Vikan - 23.11.1972, Blaðsíða 6

SÍÐAN SÍÐAST
MARLON BRANDO
Meðan Marlon var að leika í hinni
frægu kvikmynd, Guðfaðirinn, sem
hlotið hefur mikið lof um allan heim,
varð hann að sætta sig við að sitja hjá
förðunarmeistaranum í eina og hálfa
klukkustund fyrir hverja upptöku. —
Meistarinn, sem heitir Dick Smith,
varð að gerbreyta andliti hans í hvert
sinn, gera hann kjálkabreiðari, setja
á hann fellingar og hrukkur og smyrja
svo ólífulitum farða yfir allt saman.
Hárið, sem annars er ljósskollitt, var
gert grátt og Marlon þekkti varla
sjálfan sig, þegar hann leit í spegil.
Marlon Brando sem þekkist alltaf á
götu, gat nú gengið eftir götunum í
ítalska hverfinu í New York, án þess
að nokkur maður sneri sér við. — Það
var sannarlega þægileg tilfinning,
sagði leikarinn.
Þegar þetta er skrifað, er verið að
sýna kvikmyndina „Guðföðurinn" í
Reykjavík, og ber öllum saman um að
bæði gervið og leikur Marlons Bran-
do sé frábært. Framleiðendur gera lík-
lega ráð fyrir að Oscarsverðlaununum
verði sallað á hana, því að þær kvaðir
eru á leiguskilmálum, að ekki má sýna
hana utan Reykjavíkur, fyrr en eftir
úthlutun Oscarsverðlaunanna.
ASHTON-FJÖLSKYLDAN
[ VANDRÆÐUM
Við eigum ekki við þau vandamál
sem við sjáum og heyrum á hverjum
þriðjudegi í sjónvarpinu, heldur vand-
ræði leikaranna eftir að hafa lokið
leik sínum í þáttunum. Þeir eru orðn-
ir svo fast mótaðir í hugum áhorfenda
að það er lítil von til að þeir fái vinnu
fyrsta kastið. Fyrir jólin í fyrra fóru
margir af leikurunum í heimsókn til
Noregs og þá voru þessar myndir
teknar af pabba Ashton og dætrum
hans tveim og fyrsta barnabarni. —
Reyndar eru þetta leikararnir, Colin
Douglas, sem á sjálfur fimm börn og
Barbara Flynn (Freda), sem nú býr
hjá móður sinni í Sussex. Freda var
fyrsta hlutverk hennar, eftir að hún
lauk við leiklistarnám. Svo er það
Leslie Nunnery (nýgift í annað sinn)
og Paul sonur hennar, sem er orðinn
sex ára og lék John George son hennar
í sjónvarpsþáttunum. Þau fengu líka
vel borgað fyrir leik sinn, svo þau fara
ekki á vonarvöl fyrsta kastið.