Æskan - 01.01.1984, Blaðsíða 48
Hæ, duglega bökunarfólk! (Betra
hefði verið að segja bakarar - en
þá hefðuð þið líklega haldið að við
værum að ávarpa þá iðnlærðu
eina. . .)
Eftir að við sendum efni í síðasta
þátt til prentsmiðjunnar barst okkur
bréf frá Líneyju Laxdal. Það hafði
að geyma margar góðar uppskriftir.
Enda þótt hún kalli sumt jólasæl-
gæti þykir okkur sjálfsagt að birta
þetta núna - að búa það til og
borða léttir af okkur síðustu leifum
skammdegisdrungans - en næst
tökum við fyrir hollari rétti sem
hæfa vel heilbrigðum lífsháttum!
Knekk
2 dl rjómi
2 dl sykur
2 dl sýróp
1 dl möndlur
1 msk smjörlíki
Sjóðið rjóma, sykur og sýróp við
vægan hita án loks í 30-40 mín.
Blandið þá í smjöri og möluðum
möndlum. Hellið í konfektform og
látið kólna.
Fondant
1 pund flórsykur
1 tsk sítrónusafi
1 eggjahvíta
matarlitur
Sigtið flórsykurinn, bætið í
sítrónusafa og eggjahvítunni þar til
massinn verður mjúkur og teygjan-
legur. Formið að vild en hafið flór-
sykur undir þegar þið hnoðið.
Kornflekskökur
250 g kókossmjör
225 g flórsykur
100 g kakó
2 tsk vanilludropar
kornfleks (úr u. þ. b. einum
pakka af venjulegri stærð)
Bræðið kókossmjörið. Öllu hinu
hrært saman í skál. Athugið að feit-
in má ekki sjóða. Kókossmjörinu er
hellt út í og hrært vel. Sett í toppa á
bökunarplötu og látið storkna. Haf-
ið smjörpappír undir. (Lík uppskrift
var birt í jólablaðinu en hún var öllu
erfiðari).
Hnetusúkkulaði
50 g valhnetur
50 g heslihnetur
50 g möndlur
1-200 g suðusúkkulaði
Hnetur og möndlur eru ristaðar á
pönnu og saxaðar gróft. Súkkulað-
ið er brætt yfir gufu og hnetum og
möndlum bætt út í. Sett á smjör-
pappír og breitt vel úr. Látið storkna
og brotið í bita.
FÖNDUR
r-
Hér sjáið þið hvernig þið getið
teiknað skemmtilegar myndir hvert
af öðru. Þið límið teiknipappírsörk á
vegginn í hæfilegri hæð, síðan sest
sá sem teikna á við teiknipappírinn
eins og myndin sýnir. Lampa er
stillt upp við hliðina á fyrirsætunni.
Nú er aðeins eftir að teikna, og það
ætti ekki að vera vandasamt. Sá
sem situr fyrir verður auðvitað að
vera grafkyrr. Góða skemmtun.
Hér kemur annar teiknileikur og
er hann öllu vandasamari, en með
góðri æfingu ættuð þið að geta gert
margar og skemmtilegar myndir.
Þið látið kunningja ykkar hafa blað
og blýant og segið honum að
teikna óregluleg strik og bogalínur.
Síðan eigið þið að halda áfram með
teikninguna og búa til myndir úr
strikunum. Þetta verður auðvitað
erfitt til að byrja með en smám
saman komist þið upp á lag með
þetta. Hér á myndinni sjáið þið
nokkur dæmi um þennan leik.
48