Menntamál - 01.12.1957, Page 68
258
MENNTAMÁL
JÓN KRISTGEIRSSON:
Litlu bömin byrja lestrarnám.
Skólaþroski — lesnámsþroski.
Þessa dagana stígur verulegur hluti félagsþegnanna öðr-
um fremur örlagarík spor æviskeiðsins. Það eru börnin,
sem nú byrja lesnám. Og það veltur á því, að vel takist
í upphafi, hvort framundan er sigurbraut fagnaðar og
frama eða þyrnum stráð kvala- og þjáningaskeið, sem að
lokum leiðir til ósigurs og vonbrigða. Mestu varðar, að
rétt sé af stað farið í fyrstu og áfram sé haldið með
áhuga óslitið að takmarki, lestrarleikni.
Hinir vísu telja fullsannað, að mjög skaðlegt sé, að
barn byrji lesnám, áður en það hefur náð þar til nauð-
synlegum þroska, lestrarnámsþroska, og þar sé að finna
skýringu á vandræðum margra barna í lestri.
Þetta þurfa foreldrar og kennarar yngstu barnanna að
hafa í huga, þegar byrjað er. En þessu atriði hefur hér á
landi svo að segja enginn gaumur verið gefinn fyrr en
á allra síðustu árum. Sjálfur hafði ég eiginlega enga grein
gert mér fyrir því, fyrr en ég kom til Norður-Ameríku
fyrir rúmum 2 árum. En þar í landi er leitað eftir lestrar-
námsþroska, áður en hafið er lesnám. Hér um slóðir, til
dæmis í höfuðstaðnum, er erfitt að koma þessum athug-
unum við almennt, svo að gagni komi, einkum vegna þess
að mikill meirihluti barna (sennilega tveir þriðju eða
meir) hefur stundað lesnám í 1—2 ár, áður en þau koma
í barnaskóla. En nokkuð er unnið með að kynna almenn-
ingi málið.