Menntamál - 01.12.1957, Page 32
222
MENNTAMÁL
BENEDIKT TÓMASSON:
Úr greinargerð með frumvarpi til laga
um heilsugæzlu i skólum.
Um 1. gr.
í greininni er lagt til, að heilsugæzla skuli rækt í öllum
skólum landsins. Slík starfsemi er nú talin óaðskiljanlegur
þáttur þeirrar þjónustu, sem hverjum skóla beri að veita
nemendum sínum og eitt af helztu verkefnum hans. Fyrir
nauðsyn hennar má einkum færa eftirfarandi rök:
1. Læknavísindin ráða nú orðið yfir mikilli þekkingu
á orsökum, eðli og meðferð sjúkdóma, svo og á gerð og
störfum mannlegs líkama, og eykst sú þekking hröðum
skrefum. Henni er beitt í sívaxandi mæli til að uppræta
orsakir sjúkdóma, gera menn ónæma fyrir smitsjúkdóm-
um og leita byrjandi sjúkdóma með skipulegri rannsókn,
en einnig til þess beinlínis að efla hreysti manna og táp,
þó að heilbrigðir kallist. Sá skilningur verður æ almenn-
ari, að það eitt sé ekki nóg að vera ekki haldinn neinum
ótvíræðum sjúkdómi. Til þess að mega teljast fullhraust-
ir verða menn að njóta andlegrar og líkamlegrar vellíð-
anar og hafa fullt vinnuþrek, en á þessu er mikill mis-
brestur. í stefnuskrá Alþjóðaheilbrigðisstofnunarinnar
(The World Health Organization) telst það til grundvall-
armannréttinda að njóta eins fullkominnar hreysti og
auðið er fram á elliár. Öllum er ljóst, hvílíku böli sjúk-
dómar valda, og væri það eitt ærin ástæða til að kosta
kapps um að uppræta þá. En sjúkdómar kosta líka ein-
staklinga og þjóðfélag stórfé, og er ekki sambærilegt,
hversu miklu er ódýrara að koma í veg fyrir þá en að