Vikan - 04.05.1991, Síða 34

Fyrir framan
Höfða, sem í
hugum margra
telst til merki-
legri sögu-
staöa.
ísland upp í hugann og þótti
sú hugmynd afbragö.
Þessu næst hélt Silvester
glaður í bragði til skrifstofu
þeirra yfirvalda sem sjá um
svona mál og fór þess á leit að
leyfi yrði veitt fyrir giftingunni.
Slíkt leyfi þurfti hann að fá til
þess að þau væru löglega gift
samkvæmt hollenskum regl-
um.
FÉKK LEYFI f
ÞRIÐJU TILRAUN
Þetta reyndist ekki eins auð-
velt og Silvester hafði ætlað í
upphafi því embættismaður-
inn, sem hann leitaði til, trúði
honum ekki og spurði hvort
hann væri ekki með öllum
mjalla að ætla aö gifta sig á
▲ Eftirvæntingarglampi
í augum unga fólksins
frá Hollandi þegar beöið
er eftir vígslu hjá borgar-
fógeta. ÁÁ Athöfnln
gekk fljótt fyrir sig, en
um tíma var útlit fyrir að
ekkert yrði af henni
vegna úreltra forms-
atriða ...
► A ferð sinni um borg-
ina þótti brúðhjónunum
nauðsynlegt að koma við
í hinu fræga húsi Höfða.
34 VIKAN 9. TBL. 1991
Brúðhjónin höfðu mikla ánægju af þvi að skoða sig um í Árbæjarsafni. Hér stíga
þau út úr kirkjunni þar.
íslandi - þar væri ekkert ann-
að en snjór, frosthörkur og ill-
viðri. í þriðju tilraun tókst hon-
um loks að sannfæra yfirvaldið
um að hann væri ekki vitstola
og að þeim hjónaleysunum
væri fúlasta alvara með fyrir-
ætlan sinni.
Að leyfinu fengnu lá fyrir að
snúa sér til næstu ferðaskrif-
stofu sem seldi ferðir til fyrir-
heitna landsins. Það er örugg-
lega ekki algengt að beðið sé
um að fá keypta ferð og gift-
ingu í einum pakka og borga
hann á staðnum. Svo var þó (
þetta sinn og þegar öllum
þessum óvenjulegu útrétting-
um var lokið héldu þau á vit
norðursins og innsiglunar á
sambandi sínu.
AÐEINS HEILBRIGT
FÓLK GIFT Á ÍSLANDI?
Hér gistu Silvester og Erika á
Hótel Holti í góðu yfirlæti, fóru
útsýnisferð til Gullfoss og
Geysis og leigðu bílaleigubíl til
að skoða borgina og nágrenni
hennar. Tæplega viku eftir að
þau komu til landsins átti at-
höfnin að fara fram. Til aö vera
örugg um að dagurinn gengi
snurðulaust fyrir sig ákváðu
þau að ganga frá öllum forms-
atriðum í tíma.
Þegar til kom var það ekki
svo vitlaus hugmynd því ís-
lenskt skriffinnskukerfi gerir
ekki ráð fyrir að útlendingar
komi hingað til lands til að láta
gifta sig. Þetta tók því nokkuð
á taugarnar og náði sá skjálfti
hámarki þegar parinu var sagt
að þau yrðu að fá staðfestingu
læknis á því að þau væru
bæði heilbrigð. Stórri spurn-
ingu skaut upp í hugann: Get-
ur aðeins fullhraust fólk gift sig
á Islandi? - Samkvæmt regl-
unum er það svo.
Unga hjúkrunarkonan harð-
neitaði að gangast undir
læknisskoðun, frekar vildi hún
hætta við allt saman. Því vildi
starfsfólk hótelsins ekki una
því allt er þar gert til að við-
skiptavinurinn sé ánægður.
Kallaður var til læknir sem er
góður viðskiptavinur hótelsins
og var hann fenginn til að tala
við parið. í viðtali hans við þau
kom í Ijós að um ævagamlar
reglur er að ræða, reglur sem
voru í góðu gildi á tímum far-
sóttanna en er ekki lengur
framfylgt þar sem gildi þeirra
er að litlu orðið. Gaf læknirinn
út vottorö og þar með var mál-
ið leyst.
Giftingin fór fram daginn eft-
ir hjá Borgardómaraembætt-
inu í Reykjavík að viðstöddum
blaðamanni Vikunnar og bíl-
stjóra frá Hótel Holti. Athöfnin
gekk fjótt fyrir sig og skömmu
síðar voru þau nýbökuðu kom-
in á fulla ferð í gljáandi glæsi-
vagni Hótel Holts. Ekið var vítt
og breitt um borgina og stutt
viðdvöl höfð á ýmsum þekkt-
um stöðum - við Höfða, í Ár-
bæjarsafni og víðar. Það voru
því sæl hjón sem héldu heim á
leið, gift á íslenska vísu.