Vikan - 04.05.1991, Blaðsíða 18

VIKAN BÝÐUR EINUM HJÓNUM í FERÐALAG
Þú last rétt; ef þú ert í hjónabandi eða
gengur í hjónaband fyrir lok þessa
mánaðar, maímánaðar, gætir þú og
maki þinn komist í boðsferð með Atl-
antik til eyjunnar sæluríku, Möltu í
Miðjarðarhafinu - ef heppnin er með.
Málið er ekki flókið:
Það eina sem þú þarft að gera er að senda
inn nafn þitt og makans og gefa upp hvenær
hjónavíglan fór fram eða hvenær hún fer fram,
en það verður að vera fyrir fyrsta dag júnímán-
aðar næstkomandi, eins og fyrr segir.
Einnig þarftu að gera grein fyrir því hvernig
þið kynntust. Hvort heldur er í þrem, fjórum
orðum eða lengra máli.
Það skal skýrt tekið fram að hér er ekki um
að ræða samkeppni um bestu söguna, frá-
sögnin er látin liggja milli hluta þegar dregið
verður úr öllum innsendum bréfum.
Einfaldara getur það tæpast verið.
Verðlaunin eru sem fyrr segir ferð fyrir við-
komandi hjón til Möltu, en ferðaskrifstofan Atl-
antik er nú að hefja beint flug til þessarar vin-
sælu sólarparadísar, sem er sunnan við Sikil-
ey og norður af Afríkuströndum í djúpbláu
Miðjarðarhafinu. Lanslagið þar á vart sinn líka
og andrúmsloft einstakrar vinsemdar og kurt-
eisi - hverju sem á gengur. Malta - svolítil
paradís þar sem menningaráhrif og stórbrotin
saga margra þjóða mætist undir bláum himni í
glitrandi sólskini.
Á Möltu er hægur vandi að finna dægradvöl
við sitt hæfi. Eyjan sjálf er náttúruunnendum
ótæmandi uppspretta lengri og skemmtilegri
ferða og útivistar á heillandi stöðum. Glæsileg-
ir golfvellir eru víða og tennisvellir eins og best
verður á kosið. Og þeir sem hafa ánægju af
hafinu, siglingum og sjávaríþróttum getatreyst
á frábæra aðstöðu til sjóskíðaiðkana og segl-
brettasiglinga auk þess sem bátar af öllum
stærðum og gerðum eru á hverju strái. En þeir
eru líka margir sem kjósa bara að láta sólina
baða sig í hótelgarðinum eða á ströndinni - og
það er líka I besta lagi.
Þegar kvöldar blasir aðeins eitt vandamál
við að velja úr glæsilegu framboði á klúbbum,
diskótekum, börum og veitingastöðum sem all-
ir eru hver öðrum glæsilegri og af ótrúlega fjöl-
breyttum toga. Og það er sama hvar komið er,
þessi einlæga kurteisi og vingjarnleiki Möltu-
búa hrífur alla sem stíga fæti á eyna.
Það er sérstaklega ánægjulegt undrunarefni
að skoða verðlagið á veitingastöðum Möltu. í
raun verður því best lýst með því að segja að
stórsteikurnar séu á hreinasta hamborgara-
verði - og annað eftir því. Þetta hagstæða
verðlag tekur líka til fleiri þátta, svo sem ferða
hvort heldur er á sjó eða landi og ýmissa inn-
kaupa svo eitthvað sé nefnt.
Er ekki ferðalöngunin farin að gera vart við
sig? Ef svo er og þú ert í hjónabandi ætti að
vera tilvalið fyrir þig að freista gæfunnar og
reyna að næla þér I ókeypis ferð fyrir þig og
makann í boði Vikunnar.
Skilafrestur er til 31. maf næstkomandi.
Og utanáskriftin
VIKAN/MALTA,
Háaleitisbraut 1,
105 Reykjavík.
Pósthólf 5344.