Vikan - 20.02.1992, Side 15

heildarmynd af sýningunni af
því að undirbúningur með leik-
stjóra og öðrum aðstandend-
um er yfirleitt lengri og þess
vegna betri. Þessu er hins
vegar öðruvísi háttað í kvik-
myndaleik, þar er oft lítill sem
enginn tími notaður til æfinga.
Ég vil trúa því að ef leikstjórar
taka sér meiri æfingatíma með
leikurunum skili það betri leik
og heilsteyptari persónum á
tjaldið.
Sólveig: Kvikmyndaleikur
krefst meiri einbeitingar. Mað-
ur verður að setja sig inn í að-
stæður og úthugsa þá per-
sónu sem maður leikur.
Ingvar: Á sviðinu þróast
leikurinn frá einni sýningu til
annarrar. Leikarinn getur hald-
ið áfram að þróa þann karakt-
er sem hann leikur eftir frum-
sýningu en eftir að búið er að
frumsýna kvikmynd verður
engu breytt.
Sólveig: Kostirnir eru þó þeir
að ef eitthvað mistekst í töku
þá er hægt að taka atriðið aftur
en það sem klikkar á sviði er
ekki hægt að endurtaka.
Ingvar: Það sem er kannski
erfiðast svona í upphafi vinn-
unnar er að reyna að setja sig
inn f hugarheim leikstjórans
og reyna að átta sig á því
hvernig myndin verður að
lokum.
Sólveig: Það var erfitt að
koma sér inn í þetta tempó.
Fyrstu dagarnir voru algjör
pína og erfitt að leika og ein-
beita sér fyrir framan allt þetta
fólk og myndavélar. En smám
saman tókst þó að útiloka fólk-
ið og vélarnar og leika eins og
enginn væri á staðnum.
Blm.: Hvað um persónurnar
sem þið leikið? Hvernig kar-
akter er Skúli?
Ingvar: Hann er frekar dulur
og ekki mikið fyrir að sýna til-
finningar sínar nema þegar
hann neyðist til þess. Hann
verður ástfanginn og getur
ekki hlaupið frá því. Annars
finnst mér erfitt að tala um
Skúla því hann er svo líkur
mér. Ætli Ásdís hafi ekki fund-
ið það á sér. Annars finnst mér
leikstjórar oft flaska á því að
velja fólk í hlutverk eftir aldri
og útliti. Það er eins og þeir
geri sér ekki grein fyrir því að
leikarar eru leikarar og geta
brugðið sér í allra kvikinda líki.
Það eru engir leikarar á ungl-
ingsaldri en leikarar geta leikið
niður fyrir sig. í staðinn ráða
leikstjórar oft unglinga með
misgóðum árangri. Leikstjórar
þurfa að taka sér góðan tíma í
að prófa leikara áður en þeir
ráða fólk með misgóðum
árangri.
Sólveig: Fyrsta hugsun mín,
þegar ég fékk þetta hlutverk,
var að lærður leikari ætti að
ganga fyrir. Þetta er oft eina
sumarvinnan sem leikarar
geta fengið og ágætlega laun-
uð miðað við margt annað. Ég
var alveg drulluhrædd við
þetta.
Blm.: Hefurðu verið lengi
með leiklistarbakteríuna í
blóðinu?
Sólveig: Frá því ég man eftir
mér. Ef maður fær ást á
leikhúsinu er erfitt að gera
nokkuð annað. Mér hefur alltaf
þótt mjög gaman í leikhúsi.
Blm.: En þú, Ingvar, er leik-
listarbakterían í þinni fjöl-
skyldu?
Ingvar: Nei, I minni fjöl-
skyldu eru bara prívatleikarar.
Ég var fyrst hálfhræddur þegar
ég fór í leikhús en svo fannst
mér mjög gaman og mér hefur
alltaf þótt mjög gaman að
leika.
Blm.: Við gleymdum að tala
um Inguló áðan. Hvernig
stúlka er hún?
Sólveig: Hún er svipuð og
Skúli, ekkert að flíka tilfinning-
um sínum.
Blm.: Er hún lík þér?
Sólveig: Á vissan hátt. Hún
er alvarlegri en ég, ekki mjög
glaðlynd.
▲ Sólvelg
segir að
Ingaló
sé á
vissan hátt
Ifk sér.
„Hún er
alvarlegri
en ég,
ekki mjög
glaölynd."
Ingvar: Það er ekki beint
verið að sýna gleðistundir í lífi
hennar en það er mikið fjör í
kringum hana, fullt af sjóurum
og skemmtilegum karakterum.
Mér finnst leiðinlegt að hafa
ekki getað fylgst eitthvað með
úrvinnslu myndarinnar. Ég
hefði gjarnan viljað fylgjast
með því. Ég hefði kosið meiri
undirbúning og fleiri æfingar.
Áhorfandinn horfir fyrst og
fremst á það sem er lifandi fyr-
ir augunum á honum og það er
leikarinn á tjaldinu.
Sólveig: Það eru leikararnir
sem bera hitann og þungann
af því hvort varan selst.
Blm.: Hvað er svo framund-
an hjá ykkur?
Sólveig: Mig langar að fara í
leiklistarskóla til Þýskalands
eða Englands - í dramanám
og leiklistarnám. Mig langar að
§. læra meira í sambandi við
i tæknina í kringum leiklistina
n, því ég held það sé erfitt að
> vera leikkona á íslandi því
- kvenhlutverk í leikritum eru
L fremur fá og þegar konur eru
« komnar yfir vissan aldur er
S heldur Ktið að gera. Því er gott
o að hafa meira nám en einung-
“ is leiklistarnám í bakhöndinni.
Þetta eru að minnsta kosti þær
hugmyndir sem ég hef núna.
Ég er í fimmta bekk í MR og
það er Herranótt sem heldur
mér uppi þar. Ég er að leika
Sölku Völku á móti annarri
stúlku í leikritinu.
Ingvar: Ég er að æfa í nýju
leikriti eftir Þórunni Sigurðar-
dóttur sem frumsýnt verður á
stóra sviðinu í Þjóðleikhúsinu
um miðjan mars. Leikritið heitir
Elín Helga Guðríður eða sög-
ur frá Svartá. Þar að auki er
ýmislegt í bígerð en það er
bara leyndó. □
EinstaJár
munir
Scntnklegafhllc0 jjlasa ~línd
TEKK^-
KRISmi
Laugavegi 15 Simi 143 20
Kringlan Simi 689955