Almanak Ólafs S. Thorgeirssonar - 01.01.1907, Síða 54

26
ÓLAFUR S. THORGEIRSSON :
með Kanadamanni einum og tóku þeir aS sér að g-jöra
þvertré í skógi fyrir járnbrautarfélag 'eitt í New York-ríki
(New York Central); eru slík þvertré höggin úr eikartré
og lögð þvers yfir brautir, svo járnbrautarteinar geti hvílt
á endum þeirra.
Að þessu starfi græddist honum fvrst fé svo að
nokkuru næmi. Hafði hajin nálægt 1100 dali í pússi
sínum að hausti og má nærri geta, að honum hefir eigi
fundist það lítii auðlegð.
Þarna var hann þá að sams konar störfum þangað til
seint um veturinn 1874. Þá voru íslendingar komnir til
Roseau í Muskoka-héraði og fór hann nú að finna þá.
Langaði þá alla til að ná sér í landskika, þar sem þeir
gæti tekið sér bólfestu og farið að búa.
Varð það þá uppi á tening, að hann færi með
nokkurum þeirra vestur til bæjar þess, er Parry Sound
nefnist, og skoðaði lönd þar norður af. Fóru þeir allir
fótgangandi ferð þessa. Ætluðu þeir alla leið til Lake
Niþissing, en komust ekki alla leið fyrir leysingum; fóru
að eins til Mugnetuan river. Tíu daga voru þeir í land-
könnunarför þessari. Ekkert leizt þeim sérlega vel á land-
kosti og hurfu frá því að nema þar land.
En Sigtryggur dvaldist norður þar, þangað til um
sumarið, að von var hins mikla innfi)'tjendahóps frá Is-
landi; er vestur fluttist sumarið 1874. Var hánn fenginn
af Ontario-stjórn til að mæta fólki þessu, er það stigi
af skipsfjöl, og leiðbeina því. Til þess var hann fyrir
allra hluta sakir færastur, þeirra er völ var á, enda bezt
til þess kjörinn, þar sem hann var fyrsti maður, er tekið
hafði sér bólfestu í Kanada, af íslenzku þjóðerni, svo að
kunnugt sé.
I hópi þessum mun hafa verið eitthvað urn 350
manns. Með þetta fólk fór hann til Kinmount, bæjar eins