Vikan - 15.05.1980, Blaðsíða 7
„Stutt
gaman —
en
skemmtilegt”
Þriðji fulltrúi ungu kynslóðarinnar var Þorbjörg
Magnúsdóttir. Hún vann titilinn árið 1969 og í
kynningunni í Vikunni frá þeim tíma segir hún
meðal annars að í framtíðinni vilji hún verða
Ijósmóðir. Aðspurð um annað föðurland en
ísland líst henni svo skást á Svíþjóð.
Hún virðist býsna orðheldin kona, því eftir
að dvalarstaðurinn Bolungarvík hafði verið
uppgötvaður var eftirleikurinn nokkuð auðveld-
ur. í símaskrá fyrirfannst einmitt þar á staðnum
Ijósmóðirin Þorbjörg Magnúsdóttir og ef til vill
geta þvf Bolvíkingar eini landsmanna státað af
fyrrverandi fegurðardrottningu í Ijósmóðurhlut-
„Hafa ekki allir löngu gleymt þessu,
það er varla að ég muni eftir þessu sjálf?
Annars var þetta stutt gaman en
skemmtilegt og ég sé alls ekki eftir þessu.
Reyndar hef ég aldrei verið nein
fegurðardís og á núna bágt með að skilja
hvað fékk mig til að taka þátt í þessu. En
þá var maður ungur og til í allt — og
ekki spillti að þetta átti aldrei að vera
nein fegurðarsamkeppni í þeim
skilningi orðsins. En ég hef aldrei haft
neinn áhuga á módelstörfum og hef litla
löngun til að standa í sviðsljósinu. Eftir
þessa keppni tengdist ég aldrei neinu i þá
veru aftur og sneri mér að öðru í
staðinn.
Verðlaunin áttu að vera ferð til
Englands á sumarskóla en ég sleppti því
og kaus að fara til Ameríku sem skipti-
nemi, eins og ég hafði ætlað mér fyrir
keppnina. Eftir skiptinemadvölina lá
leiðin til Svíþjóðar á lýðháskóla og eftir
námið vann ég þarlendis um tíma. Síðan
kom ég heim, fór í Ijósmóðurnám á
Landspítalanum og útskrifaðist 76.
Bolungarvík var svo næst á blaði.
Þangað fór ég til þess að taka við starfi
ljósmóður strax eftir útskriftina og er
þar ennþá í sama starfinu.
Starf ljósmóður úti á landi líkar mér
stórvel við og i Bolungarvík er gott að
búa. Þarna hitti ég manninn minn,
Kristján Jónatansson (barnabam Einars
Guðfinnssonar), og við eigum einn
tveggja ára son.
Framtíðin er óskrifað blað en ekki er
ósennilegt að hún tengist Bolungarvik
nokkuðsterkum böndum.”
baj
Þessar myndir
voru teknar fyrir
Vikuna þegar
keppnin um Ungu
kynslóðina stóð
y'fir árið 1969 og
birtusv i kynningu
á keppandanum
Þorbjörgu
Magnúsdóttur.