Æskan - 01.01.1984, Blaðsíða 45
c
MJOLKURDAGARAAKUREYRI
)
„Mjólkurdagar ’83“ voru haldnir í
íþróttahöllinni á Akureyri í nóvember sl.
Geysileg aðsókn var að þessari sýningu sem var
í alla staði hin glæsilegasta og aðstandendum til
mikils sóma. Almenningur kunni vel að meta og
alls komu um 9 þúsund manns á sýninguna, eða
sami fjöldi og sótti sýningu þessa er hún var
haldin í Reykjavík.
Á sýningunni gat að líta framleiðsluvörur
landsmanna í mjólkurvörum. Gestir fengu að
smakka á mörgum tegundum og notfærðu sér
það óspart. Þá var tilboðsverð á ýmsum vörum á
sýningunni og sýningargestir þökkuðu fyrir og
versluðu fyrir um 400 þúsund krónur.
Fleiri sögur
Kæri Æskupóstur!
Ég ætla fyrst aö þakka fyrir
skemmtilegt blaö en mér finnst það
of stutt. Ég vil fá fleiri sögur, kross-
gátur, skrítlur og fleiri verölauna-
þrautir. Ég ætla sjálf að koma með
skrítlu. Hún er svona:
Nokkur börn voru að leika sér að
geta gátur. Ein gátan var svona: -
Hver er það sem á kamb en kembir
sér aldrei?
Þá varð einn strákurinn skömm-
ustulegur og sagði: „Það er ég.“
Heyrðu Æska, það væri líka
gaman ef það yrði efnt til teikni-
myndasamkeppni. Ég vona að ég
fái svör.
Gulla
Óskir þínar hafa komist til skila,
Gulla. Við erum að athuga þetta
með teiknimyndasamkeppnina.
Áskrifendagetraunin
Kæri Æskipóstur.
Ég ætla að byrja á því eins og
margir aðrir að þakka mjög gott
blað. En nú er komið að spurning-
unum.
1. Má ég ekki taka þátt í áskrif-
endagetrauninni ef pabbi minn er
áskrifandi?
2. Hvað kemur Æskan oft út á
ári?
Kær kveðja,
J.B.S.
P.s. í sumar sendi ég bréf í aðdá-
endaklúbb í Ástralíu. Hvað á ég að
bíða lengi eftir svari?
Svör til J.B.S.:
1. Jú, þú mátt það, en þá verður
pabbi þinn uð vera skrifaður fyrir
lausninni.
2. Eins og áður hefur komið
fram í Æskupóstinum kemur hún út
níu sinnum.
P.S.-svar: Það fer sjálfsagt eftir því
hvað þú hefur verið að spyrja um.
Ef til vill hefurðu ekki sent alþjóð-
legt svarfrímerki með. Það gæti
verið ástæðan.
Óskir um Plaköt
Kæra Æska.
Ég er ánægð með plakötin sem
þið eruð farin að birta. Ég vona að
þið takið vel á móti óskum mínum
um plaköt af eftirtöldum: Boy
George, Grýlunum (viðtal má
fylgja) og David Bowie. Ég er viss
um að margir taka í sama streng.
Viðtal við Grýlurnar yrði frábært.
Kær kveðja,
Heiða.
Brandarar
Kæra Æska.
Ég ætla að láta ykkur fá nokkra
brandara. Þeir eru svona:
Hafiði heyrt um tannlækninn sem
reif kjaft?
En trommuleikarann sem sló í
gegn?
En gítarleikarann sem tók alltaf í
sama strenginn?
Hvað sagði veggurinn við hinn
vegginn?
- Hittumst á horninu.
Svo er það kafarinn sem var svo
niðursokkinn í starf sitt að hann
varð að hætta.
Bless,
Edda H. Guðmundsdóttir,
Fornhaga 15,
Reykjavík.
ÆSKAN
45