Menntamál - 01.08.1935, Síða 3

Menntamál
VIII. ár.
Jóhannes úr Kötlnm:
Born.
Ó, elsku barn, með blys í dökku auga
og bros á rauðri vör!
Þú mikla spurning, framtíð lífs og listar,
— þú ljós á vorri för!
Þu hjartahreini vinur vors og blóma!
I veru þinni sé ég markið ljóma.
Er borgin drúpir, föl og full af kvíða,
með fána í hálfa stöng,
í þínu létta, yndishlýja hjali
ég heyri nýjan söng;
. . ég' veit þar sjálfan fuglinn Fönix kvaka
og fljúga hratt með sól og vor til baka.
í heitum, óðum andardrætti þínum
er endurfædd vor þrá . .
Þú hlærð og klappar saman litlum lófum
og lyptir þér á tá,
og frá þér streymir grænna grasa angan,
er geislar dagsins strjúka þér um vangann.
Apr.—Agúst
1935.
6