Menntamál - 01.12.1957, Síða 106

296
MENNTAMÁL
nýjungar og uppgötvanir í kennslumálum síðustu 25 árin.
Einnig var af sama tilefni gefin út greinargerð um hag,
ásigkomulag og aðstæður kennara og nemenda, eins og
það er afmælisárið, að undangenginni athugun og að
fengnum skýrslum frá kennurum við alls konar skóla og
stig. Á það að vera sönn heildarmynd af kennurum og
nemendum í opinberum skólum landsins skólaárið 1955—
1956, markalína til samanburðar síðar.
Fjöldi kennara það ár var um 1.100.000. Að vísu voru
spurningar ekki lagðar fyrir allan þennan fjölda, en það
marga, að telja verður nægjanlegt til að fá sanna mynd.
Einnig var stuðzt við skýrslur menntamálaráðuneytis-
ins. Skal hér drepið á nokkur atriði til gamans:
Af kennarahópnum eru 28% karlar, 72% konur. Barna-
kennarar 61%, gagnfræðakennarar 39%. Meðalaldur
karlkennara er 35,4 ár, 83% þeirra eru kvæntir og eiga
til jafnaðar 1,8 börn. Þeir hafa yfirleitt B.A.-próf, og
42% þeirra hafa meistaragráðu eða meira. Meðal starfs-
árafjöldi karla er 8 ár. Meðallaun þeirra fyrir kennslu er
4374 dalir á ári, og eru það talin 86% af heildarárslaun-
um þeirra. Launin eru hærri í borg en í sveit, en sá mis-
munur fer minnkandi.
Mikill meiri hluti karlkennara starfar við gagnfræða-
stigið, og er meðalfjöldi nemenda í bekkjum þeirra 27,5.
Meðalundirbúningstími undir daglegt starf í skólanum er
11,3 stundir á viku (5 kennsludaga).
Karlkennari er áhugasamur í kirkjusöfnuði og einu
öðru félagi að minnsta kosti. Um 60% karlkennara segj-
ast mundu velja sér kennarastarfið, ef þeir ættu kost á
að hverfa aftur til stúdentsáranna og velja ævistarf. 16%
voru á báðum áttum, en hinir vildu annað.
Meðalaldur kennslukvenna er 45,5 ár og er hærri en
karla. Það er talið stafa af því, að giftar konur hætta
kennslu á unga aldri um skeið, meðan þær helga krafta