Almanak Ólafs S. Thorgeirssonar - 01.01.1906, Síða 92

Ö2
ÓLAFUR s. thorgeirsson:
bæ, sem yert hefir þótt að geta opinberleg'a í innlendu
blaði frá þessum árum, og hefir verið skoðað sem býsna
nýstárlegt tiltæki af þeirra hálfu. Fyrir þessu hafði Jón
A. Blöndal gengist og þótti takast býsna vel. Enda
var þetta ekki látið niður falla, en til þess tekið með nýju
fjöri nú þegar Einar Hjörleifsson var í hópinn kominn.
Enda hafði hann öllum betur vit á þess konar og lag á að
segja til og beina smekkvísi manna í heppilegt horf.
Veturinn 1886 gekst hann fyrir því með öðrum, að
leikritið Hermannaglettur eftir danska skáldið Host-
rup yrði leikið hér. Var það leikið nokkurum sinnum í
febrúarmánuði og þótti ágæt skemtun og betur takast að
leika en nokkuru sinni áður. Lék Einar Hjörleifsson þar
sjálfur og ýmsir aðrir, sem góður rómur var gjörður að.
Fleiri leikir voru æfðir og leiknir um veturinn, svo sem
Jeppe á Fjalli eftir Holberg, og Heimspekingarn-
ir. Voru leikir þessir sérlega vel sóttir og þóttu bera
langt af þeim skemtunum, er menn áður höfðu átt kost á
að veita sér.
í marzmánuði komu þau fjögur félög með íslending-
um, sem einna mest kvað að, sér saman um að halda
skemtisamkomu til arðs fyrir sjúkrahús bæjarins, sem þá
var styrkt með almennum fjársamskotum, eins og á sér
stað fram á þenna dag, og mikið gott átti af Islendingum
skilið, því þar nutu þeir skjóls og hælis, þegar heilsan bil-
aði, sem æði-oft vildi verða. Félögin, er fyrir-samkom-
unni stóðu, voru þessi: Framfarafélagið, Kvenfélagið,
Söngfélagið og Bindindisfélagið. Tókst samkoma þessi
betur en líkar samkomur höfðu áður tekist; húsrúm var
að sönnu lítið fyrir fólk svo margt, en af því skemtanin
var hin bezta, sat fólkið kyrt og rólegt, þó heitt væri, og
þröngt. Arðurinn af samkomu þessari varð $io3Ógþótti
það mikil upphæð. Það sást á þessu og ýmsu öðru, að