Vikan - 16.07.1987, Qupperneq 26

Hugur og heilsa
upp blýanti eftir uppástungu þess efn-
is frá dávaldi.
Sjálfsefjun
A síðustu árum hefur sú afstaða átt
vaxandi fylgi að fagna að öll dáleiðsla
sé í raun og veru sjálfsdáleiðsla. Dá-
þolinn á þannig frumkvæði að því að
dáleiða eða seíja sjálfan sig og telur
sér síðan trú um að leiðslan sé komin
til vegna tilmæla dávaldsins. Færustu
dávaldar okkar tíma hafa því tekið
upp á því að kenna skjólstæðingum
sínum sjálfsefjun þannig að þeir geti
sjálfir beitt dásvefninum til að leysa
vandamál sín. Sjálfsefjun hefur þann
mikla kost að viðtakandi sefjunarinn-
ar ræður sjálfur ferðinni og er ekki
öðrum háður um árangur. Sefjunar-
tækni gefur einstaklingnum mögu-
leika á að beita vitundarástandi sínu
til að hætta reykingum, neyta minni
fæðu og losa sig við kvíðatilflnningu
án þess að þurfa að grípa til róandi
og oft vanamyndandi lyfja.
Aðferðin felst í því að koma sér í
leiðslu og biðja síðan dulvitundina um
að vinna bug á því vandamáli sem
verið er að vinna með hverju sinni.
Reynsla sállækna hefur sýnt að dulvit-
undin býr yfir langtum meiri þekkingu
en hin venjulega vökuvitund okkar.
Þess vegna þarf aðeins að upplýsa
dulvitundina um hvað hún eigi að gera
en ekki hvernig hún eigi að gera það.
Frakkinn Émile Coué, einn af frum-
kvöðlum sjálfsefjunar, taldi að „þegar
viljinn og ímyndunaraflið eiga í rimmu
ber ímyndunarafiið ævinlega meira úr
býtum“. í starfi sínu sem læknir ráð-
lagði Coué sjúklingum sínum að
endurtaka í nokkrar mínútur tvisvar
á dag eftirfarandi setningu: „Sérhvern
dag, á sérhvern hátt, líður mér betur
og betur.“ Hann taldi að nota mætti
þessa einföldu tækni til að planta inn
i dulvitundina jákvæðum staðhæfing-
um sem skila sér síðan í betri heilsu.
Rannsóknir hafa staðfest þessa skoð-
un.
Margir hafa bætt aðferðafræði
Émiles Coué og þróað sérstök kerfi
sem færa sér í nyt mátt ímyndunarafis-
ins. Þar má fyrst nefna þýska tauga-
læknirinn J. Schultz (Autogenic
Training), ítalann Roberto Assagioli
(Psychosynthesis) og Timothy Leary
(Exo-Psychology). Þessir aðilar taka
mið af því að taugakerfið gerir engan
greinarmun á raunverulegum atburði
og atburði sem gerist eingöngu í
ímyndunarafiinu. Með stýrðum hug-
sýnum er til dæmis hægt að tileinka
Rannsóknir á eðli hugleiðslu
Vísindamenn hafa á síðustu árum rannsakað hugleiðslu og þær breytingar sem hún veldur á heila-
starfseminni. Bandaríski sálfræðingurinn dr. Arthur Deikman telur hugleiðslu fela í sér „vitundarlega
endurnýjun sem leysir í sundur sjálfvirka og um leið vélræna skynjun og skilningsmyndun". Hug-
leiðsla varð fyrst almenn á Vesturlöndum með tilkomu austrænna samtaka, eins og t.d. Maharishi-
hópsins (TM), Ananda Marga o.fl. Nú á dögum hafa flestir vaxið upp úr slíkum einstefnuhreyfingum
þó hugleiðsla njóti ennþá nokkurs fylgis.
26 VIKAN 29. TBL