Vikan - 17.03.1966, Síða 19

lyn, negrahverfi sem er töluvert verra en Har-
lem og algerlega gleymt af öllum, jafnvel þeim
hvítu. Faðir hennar hvarf m|ög fIjótlega, hún
sá hann stöku sinnum, en aldrei til að kynn-
ast honum. Móðirin drakk, svaf á daginn og
hafði „leigiendur" eins og það er kallað í Am-
eríku. Fiölskyldan lifði á fátækrastyrk, sem er
mjög naumur þarna, og Josephine minnist þess
frá frumbernsku að móðir henhar fór til ná-
grannanna til að fá börn að láni, þegar hún
fór að sækja styrkinn.
— Þú veizt að lögreglan kvartar alltaf yfir
börnunum í negrahverfunum, þeim fjölgar svo
gífurlega, þegar farið er til skrásetningar. Ann-
að bragð var líka notað og það var að taka
við ávísuninni að morgni og hlaupa svo til
fátækrafulltrúans að kvöldi og segja að henni
hafi verið stolið. Þá varð að reyna það sem
hægt var til að fá nýja ávísun. Stundum heppn-
aðist þetta, en það var ekki oft.
Sjö, — átta, allt að því fimmtán manns bjuggu
í sama herbergi, göturnar voru þaktar óþverra
og rusli. I skólanum segja kennararnir frá
börnum, sem vita ekki einu sinni hvað þau
heita, og það sem verra er, þau hafa ekki
áhuga á að vita það, eða neinu öðru en bar-
dögum og þjófnaði.
Verst þykir Josephine að systir hennar er
götudrós. Þegar hún segir mér frá henni verð-
ur andlit hennar hörkulegt og biturt.
— Eg viðurkenni hana alls ekki, ég heilsa
henni ekki einu sinni á götu. Úr því að ég gat
bjargað mér, hefði hún átt að geta það líka . .
Ég spyr ekki meir um það.
Samtalið heldur áfram, morguninn verður að
hádegi. Hávaðinn á götunni eykst. Horgemling-
ar á götunni leika „base-ball", atvinnuleysingj
arnir hvolfa i sig fyrsta skammtinum af wiskýi,
og í gegnum gluggann kem ég auga á árris-
ula götudrós.
Nú fer hjarta Harlem að slá örar, þegar heit-
ur dagurinn laumast að kvöldi; þegar myrkrið
skellur á fer örvæntingin að gera vart við sig.
Op og óhljóð heyrast, flöskur eru brotnar (
göturæsinu. Hvítir menn í hópum eða tveir og
tveir saman leita til þeirra næturklúbba, sem
ennþá eru taldir öruggir hvftum mönnum. Þess-
ir klúbbar heita: Smalls, Count Baisies, Sugar
Ray. Auðkýfingar af negraættum, sem ekki eru
síður hataðir en þeir hvítu, drekka kokkteila
sína á Jocks eða Red Rooster. Lögregluþjónar,
Framhald á bls. 45.
HARLEM ER NEGRAHVERFI
NEW YORKBORGAR, ÞAÐ
ER HÆTTULEGUR
ÓRÓASTAÐUR, MANNFÉLAGS-
, LEGUR ÖSKUHAUGUR.
SAMT FELLIR FÖLK HUGI
SAMAN OG VERÐUR
ASTFANGIÐ [ HARLEM EINS
OG ANNARSSTAÐAR. EN
LfFSKILYRÐI ÁSTARINNAR
GETA VERIÐ ERFIÐ ÞAR SEM
HATRIÐ ER STERKASTA
AFLIÐ.
-■
VIKAN 11. tbl. jg