Menntamál - 01.10.1949, Qupperneq 54

112
MENNTAMÁL
kennari. Þess vegna er bæði rétt og skylt að Menntamál
geymi mynd hennar og minningu.
Ragnheiður var fædd í Hruna 1. ág. 1906. Foreldrar
hennar voru hin þjóðkunnu hjón sr. Kjartan Helgason og
frú Sigríður Jóhannesdóttir. Hún ólst upp í stórum syst-
kinahópi við ágætis leiðsögn hinna merku foreldra. Heimil-
ið í Hruna er löngu alþekkt, sem eitt mesta fyrirmyndar-
heimili sinnar tíðar. Það er gæfa hverju barni að alast upp
í slíkum reit, enda bar Ragnheiður þess fagurt vitni hve
gott uppeldi hún hafði hlotið. Ung var hún sett til mennta.
Hún stundaði nám í Kennaraskólanum hjá sr. Magnúsi
frænda sínum. Höfðu þau mikið dálæti hvort á öðru. Kenn-
arapróf tók Ragnheiður liðlega tvítug, með ágætum vitnis-
burði. 1930 gerðist hún kennari við Austurbæjarskólann
í Reykjavík og gegndi því starfi þrjú ár við ágætan orðs-
tír. Þá var hún fengin til þess að fara utan og læra að
kenna blindu fólki. Það mun hafa átt vel við eðlisfar
hennar og hæfileika, svo rík sem hún var af samúð og
hjálpfýsi. 1933 gerðist hún kennari hjá Blindravinafélagi
Islands og gegndi því starfi þar til hún giftist eftirlifandi
manni sínum Guðmundi Kr. Guðmundssyni trygginga-
fræðingi. Þá sigldi hún í annað sinn og voru þau hjón
búsett um hríð í Kaupmannahöfn, meðan hann var að ljúka
námi. Þegar þau komu aftur og settust að í Reykjavík,
tók Ragnheiður til þar sem frá var horfið, að hjálpa blinda
fólkinu. Hún var að vísu ekki fastur kennari, en starfaði
í félagsskap að málefnum þess og kenndi oft, þegar þess
þurfti með, og henni vannst tími til frá heimilisstörfum.
Hún þótti framúrskarandi blindrakennari og tók miklu
ástfóstri við það starf. Nemendur hennar tóku svo mikilli
tryggð við hana, að sjaldgæft er. Mátti m. a. sjá það glögg-
lega á minningargrein er þeir skrifuðu að henni látinni.
Það lætur að líkum að kona með hæfileika Ragnheiðar
og skapgerð hafi verið ágæt húsfreyja og móðir, enda var
það mál allra, er til þekkja. Hún var hagsýn og iðju-