Æskan - 01.01.1984, Blaðsíða 16
TONLISTARSKOLINN A
AKUREYRI » r
„ÞAÐ MÁ DEILA UM HVORT ÉG
SÉ DUGLEGUR AÐ ÆFA“
Guömundur Guölaugsson er að læra á trompet
í Tónlistarskólanum á Akur-
eyri stunda nám í vetur um fimm
hundruð nemendur, og fast-
ráðnir kennarar eru 23. Skóla-
stjóri er Atli Guðlaugsson. Nám í
skólanum skiptist niður í 8 stig
og það er ekki óeðlilegt að sumir
nemendur klári þau á átta árum.
Þó fer yfirleitt lengri tími í efri
stigin. Sumir nemendurnir eru
utan við allt kerfi og eru í skólan-
um aðallega sér til skemmtunar.
Yngstu nemendurnir eru aðeins
fimm ára, en þeir byrja í forskóla
þar sem öllu heldur er um leik að
ræða, en fyrir þá nemendur er
blokkflautan aðal leikfangið, og
þannig kynnast þau tónlistinni
gegnum leikinn. Vinsælasta
hljóðfæri nemandana mun vera
þverflautan, það mun stafa af því
að hún er ákaflega eðlilegt fram-
hald af blokkflautunni sem flestir
byrja á.
Hér fara á eftir fjögur viðtöl við
nemendur sem stunda nám við
skólann.
Atli Guðlaugsson, skólastjóri
Tónlistarskólans á Akureyri byrj-
aði 9 ára að leika á trompett í
Hafnarfirði, en var þá ekki lengi í
námi. Þrettán ára byrjaði hann
að spila með Lúðrasveit Hafnar-
fjarðar, en hóf ekki skipulegt
tónlistarnám fyrr en hann var
orðinn tvítugur, þá í Tónlistar-
skóla Reykjavíkur, í blásara-
kennaradeild. í þeirri deild lærði
hann á öll málmblásturs-
hljóðfæri, píanó, ásláttar-
hljóðfæri og hljómsveitarstjórn.
Atli hefur gegnt skólastjóra-
starfinu í tvo vetur.
Guðmundur Guðlaugsson er
að læra á trompet. „Þetta er
fimmta árið,“ segir hann. „Að
vísu tók ég mér tveggja ára hlé.“
„En hvað kom til að þú byrj-
aðir?“
„Pabbi spilar á básúnu í Lúðra-
sveit Tónlistarskólans og ég var
alltaf með honum á æfingum. Og
ég var alltaf hrifnastur af þeim lag-
línum sem trompetið spilaði svo ég
ákvað að læra á það. Ég fitlaði
aðeins við píanó í tvö ár, en hætti
því og tók til við trompetið aftur."
„Er þetta skemmtilegur skóli?“
„Já, það er nóg að gera, hér er líf
og fjör og góður mórall - skemmti-
legt fólk. Það má nú deila um
hversu duglegur ég er að æfa, það
fer eftir því hvað ég hef mikinn tíma.
Auk þess spila ég með hljómsveit
skólans og hjá Leikfélaginu í My
Fair Lady.“
„Áttu gott hljóðfæri?"
„Getzen, það er topphljóðfæri. í
því er skriðdrekastál - næstum
Guðmundur Guðlaugsson
16