Æskan - 01.03.1970, Qupperneq 53

Frá fortíðinni
Flestir þeirra hluta, er þið sjáið hér á myndinni, voru i
daglegri notkun fyrir rúmum 40 árum. Hér á landi var
notað olíuljós úti á landsbyggðinni víðast hvar fram undir
árið 1930, og énn er olía notuð til Ijósa, en það er nú
orðið fátítt hér á landi. Kolin eru aftur á móti enn notuð
viða til upphitunar og einnig olía. Margir gamlir kolaofnar
voru mesta stofuprýði, þegar búið var að bursta þá og
fægja þar til mátti spegla sig í þeim. Seinna komu svo
postulínsofnar, hvítir og grænir, og eins eldavélar, sem
voru emalleraðar hvitar. Þetta voru fallegir hlutir, þegar
þeir voru vel hirtir. Þetta svarta eldstæði, er þið sjáið á
myndinni, var bæði notað til þess að elda á og um leið
til upphitunar. Þetta var einnig borðkrókur gamla timans
og dagstofa. Alla hluti þurfti að þrífa vel, þvi þeir voru
hengdir upp á vegg, hver hlutur á sinn stað. Það var ekki
mikiö af skápum í gömlu eldhúsunum, og mjög var farið
varlega með diskana og boliana, þvi það var dýrt að
kaupa sér nýja hluti og ekki eins auðvelt að fá þá eins
og nú á dögum. Það var mikið verk að þrífa þessa hluti,
því á þá settist reykur frá eldstæðinu og fita. Loftræsting-
in var ekki alltaf upp á marga fiska, því eldiviður var oft
af skornum skammti, og var þá lítið um opna glugga, því
ekki mátti hleypa blessuðum hitanum út.

Páskaeggin
Eflaust á mamma ykkar eitthvað af eggjahöldurum
úr pappa. — Klippið kúplana út og límið þá saman
tvo og tvo. Mjórri endarnir snúa saman (sjá mynd).
Nú reynir á hugkvæmnina við að mála þessa eggja-
bikara með skærum litum, vatnslitum eða Hörpu-
silki.
Takið pappirsræmu, 30 cm langa og 4 cm breiða.
Teiknið á hana marga unga (sjá mynd) og klippið
þá út að ofan og klippið einnig út fyrir neðan nef
unganna og stél (sjá 5). — Málið þá gula.
PÁSKALEIKUR
Teiknið á blöð umlinur eggs, jafnmörg og þátt-
takendur eru. Síðan er höfð samkeppni um, hver
er fljótastur að gera mynd af einhverju, með eggið
sem uppistöðu (sjá mynd).

185