Menntamál - 01.10.1949, Page 61

menntamál
119
Það hófst 8. ágúst. Þangað sóttu fulltrúar frá 10 þjóðum.
Þeir fluttu kveðjur og ávörp hinn 9. ágúst. Stjórn S. í. B.
sendi skrautritað ávarp, er frú Arnheiður flutti við það
tækifæri.
Mótið stóð í 4 daga og fór hið bezta fram. Verður nánar
sagt frá því síðar.
Kveðja
til Danmarks Lærerforening á 75 ára afmæli í ágúst 1949.
Frá Sambandi íslenzkra barnakennara.
Fyrir rúmum 11 öldum byggði ein og sama þjóð Dan-
mörku og Skandinaviuskagann, þjóð, er var sömu ættar og
talaði sama málið, sem þá var nefnt dönsk tunga. Síðar
skildu leiðir. Aldir liðu. Nú eru niðjar þessarar þjóðar
dreifðir um öll Norðurlönd. Skyldleikinn í útliti, máli og
menningu er auðsær. Norrænu þjóðirnar viðurkenna ætt-
artengslin og finna til þeirra. Af þessum norrænu þjóðum
hafa þjóðir vorar — Danir og fslendingar — átt mest
menningarleg viðskipti saman á liðnum öldum, þótt úthaf
skilji löndin.
Margir íslendingar hafa sótt menntun sína til Danmerk-
ur. Vér minnumst þess, að fyrstu íslenzku barnakennar-
arnir tóku próf sín í Danmörku á ofanverðri 19. öld, að
fjöldi íslenzkra kennara 20. aldarinnar hafa stundað nám
í dönskum skólum, ferðazt um landið, kynnt sér upeldis-
mál og kynnzt um leið landi yðar og þjóð. Danskir kenn-
arar hafa einnig heimsótt fsland og kynnzt íslenzkum
skólamálum. Gagnkvæm kynning hefur þannig átt sér stað.
Vináttu- og bræðabönd hafa myndazt og eflzt, eftir því
sem árin liðu.
Á þessum hátíðisdegi danskra kennara — 75 ára afmæli
Danmarks Lærerforening — réttum vér íslenzkir kennarar
'— Samband íslenzkra barnakennara — bróðurhönd yfir
hafið og sendum hlýjar kveðjur til danskra stéttarsystkina.