Menntamál - 01.10.1949, Qupperneq 57

MENNTAMÁL
115
fróður hann var um allar nýjungar, sem á döfinni voru um
víða veröld í uppeldismálum. Hitt dæmið er frá sumrinu
1940. Var ég staddur á Isafirði þá dimmu daga, er Frakk-
land var að falla í hendur nazistaherjum Hitlers. Virtist
þá ekki annað sýnna en að sú örlagastund væri í nánd, að
margra alda barátta hinna beztu manna með vestrænum
þjóðum fyrir lýðfrelsi og mannréttindum væri að engu
gjör. Fýsti mig að vonum að fylgjast með því, sem fram
fór í þessum átökum. Varð ég þess brátt vísari, að enginn
maður þar um slóðir kynni jafnglögg skil á því og Sigurð-
ur, og leitaði ég því á fund hans. Hann hlýddi á útvarp
frá Bretlandi, Þýzkalandi og Frakklandi jafnt á nóttu sem
degi. Sátum við stundum við tækið fram á rauðan morgun.
Æviatriði Sigurðar, sem eigi hafa verið talin hér að
framan, voru þessi helzt. Um skeið vann hann við verzlun
föður síns, 1921—1922 var hann kennari í Aðalvík, hvarf
þá aftur að verzluninni. 1925—1926 kenndi hann við barna-
skólann á Isafirði í stað Sigurðar Kristjánssonar alþm.,
en 1927—-1930 var hann skólastjóri í Arnardal í Skutuls-
firði. Sumarið 1930 sigldi hann til Englands til að kynna
sér nýjungar í kennslumálum, einkum smábarnakennslu,
og 1932 hélt hann til Þýzkalands sömu erinda. 1930 réðst
hann fastur kennari að barnaskólanum á ísafirði og þeirri
stöðu gegndi hann til dauðadags 6. maí s. 1. í barnaskól-
anum hafði hann einkum með höndum lestrarkennslu fyrir
byrjendur. Hafði hann búið sér út sérstaka aðferð í þeim
efnum, og fullyrða kunnugir, að sú aðferð hafi gefið góða
raun. — Jafnframt þessu kenndi hann einnig tungumál
við gagnfræðaskólann.
25. nóv. 1922 kvæntist Sigurður Hildi Matthíasdóttur,
sem lifir mann sinn. Varð þeim sjö barna auðið, og eru
tvö þeirra innan fermingaraldurs.
Sigurður bar hinar ömurlegustu menjar eftir heilsutjón
á unga aldri, og löngum átti hann við þráláta vanheilsu
að stríða. Má af þessu ráða, að lífsbarátta þeirra hjóna