Menntamál - 01.12.1957, Page 40

230
MENNTAMÁL
Vitanlega hefur ekki vakað fyrir skólayfirlæknunum að
gefa neinar algildar reglur um vinnutíma, enda væri það
ekki unnt. Hér er aðeins um að ræða leiðbeiningar til hlið-
sjónar, og er þá haft í huga, að börn og unglingar fái
hæfilegan tíma til að leika sér, njóta nauðsynlegrar úti-
vistar og hreyfingar og sinna hugðarefnum sínum. Árleg-
ur skólatími er að vísu lengri í Svíþjóð en hér á landi, en
til móts við það kemur, að íslenzk börn byrja tiltölulega
snemma að vinna að sumrinu, en erlendis er sumarvinna
nemenda að kalla óþekkt. Er í þessu sambandi rétt að
vekja athygli á, að engin rök eru fyrir því, að nemendur
hvílist á sumarvinnu, eins og margir virðast trúa hér á
landi. Flestir unglingar braggast að vísu á sumrin, en til
þess eru aðrar ástæður, sem óþarft er að gera grein fyrir
hér, og víst er, að sumir unglingar koma dauðþreyttir í
skóla að hausti.
Erlendis er lögð á það mikil áherzla, að nemendur
sitji við borð og í sætum, sem hæfa stærð þeirra, og er
um að ræða 5—8 stærðir. Ekki er þó auðið að framfylgja
þessu algerlega, með því að sums staðar verður að tví-
setja. í marga barnaskóla hér á landi verður að þrísetja,
og leiðir af því, að óhugsandi er að velja nokkrum hluta
barnanna borð og stóla, sem hæfa þeim. Er hér um að
ræða vandamál, sem nauðsynlegt er að leysa. Of langt mál
yrði að gera fræðilega grein fyrir hættum, sem af þessu
geta stafað, en hver og einn gæti sannfærzt um af eigin
raun, hver áhrif það hefði á líðan og starfshæfi að sitja
5—6 stundir á dag við vinnu í of háu eða of lágu sæti.
En þetta er þó miklu hættulegra á skólaaldri, þar sem í
hlut á viðkvæmur, vaxandi líkami, sem getur skekkzt af
því að sitja lengi í sæti, sem ekki hæfir honum.
Meðal grannþjóða okkar er lögð vaxandi rækt við heil-
brigðisfræðslu, bæði í skólum og utan þeirra. Til dæmis