Menntamál - 01.12.1957, Síða 76
266
MENNTAMÁL
Rætt við Jónas Pálsson um rannsókn á for-
sagnargildi landsprófs miðskóla og fleira.
Svo sem lesendum Menntamála ætti að vera kunnugt,
hefur Jónas Pálsson unnið að rannsókn á forsagnargildi
landsprófs í miðskólum um alllangt skeið. Þótti nú tíma-
bært að inna hann frétta af því starfi. Og ég ávarpa Jónas
á þessa leið:
Ýmsir virðast vera reikandi í skilningnum á hugtak-
inu forsagnargildi prófs. Viltu ekki vera svo góður að skil-
greina það?
Það er sjaldan auðgert að skila óaðfinnanlegri
skilgreiningu fyrirvaralaust, en við getum spjallað um
þetta. Flestum prófum í skólum er ætlað að mæla árang-
ur af námi og skólavist, og er sá árangur tíðast metin í
tölum, einkunnum. Einkunnirnar benda þannig aftur fyrir
sig, ef svo mætti segja. En þær benda einnig fram fyrir
sig. Venjulegt bekkjarpróf í barna- eða unglingaskóla til
dæmis sker úr um það, hvort nemandi hefur náð þeirri
kunnáttu, er krafizt verður við byrjun náms í næsta bekk
fyrir ofan, en það segir einnig til um líkurnar á náms-
ágrangrinum í næsta bekk eða jafnvel í framtíðinni. For-
sagnargildi prófsins er þá mikið eða lítið eftir því, hver
námsárangur verður í framtíðinni, ef jafnað er til prófs-
ins. Mat á forsagnargildi prófs á því jöfnum höndum að
taka til þess, hversu nákvæmlega prófið mælir það, sem
því er ætlað að mæla, sem og hins, hversu áreiðanleg mæl-
ingin er, þ. e. hversu varanlegt gildi hún hefur.
Trúlegt er það, en er ekki jafnan einsætt, hvort próf
í skóla er áreiðanlegt eða ekki?