Vikan - 04.05.1991, Page 4
TEXTI: ÞORSTEINN EGGERTSSON / LJÓSM.: BRAGI Þ. JÓSEFSSON
KAUP
VIKAN FYLGDIST MEÐ HJÓNAVÍGSLU
OG ÖLLUM UNDIRBÚNINGI HENNAR
Brúðkaup með glæsibrag eru aftur komin f tísku. Sumir
segja að það sé vegna þess að nú liggur meiri rómantík í
loftinu en tíðkaðist á öllum áttunda áratugnum og fyrri
helmingi þess níunda. Nú þykir eiginlega ódannað að
kunna engin skil á rómantíkinni, en rómantískum brúð-
kaupum fylgja auðvitað ýmis útgjöld, svo sem giftingar-
hringar, fatnaður á brúðhjón og brúðarmeyju, brúðkaups-
myndataka, hárgreiðsia og snyrting, kirkjuskreyting, at-
höfnin sjálf, skreyttur leigubíll, veislan, gisting f brúðar-
svítu og jafnvel brúðkaupsferð. Til samans kostar þetta
fúlgur fjár, minnst hundrað þúsund krónur en getur hæg-
lega orðið mun dýrara. Að vísu er hægt að komast af með
svolítið lægri heildarupphæð ef eitthvað af kostnaðarliðun-
um fæst fyrir lítið, ef einhverjum iiðum er sleppt eða ef fáum
er boðið til veislunnar. Hún er yfirleitt dýrasti liðurinn f
þessu. Það er því fremur fátítt að brúðhjón fari f sérstaka
brúðkaupsferð nú orðið nema ef brúðkaupið sjálft fer fram
með einföldu sniði.
Áður fyrr þurfti að gangast
undir blóðprufu og læknis-
skoðun áður en manni og
konu var leyft að eigast en nú
hefur sú kvöð verið afnumin.
Fólk, sem giftir sig í fyrsta
sinn, þarf því ekki aðra papp-
íra en skírnarvottorð en þau
sem hafa gifst áður verða að
geta sannað að löglegur skiln-
aður sé um garð genginn.
Algengast er að hjón séu
pússuð saman á sumrin en
einnig er svolítið um að pör
giftist á vordögum eða kring-
um jól og áramót. Hefðbund-
inn dagur til brúðkaupa er
laugardagur og helgast það af
þvf aö þá er brúðkaupsnóttin
aðfaranótt sunnudags sem er
frídagur hjá flestum. Borgara-
leg brúðkaup geta farið fram
hvaða dag vikunnar sem er
enda er lítið lagt upp úr þannig
athöfnum. Þær eru fyrst og
fremst löggilding hjónabands.
Beinn skattafrádráttur varð-
andi brúðkaup tíðkast ekki
lengur en í staðinn koma hag-
stæðari ákvæði skattalaga
gagnvart hjónum en hjóna-
leysum sem búa saman utan
hjónabands.
Vikan fylgist að þessu sinni
með giftingu ungs pars af
Suðurnesjum, þeirra Ólafar
Bjargar Kristjánsdóttur og
Magnúsar Brynjarssonar. Þau
voru gefin saman í Hallgríms-
kirkju 20. apríl síðastliðinn.
Þegar farið var ofan í saum-
ana á öllu umstanginu kom
ýmislegt fróölegt og skemmti-
legt f Ijós eins og næstu blað-
síður bera með sér. □
4 VIKAN 9.TBL.1991