þarf
dágóðrar æfingar með. Eftir að fyrsti gírinn
— upp og frá ökumanni — er fundinn, er til-
tölulega auðvelt að hitta á annan, en það þarf
þó nokkra æfingu til þess að fara fyrirhafnar-
laust úr öðrum í þriðja. Úr þriðja í fjórða er
auðfarið. Allir gírar áfram eru vel samstilltir.
Ég myndi mæla með því, að þessi bíll fengi
góða gólfskiftingu í staðinn fyrir stýrisskift-
inguna, sem er nú á miklu undanhaldi — það
má hvort sem er ekki hafa nema einn farþega
fram í.
Bremsurnar eru léttar og vinna vel, og það
fer ágætlega um mann undir stýri. Venjulega
gerðin hefur sófabekki bæði aftur í og frammi
Framhald á bls. 51.
VIKAN
oatnplrnln
UPPBLÁSNIR
LOFTBELGIR
Fyrsti maðurinn, sem lyfti sér frá jörð og
sveif spölkorn í loftinu — fyrsti maðurinn,
sem segja má með sanni að liafi „flogið“ — var
borinn upp og uppi af upphituðum loftbelg.
Það var Fransmaðurinn Montgolfier, sem vann
það afrek árið 1783, og hitaði hann loftið í.
belgnum upp með eins konar viðarkolaofni.
\ Síðan urðu nokkrir til þess að leika það af-
rek eftir honum, unz sú bylting varð á gerð
loftbelgja, að tekið var að fylla þá gastegund-
um, sem voru mun léttari en loftið. Þar með
lagðist notkun upphitaðra loftbelgja algerlega
niður, enda kunnu menn þá hvorki að gera
þau hitatæki, né höfðu ráð á því eldsneyti,
sem hentugt var að hafa með sér á slikum flug-
ferðum. Gasfylltu loftbelgirnir urðu fyrirrenn-
arar loftskipanna, sem náðu tæknilega há-
marki sínu með gerð hins fræga loftskips,
„Graf Zeppelin“, sem margir Reykvíkingar
muna.
En nú er öldin önnur — nú eru fyrir hendi
hin hentugustu upphitunartæki og völ á ákjós-
anlegasta eldsneyti, enda eru upphituðu loft-
belgirnir nú komnir aftur til sögunnar, bæði
sem sporttæki og til þess að þjálfa
menn í flugi háloftsbelgja. Nýtur
þessi nýja íþróttagrein þegar mikillar
hylli i Bandarikjunum og ekki er
langt siðan það afrek var unnið að
fljúga yfir Ermasund i slíkum belg.
Þcir sem reynt hafa, segja að þess
háttar flug sé óviðjafnanlegt — sú
mýksta og þægilegasta lireyfing, sem
unnt sé að hugsa sér. Sjálf stjórn-
tæknin er mjög einföld. Upphitunar-
tækið er með tveim stútum, sem báð-
ir eru stillanlegir. Annar, sem er
mun viðari, en eingöngu notaður þeg-
ar helgnum er lyft frá jörð, eða þegar
hækka þarf belginn skyndilega í lofti;
mjórri stúturinn, „nálin“, er hins
vegar notaður á jöfnu svifi. Að ofan
er belgurinn dreginn saman með
nælonlinu, og má opna hann, þegar
lækka skal flugið eða lenda.
Enn er það eitt, sem sagt er að geri
belgi þessa að einkar skemmtilegum
farartækjum -— flugmaðurinn sér
beint niður fyrir sig, á sama liátt og
fugl á flugi, en ekki hliðhallt, eins og
úr flugvélum. Sökum þess og eins
fyrir það hve svif flugbelgjanna er
jafnt og rólegt, er og mjög auðvelt að
taka myndir úr þeim.
>
Sætið er ekki beinlínis þægilegt, en þó fer
sæmilega um mann. Uppi yfir því má sjá
hitaloftsstúfana tvo.
VIKAN 23. tbl. — gj