Vikan - 12.06.1980, Síða 36

Vikan og Heimilisiðnaðarfélag íslands
Flest börn taka ástfóstri við einhverja eina brúðu sem
er þeim eitt og allt. Þau líta oftast ekki við miklu
úrvali af glæsilegum leikföngum og fyrir valinu verður
ef til vill fyrsta tuskubrúðan. Hún er mjúk og
aðlaðandi — en undir það síðasta, þegar eigandinn er
farinn að slíta barnsskónum, er uppáhaldið orðið
býsna ræfilslegt og lítið fyrir augað.
En í þessu efni hafa börn náð að stjórna hinum
ýmsu markaðsöflum því ungbörn eru blessunarlega
ónæm fyrir áróðri auglýsinganna. Óteljandi gerðir af
hinum ómissandi tuskubrúðum eru framleiddar og ekki
aðeins fyrir börn — fullorðnir safna þeim ekki síður en
þeir yngri. Tuskubrúður eru einnig vinsælt heima-
föndur, á allra færi þrátt fyrir tíu þumla og það ætti
að vera leikur einn að skapa svo sem eins og eina
brúðufjölskyldu úr gömlum fötum og ýmiss konar
efnisafgöngum.
36 Vikan 24. tbl.