Vikan - 22.06.1999, Side 56

Nú fer að líða að þeim tíma ársins sem við njótum gróðursins í garðinum eða á svölun-
um hvað mest. Margar leiðir má finna til þess að koma plöntunum fallega fyrir, hvort
heldur þær eru í blómabeðum eða í pottum og hvers kyns kerjum á svölum, stéttum eða
tröppum. Það sem mestu skiptir er að beita hugmyndafluginu og reyna að finna nýjar
aðferðir til þess að plönturnar njóti sín nógu vel og séu okkur til sem mestrar ánægju.
Mikið er til af fallegum kerjum undir
blóm í verslunum. Við birtum hér mynd
af einu slíku keri með eins konar „vös-
um" utan á sem einmitt eru ætlaðir til
þess að stinga í blómum. Þá vaxa blómin
ekki aðeins upp úr kerinu heldur líka út
úr hliðum þess. Þetta ker rákumst við á í
Gróðurvörum og kostar það milli tvö og
þrjú þúsund krónur.
Mosfellsbæingar og aðrir þeir
sem leið hafa átt um Mos-
fellsbæ undanfarin ár hafa
fengið tækifæri til að dást að blómstr-
andi stjúpmæðrum sem mætt hafa
þeim á hringtorgum bæjarins. Stjúp-
mæðrunum hefur verið komið fyrir í
einhverju sem mest hefur líkst tunnum
þöktum í blómum allt umkring. Ein
leið til þess að búa til slíka „tunnu" er
að fá sér hænsnanet og búa til úr því
hæfilega víðan sívalning. Innan í netið
má svo strengja striga og síðan er sí-
valningurinn fylltur með mold. Þessu
næst eru smágöt stungin á strigann
með hæfilegu millibili og í þessi göt
stingum við loks plöntunum sem við
ætlum að hafa í þessu óvenjulega
blómakeri.
Sé plöntunum stungið nægilega þétt í
gegnum strigann og netið á hvergi að
þurfa að sjást í það sem undir er þegar
blómin taka að blómstra. En það þarf
ófáar stjúpur til þess að vel fari að
minnsta kosti ef þið hafið kerið mjög
stórt. Að sjálfsögðu er hægt að hafa
það í þeirri hæð og af þeim sverleika
sem hverjum þykir henta í því um-
hverfi sem því er ætlað að prýða. Eng-
inn segir heldur að ekki megi nota aðr-
ar plöntur en stjúpur. Nú er um að gera
að hefjast handa og gera tilraun heima
hjá sér áður en það er orðið of seint á
þessu sumri.
Og loks er það jarðarberjatunnan sem við sáum í erlendu blaði.
Hana mætti búa til ef þið fengjuð einhvers staðar plasttunnu sem
þið gætuð stungið göt á. Tunnan þyrfti auðvitað ekkert frekar að
vera undir jarðarberjaplöntur en aðrar plöntur; tilvalið er að nota
plöntur sem eru viljugar að blómstra og gaman er að láta vefja sig
utan um tunnuna. Sagt er í auglýsingu um þessa tunnu að hægt sé
að koma fyrir í henni 44 plöntum, sem sagt hún er með 44 götum.
Hún er 75 sentímetrar á hæð og rúmir 50 sentímetrar í þvermál.
56 Vikan