Vikan - 16.07.1987, Side 19

Allir múrbrjótarnir samankomnir. Anne-Lise Youden, Monika Tamm-Buckle, Drude Dahlerup, Gunnel Brameus, Valgerður Bjarnadóttir, Inge
Mærkedahl og Leila Rásánen.
færi filefldra karlmanna. Þetta málmiðnaðar-
fyrirtæki getur því ekki skýlt sér bak við
gamaldags afsakanir ef það gengur fram hjá
konu við ráðningu. Hins vegar er þessi tækni-
búnaður ntjög dýr og af þeim sökunt hefur
fyrirtækið tekið upp vaktavinnufyrirkomulag.
Það virkar þannig að deginum er skipt í
þrennt; hver starfsmaður vinnur 8 tíma í senn
og skiptir um vakt vikulega. Svona fyrirkomu-
lag kemur sér illa fyrir margar konur og
reynslan sýnir að konur með lítil 'oörn kjósa
fremur fastan vinnutíma. Við munum því
leggja fram þá tillögu að hjá málmiðnaðarfyr-
irtækinu verði komið á svipuðu fyrirkomulagi
og hjá spítulunum en þar er konunt boðið að
taka fastar vinnuvaktir."
Gunnel Branieus, Sviþjóð: „Mig langar að
nefna eitt af skólaverkefnunum sem við erum
með í Svíþjóð. Það er unnið á viðskiptasviði
í menntaskóla og aðeins stúlkurnar taka þátt
í verkefninu. Það hefur sýnt sig að stúlkurnar
velja ekki sömu störf og strákar eftir skólann
og þær verða fremur atvinnulausar en þeir.
Því látum við stúlkurnar læra tölvufræði einu
sinni í viku í tvær annir. Þar læra þær allt um
hvernig tölvur virka, hvað þær bjóða upp á
og hvernig hægt er að nýta sér þær á ýmsan
hátt. Á fyrri önn fá stúlkurnar tækifæri til að
vinna við tölvur í fyrirtækjum í eina viku á
þessu tímabili. Síðari önnin fer svo í að kafa
dýpra ofan í viðskiptafræðileg efni. Síðan er
stúlkunum fylgt eftir næstu tvö árin og athug-
að hvort þær sækja í sams konar störf og
áður, einfaldari skrifstofustörf, eða gera eins
og strákarnir; velja starf sem krefst meira af
þeim. Við hvetjum þær jafnframt til að leita
sér enn rneiri menntunar í tölvufræðum því
að í svo nýrri atvinnugrein er karlaveldið ekki
enn orðið hefðbundið."
Leila Rásánen, Finnlandi: „I Finnlandi er-
um við að vinna að verkefni í grunnskólum
og framhaldsskólum um stúlkur og eðlis-
fræði. Ein helsta ástæðan fyrir að stúlkur velja
ekki tækninám er að eðlisfræðin reynist þeim
erfið í skóla. Hvað veldur þessu ástandi? Er
það tregða stúlknanna eða rangar kennsluað-
ferðir? Okkur grunar að námsefnið í skólum,
sem kenna hefðbundin karlafög, sé sett þann-
ig upp að það höfði rneira til stráka en stúlkna
og því reynum við að hvetja kennara til að
þróa aðrar kennsluaðferðir sem myndu henta
stúlkunum betur. Ef til vill nálgast konur
ákveðin námsefni á annan hátt en karlar og
þá verða kennarar að átta sig á þvi og kenna
samkvæmt því. Þetta á ekki bara við um
kennslu í skólum heldur einnig á ýmsum
starfsþjálfunarnámskeiðum.“
Anne-Lise Youden, Noregi: „Nú er verið
að vinna að heildarskipulagi Stavanger fram
til ársins 2000. Það er um margt frábrugðið
fyrri skipulagstillögum. í fyrsta sinn stjórna
konur til jafns við karla við gerð skipulagsins
og þá er sérstök athugun í gangi á samband-
inu milli atvinnuþátttöku kvenna og heildar-
skipulagsins. Er leitast við að finna ráð til
þess að auka þátttöku kvenna í atvinnulífinu
innan ramma skipulagsins. Meðal þess sem
við höfum gert er að útbúa nokkur verkefni
til þess að jafna stöðu kvenna og karla á
vinnumarkaðinum. Þá höfum við áætlað sókn
kvenna á vinnumarkaðinn fram til ársins 2000
og með þessa þætti að leiðarljósi höfum við
santið áætlun fyrir Stavanger sem miðast að
því að bæta stöðu kvenna á vinnumarkaðin-
um næstu 15 ár.“
Texti: Guðrún Alfreðsdóttir
Myndir: heigi skj. friðjónsson
29. TBL VIKAN 19