Menntamál - 01.08.1935, Blaðsíða 56

134
MENNTAMÁL
Rómverja og Hellena. En út í þennan samanburð skal þó ekki
farið lengra að þessu sinni. —
Lengi hefir Haukadals ekki verið minnst, en nú er þar aftur
menntasetur. Sigurður Greipsson, víðförull maður og marghert-
ur, hefir stofnað þar iþróttaskóla. Hann vill á ný skapa likams-
menningu meðal íslendinga, eigi lakari en var á söguöld. Og
það er líklegt, að íþróttirnar geti þroskað alla íslendinga, lifað
áfram og þróast og jafnframt verið undirstaða nýrra menningar-
strauma, er verða jafn óbrotgjarnir og þeir, er Haliur og Teit-
ur komu af stað fyrrum í Haukadal. Margir iþróttamenn okkar
viðurkenna nú, það sein víkingarnir forfeður okkar vissu, að
skynsamlega iðkaðar iþróttir stæla og styrkja hug og líkama
manna. Þær eru þvi bezta ráðið til þess að hægt sé að lifa i
hrjóstrugu og erfiðu landi og ganga teitir mót hættum þeim, er
hvervetna ögra. — Sigurði er það ljóst, að hann verður að haga
skólanum eftir islenzkum staðháttum og starfa á þeim tima, er
íslenzkt búalið hefir minnst að gera heima fyrir. Til þess nú
að gefa sem réttasta hugmynd um starf Sigurðar, þá vil eg iála
hér fylgja kafla úr bréfi, er hann skrifaði gömlum nemanda
sínum síðastliðið vor. Bréfkaflinn er svona: „Á þessari auglýs-
ingaöld og skýrslutímum er venja að gefa yfirlit uin það, sem
starfað hefir verið. Mér hefir sést yfir þetta að inestu, en nú vil
eg bæta um það með því, að segja hér frá starfseminni i stór-
um dráttum. Eg hefi þegar haldið uppi námskeiðum í fimm vet-
ur, og hafa þau staðið frá 1. nóv. til 15. febr. (3% mán.). Fyrstu
tvo veturna voru auk þess eins mánaðar námskeið, frá 1. marz
til 1. april, fyrir yngri nemendur. Að loknu námskeiðinu 1930
fór eg til Hóla í Hjaltadal og var þar við iþróttakennslu um
tíma. Næsta vetur, er eg hafði lokið námskeiðinu hér heima, fór
eg norður að Laugum í Þingeyjarsýslu og dvaldi þar við íþrótta-
kennslu um hríð. Það má segja, að hér sé fimm ára áætlun lokið,
þótt ekki hafi hún verið gerð í Sovét-Rússlandi eða miði til
neinnar stórbyltingar. En sá, sem hefir starfslöngun og nokkra
fórnarlund, verður að gera áætlanir og starfa á eigin ábyrgð,
og það er honum sigur, að ekki hviki langt frá því, sem ætlað
var. Að jafnaði hefir verið fullskipað í skólanum hjá mér Þg hafa
því dvalið hér 130 menn. Flest eru þetta ungmennafélagar víðs-
vegar að af landinu. Að loknu námskeiði hafa nemendur horfið
heim til sín, eða leitað til verstöðvanna og haft þar atvinnu það
sem eftir var vetrar. Nokkrir hafa dvalið hjá mér tvö námskeið.
Kennslu hefir verið hagað likt öll árin. Auk iþrótta hefir verið
veitt kennsla í almennum námsgreinum. Hefi eg því haft einn