Æskan - 01.01.1984, Blaðsíða 15
Almar og Ellert Danelíussynir
BINGQIÐ SKEMMTILEGAST
sagði hún. „Við syngjum, ferðumst,
gefum út blað og fáum gesti. Af
gestum má nefna Þorvarð Örnólfs-
son hjá Krabbameinsfélaginu sem
nokkrum sinnum hefur komið hing-
að til að fræða okkur um skaðsemi
tóbaks, einnig prest sem eitt sinn
starfaði við kristniboð í Afríku og ég
man ekki lengur hvað heitir."
Blaðið, sem Ingibjörg minntist á,
heitir Kvisturinn okkar. Fyrsta tölu-
blaðið leit dagsins Ijós á þessum
fundi. í blaðinu kennir ýmissa
grasa, s.s. viðtals við áðurnefndan
Þorvarð Örnólfsson; sagt er frá vor-
móti barnastúknanna í Galtalækjar-
skógi síðastliðið vor, uppskrift er að
hamingjunni, brandarar eru í
blaðinu og ýmislegt fleira. Ingibjörg
er í ritnefndinni og hún sagði að
það hefði farið nokkur tími í að taka
efnið saman en þau ætluðu að
halda útgáfunni áfram.
-Ætlarðu að halda áfram að
starfa í stúkunni, Ingibjörg?
„Já, á meðan ég hef aldur til að
vera í barnastúku," sagði hún.
BRÓÐIRINN
Við hliðina á Guðrúnu Margréti
sátu Almar og Ellert Danelíus-
synir. Þeir eru 9 ára og eru í 3. bekk
í Fellaskóla. „Við höfum verið eitt ár
í stúku,“sögðu þeir.
-Hvað finnst ykkur skemmti-
legast að gera á fundunum?
„Spila bingó."
-En að syngja?
Það komu vöflur á þá. „Nei-i, það
er ekki eins gaman. Við syngjum
lítið.“
-Hafið þið farið í ferðalag með
stúkusystkinunum?
„Nei, ekki ennþá.“
Þeir sögðu að tólf ára systir
þeirra væri í stúkunni og bentu okk-
ur á hana hinum megin í salnum.
Svo voru þar tvær stelpur úr bekkn-
um þeirra. Fleiri bekkjarsystkini
væru ekki með.
Nú var liðið á fundinn og
Rebekka söngstjóri bað félagana
að taka upp fjölritað söngblað sem
hún hafði dreift. Hópurinn söng
„Hér er ég, lítill templar, í íslands
varnarher" eftir Halldór Kristjáns-
son frá Kirkjubóli en hann og
Rebekka Eiríksdóttir, kona hans
hafa starfað mikið með barna-
stúkunni Kvisti. Gæslumaður stúk-
unnar er Katrín Eyjólfsdóttir.
Síðustu tónar lagsins voru að
deyja út þegar við Heimir Ijós-
myndari fórum af fundi.
í STÚKU
Við röbbuðum líka við Guðrúnu
Margréti Kjartansdóttur, 10 ára.
Hún er í Fellaskóla og hefur verið
eitt ár í Kvisti.
„Mætirðu á alla stúkufundina,
Guðrún Margrét?“
„Já, þegar ég get. Hér er svo
gaman."
„Eru systkini þín í stúku?“
„Já, bróðir minn. Hann er ellefu
ára.“
Guðrún Margrét sagðist ætla
að vera lengi enn í stúkunni og
e.t.v. að ganga í fullorðinnastúku
síðar.
HAMINGJUUPPSKRIFTIR
Að lokum birtum við hamingju-
uppskrift úr Kvistinum okkar,
blaðinu sem áður hefur verið
minnst á í greininni. Uppskriftin er
svona og kannski vill einhver not-
ast við hana:
„2 sléttfullir bollar af þolinmæði,
1 hjartafylli af kærleika,
slatti af hlátri,
höfuðfylli að skilningi,
vætið örlátlega með góðvild,
látið nóg af trú og blandið vel,
breiðið yfir heila mannsævi.
Berið á borð fyrir alla sem þið
mætið.“
—E.l.
15