Almanak Ólafs S. Thorgeirssonar - 01.01.1906, Blaðsíða 75
ALMANAK 1906.
45
„Og' þú hefir aldrei sagt mér, að hann væri íslend-
ingur“, sagði Mrs. Mclsaac og leit til dóttur sinnar.
,,Ég vissi það ekki“, sagði Mabel. Hún horfði fast
á mig fáein augnablik, og mér sýndist hún alt í einn verða
sérlega döpur í bragði; en eg gat ekki skilið, að eg eða
þjóðerni mitt hefði á nokkurn hátt orsakað það. — Alt í
einn gekk hún í áttina til gilsins, og eg heyrði að hún
fór að raula fyrir munni sér alþýðuvísuna, sem eg hafði
áður heyrt hana kveða.
Móðir hennar horfði þegjandi á eftir henni um stund
og sagði svo við mig: ,,Svo þú ert íslenzkur ?“
,,Já, og meira að segja, fæddur á íslandi“, sagði eg.
,,Og þá—hefir hann líka verið íslenzkur“,sagði hún
eftir að hafa verið hugsi um stund.
,,Hver ?“ sagði eg.
,,Ó, það gjörir ekkert til!“ sagði hún. ,,En komdu
hérna við og fáðu þér að drekka, þegar þú ert hér á
ferð. “
Eg þakkaði henni, kvaddi hana svo og fór mína leið.
Nokkurum dögum síðar mætti eg Mabel á póstvegin-
um niðri í dalnum. Eg man, að það var nokkuð heitt
þann dag, þó áliðið væri sumars.
,,Góðan daginn, litli drengur!“ sagði hún og setti
körfuna niður á brautina.
,,Góðan daginn!“ sagði eg og lyfti hattinum
mínum.
,,Það er heitt,“ sagði hún eftir stundar-þögn og
strauk hárið frá sveittu enninu.
,,Já, það er ósköp heitt!“ sagði eg og tók upp vasa-
klútinn minn, þó eg væri ekkert sveittur.
Nú kom löng þögn. Hún horfði niður fyrir sig og
rótaði mölinni ofurlítið til með berum fætinum.
,,Þektir þú hann?“ sagði hún alt í einu og horfði
4